මං මුලින්ම ප්‍රශ්න දෙකක් අහලා ඉන්නම්. 

පලවෙනි ප්‍රශ්නය – එක දවසකදී ඔයාලා ගොඩක් දේවල් කරනවා. සමහර දේවල් හොඳට හිතලා බලලා කල්පනාකාරීව කරනවා. තවත් සමහරක් දේවල් කිසිඳු හෙවිල්ලකින් බැලිල්ලකින් තොරව කරන්නම් වාලේ කරනවා. මේ කරන්නම් වාලේ කරපු දෙයක් නිසා, කවදාහරි දවසක ඔයාගේ ජීවිතය උඩි යටිකුරු වෙලා තියෙනවද….? 

දෙවැනි ප්‍රශ්නය –  ඒ විදියට හිතා බලන්නෙ නැතිව මොකක්හරි දෙයක් කළා නම්, ඒකෙන් මොකහරි ලොකු ප්‍රථිපලයක් ලැබෙන්න ඇතිනෙ. ඒ ලැබුණු ප්‍රථිපලය දරුණු විදියේ එකක් නම්, ඒ වෙලාවේදී ඔයා පුදුමාකාර විදියට අසරණ වුණා නම්, ඒ වෙලාවේ ඔයාට ශක්තියක් වෙමින් ඔයාගේ පිහිටට හිටියේ කවුද…? 

ප්‍රශ්ණයට පිළිතුරු හිතන ගමන්ම මගේ කතාවටත් පොඩ්ඩක් ඇහුම්කම් දෙන්නකෝ.

මං මේ බෙදාගන්න හදන්නෙ මගේ ජීවිතේ එක කොටසක් විතරක්ම නෙමෙයි. එතකොට මට යන්තම් 27 ක් වුණා විතරයි. මට ලැබිච්ච පොලිස් රස්සාවට මං හුඟක් ආසා වුණා. මට හැමදෙයක්ම ලැබුණා. ඒත්, දැනුම් දීමක් නැතිවම, ජීවිතය මාව ‘චෙක් මේට්’ කළා. මට මගේ බිරිඳව නැති වුණා. ඒත් ඒ කම්පනයට පස්සේ වුණත්, මං සතුටින් හිටියා. වතාවක් මගේ යාලුවෙක් මගෙන් ඇහුවා, මෙච්චර ලොකු ඛේදවාචකයක් වෙලත්, ඔයා කොහොමද හොඳින් ඉන්නෙ කියලා. මට ඒකට දෙන්න තරම් හරියාකාර උත්තරයක් තිබුණේ නැහැ. ඒ නිසා, පොඩි හිනාවක් දාලා, මං මාතෘකාව වෙනස් කළා. ඒත්, සමහරක් ගැටළු තියෙනවා, කාලයට පවා සුව කරන්න බැරි විදියේ ඒවා. හරියට, ස්ථිර කැළලක් විදියට, කවදාවත් නැතිවෙලා යන්නෙ නැතිවම. ඒ දිහා බලනකොට අඳුරු මතකයන් විතරයිමයි එලියට එන්නෙ. ඒකත් එක්ක විධි දෙකකට ගණුදෙණු කරන්න පුළුවන්. පලවෙනි එක තමයි, ඒ ගැනම හිත හිත, දුකෙහි ගිලෙමින් ඉඳීම. අනිත් විදිය තමයි, ඒකට අනුවර්තනය වෙලා,ඒකත් එක්කම ජීවත් වීම. මං සාමාන්‍යයෙන් මේ වගේ දර්ශන විද්‍යාවන් ගැන දේශනා දෙන්නෙ නැහැ. මොකද, ඒ දේවල් තේරුම් ගන්න, මට පොඩි කාලයක් ගතවෙනවා. එතකොට ගොඩක් පරක්කු වැඩියි. එක දෙයක් නම් විශ්වාසයි, කර්මය කියන්නෙ…..? 

දිනය හරියටම 2016 ජූලි 23 වෙනිදා. වෙනදා වගේම පොලීසියේ වැඩට ආවා. ඒත්, මේ දවස මගේ ජීවිතය සදහටම උඩි යටිකුරු කරාවි කියලා, මොහොතකට වත් එදා නම් හිතුනේ නැහැ. වසර ගණනාවක් ගෙවිලා ගියත්, එදා වෙච්ච හැම දෙයක්ම අකුරක් නෑර තවමත් හදවතේ රැඳිලා තියෙනවා. උදේ පාන්දරම ලැබුනේ නම් හොඳ ආරංචියක් නෙමෙයි. කවුදෝ මන්දා තරුණයෙක් තුවක්කුවකින් ඔලුවට වෙඩි තියාගෙන මැරිලා. නමුත්, දිගින් දිගටම පරීක්ෂණ කරනකොට, මේක ඝාතනයක්දෝ කියන සැකයත් ඇතිවෙන්න පටන්ගත්තා. තරුණයාගේ මරණයේ ආරංචිය ලැබිලා පැය කීපයක් යද්දී, තවත් අමිහිරි තොරතුරක් ලැබුණා. මහල් නිවාසයක ජීවත්වුණ තරුණියක් එදා දවසෙම හිටිහැටියේ අතුරුදහන් වෙලා. ඒ ඇරෙන්න ඇයගේ කාමරය පුරාම ලේ පැල්ලම් තිබුනා. මේ ගැටළු දෙකම ලොකු අභිරහස් දෙකක්. වෙච්ච කිසිම දෙයක් හිතාගන්න බැහැ. නමුත්, හදිසියේම දෙයක් සිද්ධවෙනවා. මේ වගේ දෙයක් මුළු පොලිස් ඉතිහාසය පුරාවටම සිද්ධවෙලා නැහැ. මේ සිද්ධවෙච්ච දේ නිසා මාත් ඇතුළුව, කිහිප දෙනෙක්ගේ ජීවිත උඩි යටිකුරු වෙනවා. සිද්ධවෙච්ච දේ අකුරක් නෑර දැනගන්න අවශ්‍ය නම්, එන්න…මාත් එක්ක අත්වැල් බැඳගන්න. මගේ ජීවිත කතාවේ වැදගත්ම කොටසක් මාත් එක්ක බෙදාගන්න. විශ්වාසයෙන් කියනවා, මේ වගේ කතාවක් නම් ඔයාලා ජීවිත කාලය පුරාවටම අහලා නැතිව ඇති. ඒ වගේම, අහන්න හම්බෙන එකකුත් නැහැ. ඔයාලට හුස්ම ගන්න එක පවා මොහොතකට අමතක වේවි. මුලින් මං අහපු ප්‍රශ්න දෙකටත්, ඔයාලට උත්තර හම්බවේවි. එන්න… මගේ කතාවට සාදරයෙන් පිලිගන්නවා. මෙයට, ඔබේම හිතවත්, දීපක්. 

