උපසිරැසි වල පේලි 500ක් 1000ක් විතර ටයිප් කරලා අන්තිමේට ලිපි ලියන්න කම්මැලි හාදයෙක්ට ඉන්නේ මම විතරයිද මන්දා. මම හිතන්නේ ඒකට හේතුව ඉවසීම අඩුකම වෙන්නත් පුලුවන්. මොකද මොන උපසිරැසිය කලත් මේක සයිට් එකට යවනකන් ඉවසිල්ලක් නෑ. ඕක වෙන්නැති මම දෙන උපසිරැසි එක්ක පොඩි පොඩි ලිපි පලවෙන්න හේතුව. ( කම්මැලිකමත් පොඩ්ඩක් විතර ගෑවිලා යනවා ඇති 
ඉතින් බෑයි කියලා බෑයි කියලා බැරි නිසා, මටත් මෙන්න මේ අවස්ථාවේ මේ විදියට ටිකක් දිග ලිපියක් ලියන්න වෙනවා. ඒ මුකුත් නිසා නෙමෙයි, මමත් උපසිරැසි ජීවිතයේ දෙවෙනි කඩඉමට ආපු නිසා. මේක තමයි මගේ 100 වෙනි උපසිරැසිය..
The Rite (2011) කියන චිත්‍රපටියට උපසිරැසි කරමින් මම මගේ උපසිරැසි ජීවිතය බයිස්කොප් පවුල සමඟ ආරම්භ කරන්නේ 2014 වර්ශයේ සැප්තැම්බර් මාසයේ. ඉතින් ඔහොම උපසිරැසියෙන් උපසිරැසිය කරලා පලවෙනි කඩඉම (50 වෙනි උපසිරැසි ගැන්වීම) පහුකලා 2015 ජූලි මාසය වගේ වෙනකොට. මුලින් මුලින් නම් ගොඩාක්ම උපසිරැසි කලේ ඉංග්‍රිසි චිත්‍රපටි වලටම තමයි. ඒ අතරිනුත් වැඩිම කැමැත්තක් තිබුනෙ කොමඩි චිත්‍රපටි වලට තමයි. දැන් නම් ටීවී එපි ටික කරනකොට ෆිල්ම් දිහා බලන්නවත් වෙලාවක් නෑ. ඉතින් ඔය අතරතුර සමහර කාලවලදී මට මේ වැඩෙන් ටිකක් දුරස් වෙන්නත් සිද්ධවුනා අධ්‍යාපන කටයුතු නිසා. එහෙමයි කියලා ඉතින් වැඩේ අතැරියෙත් නෑ. මේ උපසිරැසිය කරන්නෙත් විභාගයක් කිට්ටුවම තියන්, ඔන්න ඕකයි ඉතින් තත්වේ. ^_^
මේ ගමනේ මට සහය දුන්න මාත් එක්ක හිටපු ටිකදෙනෙක්ව මතක් කරන්නම ඕනා. මේ උපසිරැසි කරන කටයුත්තට මම බැස්සේ මගේ හොඳම මිත්‍රයා ධේනුක යශාන් එක්ක. මෑන්ස් නම් කොටි වලිගේ මුලින් අතැරියට මම නම් අතැරියේ නෑ හැබැයි 
කොහොම උනත් මට උපසිරැසියක් දෙකක් කරගන්න බැරි උන වෙලාවට නෑ බෑ නොකිය වැඩේ ගොඩ දාලා දුන්නාට ඔබතුමාට බොහොම ස්තූති කරනවා මේ වෙලාවේ. ඔතනින් ගියාම ඊලඟට සෙට් උන චරිතය තමයි සමීර චතුරංග.ඉස්සර නම් ඉතින් ෆිලුමක් හොයාගන්න ඕන නම් සමීර චතුරංග තමයි අම්මපා දැන් කොහේ ඉන්නවාද දන්නේ නෑ හොයාගන්නත් නැහැ ^_^ ඊට පස්සේ තමයි සමන් ප්‍රසාද් එහෙම නැත්නම් අන්වර්ථ නාමයෙන් සඳහන් කලොත් පුසා සෙට් උනේ. ඒ එක්කම වගේ තමයි අශාන් විමුක්ති එහෙම නැත්නම් විමාවත් සෙට් උනේ. මේ දෙපලට තමයි ඉතින් සයිට් එක සම්බන්ධයෙන් මොකක්හරි පස්නයක් උනොත් වද දෙන්නේ. මේකේ හරි කොපියක් එනකන් මං සබ් එක කලේ කැම් කොපියට. ඉතින් ඒක වෙබ් කොපියට සින්ක් කරලා දුන්නේ අපේ විමා තමයි. ඒ එක්කම අද බ්ලූරේ එකත් ආවා. ආයෙත් විමා ඒකට සින්ක් කරලා වැඩේ ගොඩ දාලා දුන්නා. බොහොම ස්තූතියි විමෝ. චාමර සම්පත් තමයි අනික් ඩැයල් එක. නෑ බෑ නොකිය මම බාරගත්තු සමහර උපසිරැසි මට කරන්න බැරි වෙන වෙලාවට කරලා දෙනවා. ඔබතුමාටත් බොහොම පිං. එතනින් ගියාම සයිට් එකේ ප්‍රශ්නයක් උනොත් ඉතින් හසන්ත අයියාත් ඕන වෙලාවක සහයට ඉන්නවා. ප්‍රශ්න කියන්නේ ඉතින් සබ් එකක් ඉක්මණට දාගන්න ඕන උනාම හසාටයි විමාටයි තමයි වද දෙන්නේ. මේ ෆිලුම කරන්න මුලින් බාරගෙන තිබුනේ නම් පූසා, ඉතින් මට මේක කරන්න දුන්නාට ගොඩාක් ස්තූතියි ඈ, ඒවගේම ඉසිර අයියා, රොයිලි අයියා, සමීර කරුණාරත්න, නිලුපුල්, ප්‍රණීත්, අසංක ප්‍රදීප් එතකොට මේ ලඟදි සෙට් උන රවිඳු රුක්ෂාන් මලයා, ඉසුරු දිල්ශාන්, රාජ් මලයා, චන්දිම, සුරාජ්, නලින්, ආසිරි, සඳුන්, කලිඳු, රසිත, නිර්මාණි අක්කා, තිසර, ඇතුලු බයිස්කෝප් උපසිරැසි කණ්ඩායමේ මම දැන හඳුනාගත් නොගත් හැම උපසිරැසිකරුවෙක්ම මේ වෙලාවේ මතක් කරනවා. තව කාගේ හරි නමක් සඳහන් කරන්න බැරි උනා නම් සමාවෙන්න ඕන..
