මට යන්තම් අවුරුදු 24 අද මගේ පැටියට වයස අවුරුදු 5ක් වෙනවා නමුත් එයාගේ උපන්දින කේක් එක වෙනුවෙන් ගහන්න මට ඉදි පන්දමක් නැහැ. මම දැන් මේ කාමරයේ වහලෙක් වෙලා අවුරුදු 7ක් වෙනවා. මගේ පුතා ජැක් තවමත් එලිය දැකලා නැහැ, එයාට අනුව කාමරයෙන් එහා ලෝකය අභ්‍යවකාශය, රුපවාහිනි නාලිකා වෙනම ලෝකයන්, බල්ලෝ, පුසෝ වගේ ඒකි නොකී හැම සතෙක්ම ඇත්ත නෙමෙයි, ඔවුන් රුපවාහිනියේ මායා රූ. මම කොහොමද එයාට ඇත්ත කියන්නේ ?
මම කොහොමද එයාට මේ මාව හිරකරන් මගේ අයුතු ප්‍රයෝජන ගන්න තිරිසනා එයාගේ තාත්තා කියන්නේ ? අනේ දෙවියනේ මම මොනවා කරන්න ද? මගේ ළමයාගේ ජීවිතය මෙහෙම විනාස වෙන්න දෙන්න මට තවත් බැහැ, නමුත් මම කාමරයේ දොර අරගන්න රහස් කේතය දන්නේ නැහැ, මේ තිරිසනා එකක් හැප්පෙන්න මම උත්සාහ නොකලා නෙමෙයි, එකෙන් වුනේ මගේ හොඳට තිබ්බ අතක් විනාස වුන එක… මම කොහොම හරි මේ අපායෙන් මගේ ළමයා ගලවා ගන්න ඕනේ, මෙතෙක් හිටියේ මම විතරයි දැන් අපි දෙන්නෙක් ඉන්නවා, සහතිකයි එයා මම කියන දෙය කරාවි, නමුත් පොඩ්ඩක් වැරදුනොත් මගේ ජිවිතයේ වටිනාම දෙය මට නැති වෙන්නේ නිමේෂයකින්…. මුළු ජිවිතයක් නැති වුන මට ඒ අවදානම ගන්න ඇහැකි ද?
එලියට ගියත් මගේ පුතා ලෝකය ගැන දන්නේ මොනවා ද? මේ අසරණයට අඩුම තරමේ පඩිපෙලක් නැගගන්න බැහැ. මොකද එයා කිසිම දවසක පඩිපෙලක් දැකලා නැහැ… දෙවියනේ මම මොනවා කරන්න ද? පිටත ලෝකය මගේ ළමා කොහොම පිලිගනී ද? අවුරුදු 7ක් මිනිස් ඇසුරෙන් වෙන් වෙලා උන්න මට කොහොම නැවත සමාජය එකක් ගැටෙන්න හැකි වේවි ද? මම දන්නේ නැහැ දෙවියනේ…. වෙලාවකට මරණය සැපයි කියල හිතෙන්නේ මේ වෙලාවට, නමුත් මේ තිරිසනා එකක් මගේ ජැක් දාලා යන්න මට හැකියාවක් නැහැ….
ඒ තමයි ජෝයි නිව්සම්ගේ ජීවිතය, වසර 7 කට පෙර පැහැරගෙන ගොස් කාමරයක හිරකර ගෙන සිටින ඇය ලෝකය ගැන දන්නේ නැහැ, නමුත් ඔබ මම යමක් දන්නවා මේ ලෝකය ගැන ඒ අපි හැමදාම ඒ එක්ක ගැටෙන නිසා, ඇයට අවස්තාවක් දෙන්න අර අසරණ කොලු පැටියා එකක් ලෝකය දිහා බලන්න…. මේ ලගකදී අප වෙබ් අඩවිය විසින් සංවිධානය කල කාර්යයක් නිසාවෙන් මට ළමා ලෝකය ගැන ඇත්තෙන්ම වෙනස් ඇහැකින් දකින්න ලැබුනා, ඉතින් මේ කතාව තවත් සංවේදී, ඔබට වෙලා තියේ නම් නාටකයක් කියලා මගහැර යන්න එපා මිනිසුන් හැටියට මෙය නරඹන්න….
මෙය නවකතාවක් පාදක කරගෙන නිර්මාණය කරන ලද සලරුවක් පොතේ රචකයා වෙන්නේ Emma Donoghue ඇයම තමයි පිටපත නිර්මාණය කරන්නෙත්, අධ්‍යක්ෂකවරයා වෙන්නේ Lenny Abrahamson. මෙහි මවගේ චරිතය වෙනුවෙන් එක්කාසු වෙන්නේ Brie Larson ඇය මෙම ඇති විශිෂ්ට චරිත නිරුපනය වෙනුවෙන් මෙවර ගෝල්ඩන් ග්ලෝබ් සමානය දිනාගත්තා වගේම මෙවර ඔස්කා සම්මානය වෙනුවෙනුත් නිර්දේශ ලබලා තියනවා. බොහොම වෙලාවට දිනන බවක් තමා තියෙන්නේ, කුඩා ජැක් ලෙස එක්වෙන්නේ Jacob Tremblay. තවමත් වයස අවුරුදු 10 පමණක් වෙන මේ පොඩි කොලු පැටියා මගේ මතය අනුව නම් මෙවර ඔස්කා සම්මාන උළෙලේ හොඳම සහය නළුවා හෝ ප්‍රධාන නළුවා කියන කාණ්ඩ දෙකෙන් එකක් වෙනුවෙන් නිර්දේශ විය යුතුමයි, නමුත් බොහොම සම්මාන උළෙල වල ඔහු මගහැර වැඩිහිටි පිරිස වෙත ඇස් යොමුකළ බවක් තමයි පෙන්නේ, නමුත් මේ චරිතය වෙනුවෙන් විතරක් මේ කුඩා නළුවා සමාන 27 සඳහා නිර්දේශ වෙලා එයින් සම්මාන 12 දිනාගන්න සමත් වෙලා තියනවා තව කොල්ලාගේ වැඩ ගැන කියන්න ඕනේ නැහැ නෙව.
විචාරක ප්‍රේක්ෂක පැසසුම ගැන කතා කරනවා නම් IMDB 8.3 ක් වගේ ඉහල අගයක් ලබාගෙන හොඳම චිත්‍රපටි 250 ඇතුලේ 169 වැනි තැන දිනාගන්නත් සමත් වෙලා තියනවා. මේ වෙනුවෙන් වියදම් වෙලා තියෙන්නේ මිලියන 6 වගේ බොහොම සුළු මුදලක්. රෝටන් ටෝමාටෝ 96% වගේ ඉළහ ප්‍රතිශතයක් ලබාගන්නත් මේ චිත්‍රපට සමත් වෙලා තියනවා, ඒ එකක්ම මෙවර ඔස්කා සම්මාන උළෙලේ හොඳම චිත්‍රපටය ඇතුළු සම්මාන 4 වෙනුවෙන් නිර්දේශ වෙන්නත් සමත් වෙලා තියනවා.
එහෙනම් ඉතින් තවත් උපසිරසක් එකක් හමුවෙන තුරු ඹ සැමට ජය වේවා !!
89 downloads