දමිළ සිනමාව කිව්වම ගොඩක් දෙනෙක් හිතාගෙන ඉන්නෙ, අතාත්වික සටන් සහිත, බොළඳ චිත්‍රපට ක්ෂේත්‍රයක් හැටියට. මේ චිත්‍රපටයත් සමගින්, ඒ සියලුම දෙනාට මං අභියෝග කරනවා. මේ චිත්‍රපටය අවසානය තෙක් නරඹලා, පුළුවන් නම් කියන්න, දමිළ සිනමාව කියන්නෙ කිසිම වැඩකට නැති දෙයක් කියලා.  Mystery, Thriller  යන කාණ්ඩ යටතේ,  IMDB දර්ශකයේ 9.2 ක අගයක් සහිතව,  මෑත කාලීන දමිල චිත්‍රපට ඉතිහාසයේ ඉහළම ප්‍රේක්ෂක ප්‍රතිචාරයක් දිනාගත් චිත්‍රපටය… විචාරක මතයන්ට අනුව, එදා මෙදා තුර දමිල චිත්‍රපට ක්ෂේත්‍රයේ නිෂ්පාදනය වූ විශිෂ්ටතම චිත්‍රපට අතුරින් පෙරමුණේම තැබිය හැකි ඇති විශිෂ්ඨ සිනමා නිර්මාණයක්… දමිළ, තෙලිඟු සහ මලයාලම් චිත්‍රපට ක්ෂේත්‍රයන් සිය අසීමිත රංගන කෞශල්‍යයෙන් හැඩගැන්වමින්, චිත්‍රපට 150 කට අධික ප්‍රමාණයක රංගනයෙන් දායක වූ Rahman ගේ තවත් සුවිශේෂී රංගන හැකියාවක් විදහා පාන්නාවූ චිත්‍රපටයක්… ඉන්දියානු රුපියල් කෝටි 17 ක බොක්ස් ඔෆිස් ආදායම් වාර්තාවක් සහිත විශිෂ්ට නිර්මාණයක්… සියළුම දෙනා වෙත සෙනෙහෙ සිතින් පිදීමට අවසරයි එසේනම්….

Due to copyright issues, we do not provide any torrent links.

www.TamilRockers.cz – Dhuruvangal Pathinaaru (2016)[720p HD – AVC – MP4 – 950MB – ESubs – Tamil]

ලබා දී ඇති උපසිරසි සියලුම TamilRockers HD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

හැමෝටම ආයුබෝවන්…! ඉතින් ටික කාලෙකට පස්සේ ආවා තවත් දකුණු ඉන්දියානු සුපිරිම සුපිරි නළුවෙක් ඉන්න චිත්‍රපටයක්. හැබැයි මෙයාගේ චිත්‍රපටි බලන්නේ නැහැයි කියල ප්‍රථිපත්තියෙන් ඉන්න අයත් ඉන්නවා. ඔන්න ඊයේ රෑ තමයි ඔය ෆිල්ම් එකේ හොඳ කොපියක් ආවේ. ෆිල්ම් එක රිලීස් වෙලා මාසයක්වත් නැතුව ඇති, නොසිතු වෙලාවට නොසිතූ විදියට ෆිල්ම් එක ආපුවාම කර කියාගන්න දෙයක් නෑ, ඒ වෙලාවේ තමයි නයි මල්ලිව මතක් වුනේ, නයා මල්ලෙන් එලියට අරන් උඹ භාගයයි මම භාගයයි කරමු කිව්වා, නයි මල්ලි එක පයින් කැමති වුන නිසා තමයි මෙච්චර ඉක්මනින් දෙන්න පුළුවන් වුනේ. තව දෙයක් අපේ වේබ් අඩ විය වැටිලා තියෙන කාලේ අපි ෆිල්ම් දෙන එක නැවැත්තුවා, ඒත් ඒ වෙලාවේ Kodi (2016) ෆිල්ම් එක ඇවිල්ලා සබ් එක දුන්නා මතක ඇති ඒ ඔයාලා වෙනුවෙන්, ඒ සබ් එක අරගන්න බැරුව ගොඩ දෙනෙක් මුහුණ පොතට මැසේජ්කලා මේල් දැම්මා, කමෙන්ට් කලා. මම හිතන විදියට කමෙන්ට් 250+ පමණ සංඛයාවක් තිබ්බා, වෙන දවසට කමෙන්ට් 30ක් 40ක් වත් නැති තරම්, හැමෝටම උවමනා වුනොත් විතරයි කමෙන්ට් කරන්නේ නැතිනම් ආවා, ඩවුන්ලෝඩ් බටන් එක ක්ලික් කලා සබ් එක ගත්තා යන්න ගියා, එහෙම කරන්න එපා අපිට තියෙන එකම වාසිය තමයි ඔයාලා දාන කමෙන්ට් වලින් ලැබෙන සතුට, මට මතක විදියට මුහුණ පොතෙන් සබ් එක යවන්න ඇති 500 විතර, ඔය අතරේ හිටියා අයියේ සබ් එක ඉන්බොක්ස් කරන්නකෝ කියලා මැසේජ් 3ක් 4ක් විතර එවපු අය ඉතින් සබ් එක යවපුවාම මොකුත් නොකියා යන්න ගිහින්. එහෙම අය ඉද්දී කමෙන්ට් නොවැටෙන එක සාදාරණයි. කමක් නෑ කමෙන්ට් දැම්මත් නොදැම්මත් වෙලාවට උපසිරැසි ලැබිලා ඇති. (මේක කිව්වේ හැමෝටම නෙමේ වදිනක අයට වදින්න, දැන් තමන් දන්නවා මම කොහොම කෙනෙක්ද කියලා)

