Why Him? (2016) with Sinhala Subtitles |ඇයි එයා? [සිංහල උපසිරැසි සමඟ]

ආයෙත් ටික කාලෙකට පස්සේ සුපිරිම කොමඩියක් අරගෙන ආවා! හොද කොපියක් ඇවිල්ලා නම් දැන් ටික කාලයක් වෙනවා. ඔන්න දැන් තමා ඉවරකරගන්න ලැබුනේ. පසුගිය වසරේ දෙසැම්බර් 23වෙනිදා තමයි චිත්‍රපටිය නිකුත්වුනේ. imdb අගය 6.3ක් ලබාගෙන තියෙන අතර මේ වනවිට හොද ආදායමක් උපයාගෙන තියෙනවා. ප්‍රධාන චරිත විදියට, සුපිරි නළු Bryan Cranston(නෙඩ් ෆ්ලෙමින්), තවත් සුපිරි නළුවෙක් වන James Franco(ලෙයඩ් මේහිව්), සුරූපි නිලි Zoey Deutch(ස්ටෙෆනී ෆ්ලෙමින්) රංගනයෙන් දායක වෙනවා. එහෙනම් කතාව ගැන කෙටියෙන් විස්තර කරන්නම්..

නෙඩ් කියන්නේ පොඩි මුද්‍රණ සමාගමක අයිතිකරුවෙක්. ඉතින් මෙයාගේ පවුලේ ඉන්නේ මෙයයි, බිරිදයි, පුතයි, දුවයි. දුව තමයි ස්ටෙෆනී. මෙයා ගෙදරින් පිට වෙන නගරයක නතරවෙලා ඉගෙනගන්න කෙනෙක්. දුව යාළුවෙලා ඉන්න කෙනා තමා ලෙයඩ්. හැබැයි ස්ටෙෆනී එයාට කොල්ලෙක් ඉන්නවා කියලා අම්මලාට කියන්නේ නෑ. ඒත් දවසක් ස්ටෙෆනී වීඩියෝ කෝල් එකක් අරගන්න වෙලාවේ ලෙයඩ් එතනට එනවා. ඉතින් සීන් එක මාට්ටු.:-). ඊටපස්සේ ස්ටෙෆනීම නෙඩ්ටයි පවුලේ හැමෝටමයි ලෙයඩ්ගේ ගෙදර එන්න කියනවා එයාව හම්බවෙන්න. ලෙයඩ් ගැන කියනවනම් පිස්සුම ඩයල් එකක්.ඇඟ පුරාම පච්ච කොටාගත්ත, කොයිවෙලෙත් කුණුහරුප කියන, විනෝදකාමී, අමුතුම විදියේ කෙනෙක්. හැබැයි පට්ටම සල්ලි කාරයෙක්.

ඔන්න ඉතින් වැඩේ පටන්ගන්නේ මෙයාලා ලෙයඩ්ව මුනගැහෙන්න ගියාට පස්සේ තමා. ලෙයඩ්ගේ වැඩ නිසා නෙඩ්ට මුල ඉදලම මිනිහව වැඩිය අල්ලන්නේ නෑ. කොටින්ම ලෙයඩ් කාරයා ස්ටෙෆනීගේ අම්මටත් ඉගි බිඟි කරන්න පටන්ගන්නවා. ගෙදරට පිලිගන්නෙත් කිස් එකක් එහෙම දීලා.:-). මේ වගේ තවත් විකාර ගොඩයි. හැබැයි ලෙයඩ් ස්ටෙෆනීට ඇත්තටම ආදරේ කරනවා. ස්ටෙෆනීත් එහෙමයි. කොටින්ම ලෙයඩ් ස්ටෙෆනීව කසාද බදින්න පවා හිතාගෙනයි ඉන්නේ. මේ ගැන ලෙයඩ් නෙඩ්ට කෙලින්ම කියනවා. මොකද ලෙයඩ් නෙඩ්ගේ ආශිර්වාදය නැතිව ස්ටෙෆනීගෙන් මේ ගැන අහන්නේ නෑ කියලා කියනවා.ඉතින් ඒක කිව්ව ගමන් නෙඩ් ඒකට අකමැති වෙනවා. මොකද බෑනා කරගන්නවා තියා නෙඩ්ට මිනිහා ගැන හිතාගන්නත් බැරුවයි ඉන්නේ.හැබැයි ලෙයඩ් කියනවා නත්තල් දවස වෙද්දී නෙඩ් එයාට “පුතා” කියලා කතාකරයි කියලා. ඉතින් නෙඩ් ලෙයඩ්ට කැමතිවෙයිද? ඇතුළු ගොඩක් දේවල් දැනගන්න පුළුවන් මේ චිත්‍රපටිය නැරඹුවොත්.

මිනිත්තු 111ක් පුරා කොමඩිවලින් කිසිම අඩුවක් නෑ.මෑතකදී ආව තවත් හොදම කොමඩියක් බවට නොබියව, ඉහලින්ම නිර්දේශ කරන්න කැමතියි. කොමඩි ප්‍රේක්ෂකයෝ ඇතුළු සියලුම දෙනාට චිත්‍රපටිය නරඹන්න කියලා ආරාධනා කරනවා. තවමත් “හොදද?” කියලා හිතේ සැකයක් එහෙම තියෙනවානම් ට්‍රේලර් එක බලන්න කියලා කියනවා. එහෙනම් තවත් උපසිරැසියකින් මුනගැහෙමු!

හැමෝටම ජයවේවා!!