මේ හැම උපසිරැසිකරුවෙක්ම මේ දෙවල් කරන්නේ කිසිම ලාභ ප්‍රයෝජනයක් බලපොරොත්තුවෙන් නම් නෙමෙයි. මේ කරන සේවයේ එකම තෘප්තිය ඔබේ කාලයෙන් බිඳක් වැය කරලා දාන පුංචි කොමෙන්ටුවක් විතරයි. මම නම් ඇත්තටම උපසිරැසියක් කරගෙන යන වෙලාවට කම්මැලි කමක් ආවොත් එහෙම කරන්නේ කලින් මම දීපු උපසිරැසිය අඩංගු ලිපියේ ඔයාලා දාලා තියන අදහස් කියවන එක. කොටින්ම කිව්වොත් සෑහෙන ගැම්මක් එනවා ඒවා කියවනකොට. එතනින් ගියාම උපසිරැසියක් පොඩ්ඩක් පරක්කු උනාම මම දැකලා තියනවා සමහරු බොහොම පහත් විදියට බැනලා කමෙන්ට් දාලා තියනවා. කරුණාකරලා ඒ වැඩේ නම් කරන්න එපා. ඒක පව් වැඩක්. ඒ මිනිස්සු තමන්ගේ කාලය කැප කරන් මේවා කරන්නේ කාගෙන්වත් බැනුම් අහන්න බලන් නෙමෙයි. ඉතින් දැන් ඒවා මේවා කිව්වා ඇති වගේ. කතාව ගැන පොඩ්ඩක් කියන්නත් එපෑය.
ඉතින් අපි කාගේත් ආදරය දිනාගත් ඒ සුරූපී නිලිය එමා වොට්සන් සහ ඩෑන් ස්ටීවන්ස් ප්‍රධාන චරිත වලට පණ පොවමින් හැඩකාරිය සහ මෘගයා එහෙම නැත්නම් Beauty and the Beast කියන මේ චිත්‍රපටිය නිර්මාණය කරලා තියනවා. ඉතින් මේක අධ්‍යක්ෂණය කරලා තියෙන්නේ Bill Condon විසින් සහ නිෂ්පාදන සහය David Hoberman, Todd Lieberman යන දෙදෙනා ලබාදී තිබෙනවා. Imdb අගය 7.7ක් ලෙසින් වාර්තා වෙලා තියන මේ චිත්‍රපටිය බොක්ස් ඔෆිස් ආදායම දැනට ඩොලර් බිලියන 1.208ක් ලබාගෙන ඇතිබව සඳහන් වෙනවා. ඉතින් ඒ පොඩි විස්තරය එක්ක කතාව ගැන කිව්වොත්, ඉතින් කතාවේ මුලින්ම පෙන්නන්නේ රාජමාලිගාවක ඉන්න අකාරුණික රාජ කුමාරයෙක්ට මායාකාරියක් හූනියමක් කරලා එයාව මෘගයෙක් කරන එක. එයා ඒ හූනියමෙන් බේරෙන්න නම් එයාට ඇත්ත ආදරයක් ලැබෙන්න ඕන. ඒ ආදරය ලැබෙන්නේ කාගෙන්ද කියලා ඔයාලාට බලාගන්න පුලුවන් වෙයි. ඉතින් එමා වොට්සන් එහෙම නැත්නම් කතාවේ විදියට බෙල් එයාගේ තාත්තා මෝරිස් එක්ක පොඩි ගමක ජීවත්වෙනවා. බෙල් ගොඩාක් කැමති පොත් කියවන්න. ඒ උනාට ගමේ මිනිස්සු හිතන්නේ මෙයා අමුතුයි කියලා. ඉතින් ගමේ ඉන්න ගැස්ටොන් කියලා හැඩිදැඩි හාදයෙක් බෙල්ට ඇහැ දාගෙන ඉන්නේ. ඒත් බෙල් නම් එයාට කැමති නෑ. ඉතින් බෙල්, ගැස්ටොන්, මෘගයා මේ චරිත සහ තව බොහොමයක් චරිත වල එකතුවෙන් බොහොම ලස්සන කතාවක් ගෙතිලා තියනවා. කතාව බලන්න ඔයාලාට බාරයි. ලිපිය ටිකක් අපිලිවෙලයි වගේ නම් සමාවෙන්න.
Due to copyright issues, we do not provide any torrent links.
මෙම ලබා දී ඇති උපසිරසි HD / Br පිටපත සඳහා වලංගු වේ.
2219 downloads