එහෙමයි එහෙමයි මාමි! එක පයින් නෙමෙයි පයින් දෙකෙන්ම කැමති වෙනව හරි හරි දැන් බලනව ඇති කවුද මේ කියල. මේ මන් අනී රාජ්. ඔන්න උදෙන්ම කෝල් එකක් ආව. බැලින්නම් අපේ සදුන් මාමි තමයි ඒක අරගෙන තියෙන්නෙ. ඊට පස්සෙ මාමි මට කිව්ව නයා බයිරවා ඇවිදින් කරමුද කියල, අර කිව්වත් වගේ එකෙන්ම කැමති වෙලා වැඩේට අත ගැහුව. ඕන් කොහොම හරි මැච් එකක් ගහල දවසක් වගේ ඇතුලත අපි දෙන්නට මේ උපසිරැසිය කරල ඉවර කරන්න පුලුවන් වුණා. වැඩේ කියන්නෙ මේ ෆිල්ම් එක පැය දෙකයි (2) විනාඩි හතළිස් පහක (45) ෆිල්ම් එකක්. [පට්ට දිගයි ඕයී] හැබැයි වැඩේ අත ඇරියෙ නම් නෑ ඕන් දුන්න උපසිරැසිය. ඉතින් තවත් දෙයක් ඔයාලට කියන්න ඕනි, ඒ තමයි මේ බයිරවා ෆිල්ම් එකට කිසිම ඉංග්‍රීසි උපසිරැසියක් ආවෙ නෑ. ඉතින් අපි දෙන්නට සිද්ද වුණේ කාල රාමු හදාගෙන අසා ලිවීමක් කරන්නයි. දන්නවනෙ කවුරු කොහොම කෑ ගැහුවත් කාටත් කලින් ලස්සනට වැඩේ කරන්නෙ අපි කියල ඕන් එහෙනම් ඔප්පු කළා ඈ…. හරි හරි එහෙනම් ෆිල්ම් එකේ විස්තර ටිකක් මම ඔයාලට කියන්නම්, ආ ඒක නෙමෙයි මේ විස්තර ටික හොයල දුන්නෙ අපේ සිසිල සහෝදරය. ස්තූතී අයියේ!

දකුණු ඉන්දීය චිත්‍රපට ක්ෂේත්‍රයේ සුපිරි තරුව Vijay, 2016 වර්ෂයේ අප්‍රේල් මාසයේදී අවසාන වතාව තිරගතවූ Theri චිත්‍රපටයෙන් පසුව, සුවහසක් ප්‍රේක්ෂක ජනී ජනයාගේ සිත් සතන් අමන්දානන්දයට පත්කරමින්, 2017 වර්ෂයේ ආරම්භයම සිය ග්‍රහණයට ගනිමින්, රංගනයෙන් දායකවන නවතම චිත්‍රපටය තමයි Bairavaa. Action කාණ්ඩය නියෝජනය කරමින්, 2017 ජනවාරි 12 වෙනි දින තිරගතවීම ආරම්භ කරන ලද මෙම දමිළ සලරුව, ලොව පුරා සිටින්නාවූ දමිළ චිත්‍රපට රසික රසිකාවියන් වැළඳගත්තේ උන්මාදයක් ආකාරයටයි. මේ උන්මාදය කෙතරම් දරුණුද කියනවා නම්, තිරගතවීම ආරම්භවී දින 22ක් පසුවන විට ඉන්දියානු රුපියල් කෝටි 110 ක අති දැවැන්ත බොක්ස් ඔෆිස් ආදායම් වාර්තාවක් තැබීමට පවා මෙම චිත්‍රපටය සමත්කම් දැක්වූවා. එමෙන්ම, IMBD දර්ශකයේ 7.3 ක් වැනි ඉහළම ප්‍රේක්ෂක ප්‍රතිචාරයක් දිනාගැනීමටද මෙම සළරුව සමත්කම් දැක්වූවා.

චිත්‍රපටය තුල ප්‍රධාන නිළියගේ භූමිකාවට පණ පොවනු ලබන්නේ නුහුරු නුපුරුදු කෙනෙක් නම් නොවෙයි. Remo(2016), Thodari(2016), Rajini Murugan (2016), Nenu Sailaja (2016), Idhu Enna Maayam (2015) ආදී චිත්‍රපට රාශියකින් ප්‍රේක්ෂක සිත් සතන් මන්මත් කරන ලද Keerthy Suresh විසින් සමස්ත චිත්‍රපටයම ආලෝකමත් කරන අතරවාරයේ, සෙසු චරිතයන් සඳහා Jagapati Babu, Daniel Balaji, Thambi Ramaiah සහ Sathish යනාදී වත්මන් දමිල සිනමාවේ දැවැන්ත චරිත කිහිපයක් සහභාගී වනවා.

චිත්‍රපටය අධ්‍යක්ෂණය කරනු ලබන්නෙ, 2007 වර්ෂයේදී Vijay විසින්ම රංගනයෙන් දායක වන ලද, Azhagiya Tamil Magan චිත්‍රපටය තුලින් අධ්‍යක්ෂණ ක්ෂේත්‍රයට පා තබන ලද Bharathan විසිනි. එමෙන්ම 2014 වර්ෂයේදී නිකුත්වූ Veeram චිත්‍රපටය රචනා කරන ලද්දේ ඔහු විසිනි. එමෙන්ම මෙම චිත්‍රපටය රචනා කරන ලද්දේද මොහු විසින් වීම විශේෂත්වයක් වනවා.

සංගීත අධ්‍යක්ෂනය…වත්මන් ඉන්දීය චිත්‍රපට ක්ෂේත්‍රයේ සිටින අති දක්ෂතම චිත්‍රපට සංගීත අධ්‍යක්ෂකවරෙයෙකු වන Santhosh Narayanan ගේ සුමියුරු නාද රටාවන්ගෙන් සමස්ත චිත්‍රපටයම ඒකාලෝක වන අතරතුරෙහි, එම නාද රටාවන් හට පණ පොවනු ලබන්නෙ, Haricharan, Benny Dayal, Priyadarshini, Darshana KT, Arunraja Kamaraj, Ananthu යන ගායක ගායිකාවන් විසිනි.

හරි එහෙනම් ඒ විස්තර ටිකත් එක්ක මම දැන් කියන්නම් කතාවෙ මොකද වෙන්නෙ කියල. හැබැයි හැමදාම වගේ පොඩ්ඩයි ඈ. අපේ විජේ කියන්නෙ බැංකුවක සල්ලි එකතු කරන නියෝජිතයෙක්. මෙයාගෙ තියෙන් විශේෂත්වය තමයි මෙයා සල්ලි එකතු කරන්න් යන්නෙ එසේ මෙසේ අය ලගට නෙමෙයි. ඔය වංචාකරන ලොකු ලොකු මැරයො ගාවට තමයි මෙයා සල්ලි එකතු කරන්න යන්නෙ. ඉතින් ඔහොම දවසක් ඉන්නකොට එයාගෙ බොස්ගෙ දුවගෙ විවාහ උත්සවයට එයාට ඇරයුම් පතක් හම්බෙනවා. ඒ අතර වාරයේදී ඒ විවාහයට එන බොස්ගෙ දුවගෙ යාළුවෙකුට කරදරයක් සිද්ද වෙනවා. ඉතින් බොස් අපේ විජේට කතා කරල විස්තරේ කියල එයාව ඒ මැරයන්ගෙන් බේරගෙන එක්කන් එන්න කියල කියනව. ඔන්න දැන් තමයි අපේ ප්‍රධාන නිළිය වන කීර්ති සුරේෂ්ව අපේ විජේ දකින්න, ඉතින් අපේ විජේට කීරිති සුරේෂ් ගැන ආදරයක් ඇති වෙනවා. විවාහය ඉවර වෙලා එයාට අදරේ ප්‍රකාශ කරන්න යනකොට කීර්තිට ලොකූ ප්‍රශ්නයක් සිද්ද වෙනවා. විජේ ඒකට මැදිහත් වෙලා කීර්තිව බේරගත්තත් එයා කොහොමත් මැරෙන්නයි ඉන්නෙ කියල විජේට කියනව. මොකද්ද මේ ප්‍රශ්නෙ? විජේ මැදිහත් වුණේ මොන වගේ ප්‍රශ්නයකටද?

ඔන්න පැය දෙකකටත් පුරාවට බලන්න තියෙන්නෙ විජේ කොහොමද එයාගෙ කෑල්ලව මේකෙන් බේරගන්නෙ කියල. ඒ විතරක් නෙමෙයි සමාජෙට ලොකූ පණිවිඩයකුත් දෙනවා. ඒ වගේම කියන්න ඕනි මම දන්නව ඔයා සිංහල උපසිරැසි කරන්න ගොඩක් කැමති ඇති කියල. ඉතින් ඒ කොහොමද කියල දැනගන්න ආස අයට පුලුවනි මෙතනින් ගිහින් ඒ ගැන සිංහලෙන්ම දැනගන්න. ඒ විතරක් නෙමෙයි අලුත් චිත්‍රපටවල තොරතුරුත් ඔයාට බලාගන්න පුලුවන්. කැමති නම් සබ්ස්ක්‍රයිබ් කරල සප් එකක් දෙන්න. ඔන්න එහෙනම් මායි සදුන් මාමියි ලස්සන උපසිරැසියක් තමයි මේ අරන් ආවෙ. ඉතින් හැමෝටම ආරාධනා කරනවා බලන්න කියල. එහෙනම් අපි ගියා, ජය වේවා!

Due to copyright issues, we do not provide any torrent links.

www.TamilRockers.cz-Bairavaa-2017-Tamil-HDRip-x264-700MB-HC-ESubs

මෙම ලබා දී ඇති උපසිරසි ඉහත පිටපත සඳහා වලංගු වේ.

මේ ලබා දී ඇති සිංහල උපසිරැසි පිළිබද “SNAKE RAJ” සොහොයුරාට සහ “සඳුන් ධනුෂ්ක” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

අඟහරු තරණය ප්‍රබන්ධයක් ද? නැතිනම් යථාර්තයක් ද? යථාර්තයක් විය හැකි ප්‍රබන්ධයක් ද?

2016 වර්ෂයේ නොවැම්බර් 14 සිට දෙසැම්බර් 19 දක්වා නැෂනල් ජියෝග්‍රැපික් නාළිකාවේ විකාශය කරන ලද “Mars”නම් වූ කොටස් හයකින් සමන්විත කෙටි රූපවාහිනි මාලාව ගැන තමයි මේ කියන්නේ. හැබැයි මේකේ පළමු කොටසේ ටොරන්ට් නම් ඔක්තෝබර් මාසේ අන්තර්ජාලයට එකතු කරලා තිබුණා. ඒ දවස්වලම තමයි හසන්ත සහෝ මේක ගැන මට කිව්වේ. ඒත් ඒ දවස්වල මට මේකට සබ් කරන්න වෙලාවක් තිබුණේ නැහැ. කොහොම උනත් ඒ දවස්වලම මේ මාලාව බලපු නිසා මටත් ඕන උනා පරක්කු වෙලා හරි මේකට සබ් කරන්න. කොහොමහරි සමන්ගේ උදව්වෙන් තමයි මේකට සබ් කරන්න අවස්ථාවක් ගත්තේ.

ඉතින් “අඟහරු“ පැත්තට හැරුනොත්…

මේක Docudrama විදිහට තමයි වර්ගීකරණය කරලා තියෙන්නේ. ඒ කියන්නේ ඉතින් වාර්තාමය නාට්‍යයක් විදිහට තමා. මේකට පාදක කරගෙන තියෙන්නේ ස්ටෙපන් පෙට්‍රැනක් විසින් 2015 වසරේ රචිත “How We’ll Live on Mars” නැමැති පොත. මේක රූගත කරලා තියෙන්නේ බුඩාපේස්ට් සහ මොරොක්කො හී දී.

ඉතින් මේ අඟහරු තරණය නැමැති කතන්දරය 2016, 2033 සහ 2037 අතර හුවමාරු වෙනවා. 2033 දී හය දෙනෙකුගෙන් සමන්විත ගගනගාමීන් කණ්ඩායමක් “ඩෙඩ්ලස්“ නැමැති අභ්‍යවකාශ යානාවෙන් මානව ප්‍රජාව වෙනුවෙන් නව නිවසක් සොයා අඟහරු බලා යනවා. ඉතින් කතාව පුරාවට තියෙන්නේ මේ කණ්ඩායම අඟහරු තරණයේ විවිධ අවස්ථාවන්ට මුහුණ දෙන්නේ කොහොමද කියන එක ගැන.

ඒ වගේම වාර්තාමය පැත්තට ගියොත්, අභ්‍යවකාශ ගවේෂණය සහ එහි තාක්ෂණය පිළිබඳ වර්තමානයේ සිටින විවිධාකාර විද්‍යාඥයින් සහ ඉංජිනේරුවන් විසින් අඟහරු තරණයේ දී ගගනගාමීන් මුහුණ දෙන්නාවු දුෂ්කරතාවයන් පිළිබඳ කතා කරනවා. ඒ වගේම අභ්‍යවකාශ ගවේෂණයේ අතීත සාර්ථකවීම් සහ අසාර්ථකවීම්, පැරණි තාක්ෂණය මෙන්ම එකල ගගනගාමීන් මුහුණ දුන් වැඩි අවදානම් කාරණා ගැනත් සඳහන් කරනවා.

ඇත්තටම මේක මම දැකපු විදිහට නම්, වර්තමානය නැත්තම් 2016 වර්ෂය වන කොට මානව ප්‍රජාව ලබාගෙන තිබෙන තාක්ෂණික දියුණුවත් සමඟ 2033 වර්ෂයේ දී නව නිවසක් සොයා අඟහරු තරණය කරනවා නම් මොන ආකාරයෙන් ද ඒ සඳහා පෙර සූදානම් විය යුත්තේ, ගගනගාමීන් මොන විදිහේ දුෂ්කරතාවයන්ට මුහුණපායි ද යන්න ගැන සාකච්ඡා කෙරෙන වාර්තා වැඩසටහනක්. ඒ වගේම ඒ සියළු අත්දැකීම් එක්ක 2033 දී අඟහරු තරණය කරන කණ්ඩායම මුහුණ දිය හැකි සිදුවීම් ප්‍රබන්ධය විදිහට ඇතුලත් වෙනවා.

ඉතින් මේ වාර්තාමය කොටසට ප්‍රබන්ධය සම්බන්ධ කරලා තියෙන ආකාරයට යම් මොහොතවල් වලදී  අඟහරු තරණය ප්‍රබන්ධයක් කියන එක පවා අමතක වෙනවා. ඒ තමයි මට දැනුන හැඟීම. ඔයාලට කොහොම දැනෙයි ද කියලා නම් මං දන්නේ නැහැ. කොහොම උනත් මේ රූපවාහිනී මාලාව අභ්‍යවකාශ ගවේෂණය ගැන පොඩි හරි උනන්දුවක් තියන අයට තමා හොඳ. ඉතින් මේකේ අන්තර්ගත වෙලා තියෙන්නේ අභ්‍යවකාශ ගවේෂණයන් පිළිබඳ තාක්ෂණික කතාබහක්. මේ තාක්ෂණික කරුණු ගැන මං වැඩි විස්තරයක් දැනගෙන හිටියේ නැහැ. ඒක නිසා මේකේ තියන බොහෝ කෙටි යෙදුම් සහ තාක්ෂණික කරුණු ගැන අන්තර්ජාලය මඟින් තමයි හොයා ගත්තේ. සමහර දෙබස් තේරුණේම නැහැ. අවස්ථාවට ගැළපෙන්න වචන දැම්මේ. ඉතින් මේ කාරණාත් එක්ක සබ් වල ටිකක් (නෙමෙයි ගොඩක්) අඩුපාඩු තියෙන්න පුළුවන් බව කරුණාවෙන් සළකන්න. (කොහොම උනත් පුළුවන් තරම් හොඳ උපසිරසියක් දෙන්න තමා උත්සාහ කරන්නේ.)

ඉතින් මේක බලන්න කැමැති අයට “නව ලෝකය“ ලෙස නම් කරලා තියන පළමු කොටස ගැන පොඩ්ඩක් විස්තර කරන්නම්.

2033 වර්ෂයේ දී බෙන් සෝයර්ගේ නායකත්වයෙන් හැනා සෙන්ග්, මාර්තා කමේන්, ඇමේලි ඩුරන්ඩ්, ජාවියර් ඩෙල්ගාඩො සහ රොබට් ෆුකෝල්ට් යන ගගනගාමීන් හයදෙනා “ඩෙඩ්ලස්“ අභ්‍යවකාශ යානාවෙන් අඟහරු බලා යනවා. මේ අඟහරු ගමන ගැන වැඩිබර කරට අරගෙන කටයුතු කරන්නේ එඩ් ග්‍රෑන්. ඒ වගේම හැනා සෙන්ග් ගේ නිවුන් සහෝදරිය ජූන් සෙන්ග්, එඩ් ග්‍රෑන් සමඟ එක්ව පෘතුවියේ සිට අඟහරු ගමනට අදාළ මෙහෙයුම් කටයුතු සිදුකරනවා. ඉතින් “ඩෙඩ්ලස්“ අඟහරු මතට ගොඩබැස්වීමට යාමේ දී යානයේ බලාපොරොත්තු නොවූ දෝෂයක් හටගන්නවා. ඉතින් මේ දෝෂය නිවැරදි කරගෙන අඟහරු වෙත ගොඩබැසීමට දරණ උත්සාහය මේ කොටසට ඇතුලත් වෙනවා.

වාර්තාමය පැත්ත ගත්තොත්, මිනිසා මුලින්ම පෘතුවියෙන් ඉවතට ගමන් කිරීමට යොදා ගත් ඒ වගේම දැනටත් භාවිතා කරන  Launchpad 39A ගැනත්, වෙනත් ග්‍රහලොවක් මත රොකට්ටුවක් ගොඩබෑමේදී ඇති විය හැකි නොයෙක් ගැටළු ගැනත්,  ඒ වගේම ඉලන් මස්ක් ප්‍රමුඛ ස්පේස්එක්ස් ආයතනයේ අරමුණ මානව වර්ගයා වෙනුවෙන් අඟහරු මත නව ජනාවාසයක්  ඉදිකිරීම. ඉතින් ඒ සඳහා බොහෝ වාර ගණනක් අඟහරු වෙත යාමට සිදුවන බැවින් වියදම් අඩු කර ගැනීමට රොකට් නැවත භාවිතා කළ හැකි ආකාරයට සකස් කර ගැනීමට දරණ උත්සාහයන් ගැනත් තව බොහෝ විස්තරත් අඩංගු වෙනවා.

Due to copyright issues, we do not provide any torrent links.

Mars.2016.S01E01.WEB-DL.XviD-FUM[ettv]

මෙම ලබා දී ඇති උපසිරසි ඉහත පිටපත සඳහා අදාළ වේ.

 Sinhala Subtitles

මේ ලබා දී ඇති සිංහල උපසිරැසි පිළිබද “සජීවි වේහැල්ල” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

                                                         All Episodes                        Next Episode>>

රොබර්ට් ලුවී ස්ටීවන්සන් ගේ Treasure Island නම් නවකතාව ඔබ බොහෝ දෙනෙක් කියවා ඇතුවාට නිසැකයි. එයම සිනමා පටවලට පවා නිර්මාණය වී තිබෙනවා, මේ වනවිට ඔබත් නරඹා ඇතුවා විය හැකියි. මේ එහි රූකඩ අනුවාදයයි. මෙ මෙගින් අප රූකඩයන්ව මුහුදු සවාරියක් ගෙනගොස් ඇත.

රිසෝ හා ගොන්සෝ සමග ජිම් හෝකින්ස් සේවය කරනුයේ අද්මිරාල් බිම්බෝ තානායමේය. බිලී බෝන්ස් නැවතී ඇත්තේද මේ තානායමේමය. දිනක් බිලීගේ මිතුරු කොල්ලකාරයන් තානායමට පැමිණෙන්නේ බිලීව මරා හෝ නිදන් දූපතට යන සිතියම ලබා ගැනීමටයි. නමුත් ඊට පෙර සිතියම ජිම් අතට ලබා දීමට බිලී සමත්වෙයි.

තානායමේ ඇතිවන ගැටුමෙන් දිවිබේරාගන්නා ජිම්, රිසෝ හා ගොන්සෝ සිතියමට අනුව නිධානය සොයා යාමට තීරණය කරයි. හිස්පැනියෝලා නම් නැවත්, කපිතාන් ස්මොලස්ට් සමග නවතම කාර්‍ය මණ්ඩලයක් මේ සදහා පිටත්ව යයි.නමුත් කිසිවකු නොදන්නා කරුණ නම් මේ කාර්‍ය මණ්ඩලය නිධානය ගැන ඉව වැටුන මූදු කොල්ලකාරයක් පිරිසක් වීමයි.ඒ ගැන කපිතාන්ට සැකයක් ඇතිවනවිට ප්‍රමාද වී අවසානය.

නැවේ කැරැල්ලක් ඇති කරන මේ කොල්ලකාර පිරිසට නිධානය හිමිකරගත හැකිවේද? දූපතේදී කපිතාන් ස්මොලස්ට් හට හමුවන සුරූපිණිය කවුරුන්ද? ලෝන්ග් ජෝන් සිල්වර් හට කුමක් සිදුවේද? සුන්දර ගීත කීපයක්ද සහිත රූකඩයන්ගේ විස්මිත වීර චාරිකාව ඔබත් නරඹන්න.

Muppet Treasure Island 1996 720p Bluray x264 AC3 – Ozlem මෙම නම extratorrent අඩවියේ සෙව්මක් කරන්න. time line සමපාත වනුයේ මෙම පිටපතට බව සලකන්න. කොමෙන්ටුවකුත් දාගෙනම යන්න හොඳේ.

Due to copyright issues, we do not provide any torrent links.

Muppet Treasure Island 1996 720p Bluray x264 AC3 – Ozlem

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “බුද්ධික නුවන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

ග්වැන්ග් ජොන් වෙන්නෙ 4 වැනි කුමාරයා කියලා දැනගත්ත මොහොතෙ ඉඳන් හේසූ සෝ කුමාරයට බොහොම බය වෙනවා. ඔන්න ඔය නිසාම සෝ කුමාරයා මාළිගයේ නීතියට පිටින් හේසූව මුහුද පෙන්වන්න එක්කගෙන යන්නෙ. මේ නිසා 14 වැනි කුමාරයත්, 8 වැනි කුමරයත් බොහොම කලබල වෙනවා. 8 වෙනි කුමාරයා හේසූව කොහොමගරි විවාහ කරගන්න බවටත් පොරොන්දු වෙනවා. යූ බිසව මේ වෙනකොට කිරුළ හිමි කුමාරයව මරා දමන්න කුමණ්ත්‍රණය කරමින් ඉන්නෙ. 4 වැනි කුමාරයා කිරුළ හිමි කුමරුට සමීප බව දන්න නිසා ඇය ඔහුට අභියෝග කරනවා හැකි නම් එය වලක්වන්ඩ කියලා. මේ අතරෙ ඔහ් පාලිකාව ඇයගෙ අතීතය ගැන හේසූට පවසන්නෙ. ඇය හැම වෙලේම හේසූට කුමාරවරුන්ගෙන් ඉවත් වෙලා ඉන්ඩ කියලා කියන්නෙ ඇයි කියන එක ඒකෙන් පැහැදිළි වෙනවා. ඇත්තටම පාලිකා ඔහ් කවුද?. ඒ වගේම 4 වැනි කුමාරයා කුමණ්ත්‍රණය වලක්වන්ඩ මොනවා කරයිද?

Due to copyright issues, we do not provide any torrent links.

Moon.Lovers.Scarlet.Heart.Ryeo.E10.160926.720p-540p-450p-XViD-WITH-iPOP-BarosG-LIMO-NEXT-CHAOSrel

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “සුධාරා විද්‍යාරත්න” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

<<Previous Episode                       All Episodes                      Next Episode>>

අද මේ ඔයාලට ගෙනාවේ එමරල්ඩ් සිටි කතාමාලාවේ හයවෙනි කොටස තවත් කොටස් හතරක් විතරයි තව ඉතුරුවෙලා තියෙන්නේ. පොඩ්ඩක් පරක්කු උනේ මම මේ කතාවේ ඉංග්‍රීසී පරිවර්තනය එන්න කලින් මමම අලුතින් අසා ලිවීමක් කල නිසා. පළවෙනි වැඩේ නිසා ටිකක් වෙලා ගියා. ඉංග්‍රීසී පරිවර්තනය ආවත් මම පටන් ගත්ත පළවෙනි එක එක ඉවරයක් කරන්න ඕනි නිසා කල්ගත්තා. ඒත් වැඩි පරක්කුවක් නැති නිසා සමාවදේවී කියලා හිතනවා. පසුගිය සතියේ ඔයාලා දැක්කා ඩොරති මායාකරුව මුණගැහෙනවා. මායාකරු නම් කියන්නේ ඩොරති ඔයා ගෙදර ඇවිල්ලා කියලා. ඩොරති කියන්නේ නිජබිමේ ඉපදුණු කෙනෙක්. ඒ කියන්නේ මායාකරු එයාගේ තාත්තද? අද කතාවේ වැඩි අවධානයක් දීලා තියෙන්නේ මායාකරුගේ සිද්දිවලට. ඔහු කොහොමද නිජබිමට සම්බන්ධ උනේ සහ ඔහුයි ඩොරතියි අතර තියන සම්බන්ධය මොකද්ද කියන එක. මායාකරු හොයාගන්නවා මරකත නගරයට යුද්ධයක් ගෙන එන පෙරනිමිති. එහෙනම් ගිහින් එන්නම්. රැඳී සිටින්න එමරල්ඩ් සිටි සමගින්.

<b> • Emerald City 01×06 (ඔබ මගේ පියාද)
* විකාශණය වූ දිනය – පෙබරවාරී තුන
* ධාවන කාලය – මිනිත්තු 41
* IMDB අගය – 7.2 </b>

*-* ජය ශ්‍රී *-*

Due to copyright issues, we do not provide any torrent links.

Emerald.City.S01E06.720p.HDTV.x264-AVS

Emerald.City.S01E06.720p.HDTV.2CH.x265.HEVC-PSA

Emerald.City.S01E06.720p.HDTV.HEVC.x265-RMTeam

මෙම ලබා දී ඇති උපසිරැසි ඉහත පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “යසිරු හසරංග” සොහොයුරා අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<<Previous Episode                            All Episodes                        Next Episode>>

සුභ දවසක් හැමෝටම..ඉක්මනින්ම ඔන්න 11 වෙනි කොටස අරගෙන ආවා..මේ කතාමාලාව කොටස් 12 කින් සමන්විත වෙනවා..මේ කොටස විකාශනය වුනේ දෙසැමිබර් 23 වෙනිදා..ඉතින් පසුගිය කොටස ඔයාලා බලන්න ඇති කියලා හිතනවා..නැනෝ තාක්ෂණය භාවිතා කරලා ලෙඩ රෝග සුව කිරිම විශාල වශයෙන් දියුණු වෙලා තියෙනවා අනාගතයේදි..කොහොමහරි මෙහෙයවන්නා මැක්ලරන්ව බේරගන්න විශේෂ වෛද්‍ය කණ්ඩායමක් ඒවනවා..ඉතින් නැනෝ තාක්ෂණය භාවිතා කරගනිමින් මැක්ලරන්ගේ ජිවිතය බේරගන්නවා..

දැන් බලමු අද කොටස ගැන..සෑම සංචාරක කණ්ඩායකම විවිධ පැති වලට දක්ෂ අයගෙන් සමන්විත වෙනවානේ..ඉංජිනේරුවන්,වෛද්‍යවරු වගේ අය..ඉතින් මැක්ලරන්ගේ කණ්ඩායමේ වෛද්‍යවරිය තමයි මර්සි..ඇයගේ මනස ඇතුළු වෙන්නේ යමි කිසි බුද්ධිමය ආබාධයකින් පෙලෙන ගැහැණු කෙනෙක්ගේ සිරුරකට..ඉතින් ඒ ආබාධිත තත්වය මර්සිට බලපාන්න පටන් ගන්නවා..කොහොමහරි නව සංචාරකයන් දෙදෙනෙක් පැමිණෙනවා මර්සිට උදවි කරන්න..එහෙනමි මේ කොටසත් බාගෙන බලන්න..අවසන් කොටසින් හමුවෙමු..හැමෝටම ජයවේවා….!

Due to copyright issues, we do not provide any torrent links.

Travelers.2016.S01E11.WEBRip.x264-FUM[ettv]

මෙම ලබා දී ඇති උපසිරසි ඉහත පිටපත සඳහා වලංගු වේ.

මේ ලබා දී ඇති සිංහල උපසිරැසි පිළිබද “සදුන් විජේතුංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Previous Episode                      All Episode                        Next Episode

කොහොමද යාළුවනේ. සීසන් තුනක් ඉවර කරලා අපි ඔන්න හතර වෙනි සීසන් එකට එන්නයි හදන්නේ. අද විශේෂ දවසක්. ඒ වෙන මොකවත් නිසා නෙවෙයි, අද විශේෂම කෙනෙක් බැට්මෑන් කතාවේ චරිත අතරට එකතු වෙනවා. එයා තමයි රොබින්. කවුද මේ රොබින්? එයා ගැන ගොඩක් දේවල් අද එපිසෝඩ් එකෙන් බලාගන්න පුළුවන් වේවි. තවත් විස්තර මම කියන්නම්කො එහෙනම්.

රොබින් ගේ ඇත්ත නම ඩික් ග්‍රේසන්. සර්කස් පවුලක කොල්ලෙක්. මහ ලොකු සල්ලි බාගේ තිබුණ කොල්ලෙක් නෙවෙයි. පොඩි කාලෙදිම එයාට වෙන විශාල අසාධාරණයක් නිසා තමයි එයා අපරාධ වලට විරුද්ධ වෙන්න පටන් ගන්නේ. ඒ අසාධාරණය මොකක්ද කියලා අද බලාගන්න පුළුවන්. මෙයාගෙ සර්කස් හැකියාවන් නිසා හරිම නම්‍යශීලී ශරීරයක් තියෙනවා. ඒ නිසා හතුරන්ව පරාජය කරන්න මෙයා පාවිච්චි කරන්නේ acrobatic moves. ඒ කියන්නේ ජිම්නාස්ටික් කරද්දී වගේ කරන චලන රටා.

බැට්මෑන් ඇනිමේෂන් චිත්‍රපට මාලාවට අනුව මේ අද කතාවට එකතුවෙන රොබින් තමයි බැට්මෑන් ගේ පළවෙනි රොබින්. මොකද බැට්මෑන් ට රොබින් ලා ගොඩක් ඉන්නවා. (මගේ දැනීමේ හැටියට තුනක්) මේ පළමු රොබින් (ඩික් ග්‍රේසන්) තමා පසු කලෙක නයිට්වින්ග් (NightWing) කියලා නම වෙනස් කරගන්නේ. මේ නයිට්වින්ග් ට පස්සේ රොබින් කෙනෙක්ව ජෝකර් මරනවා. ඒ කවුද කියන්න මම හරියටම දන්නේ නැහැ. ඒත් අනිත් රොබින් තමා බැට්මෑන් ගේ ජාන වලින් හැදුණ කොල්ලා. ඒ ගැන විස්තර දැනගන්න ඉතින් බැට්මෑන් ඇනිමේෂන් චිත්‍රපට බලන්න ඕන. මම දන්න හැටියට බයිස්කෝප් අඩවියෙන් උපසිරැසි ලබාදීලා තියෙනවා, බොහෝ බැට්මෑන් ඇනිමේෂන් චිත්‍රපට වලට. එහෙනම් අදට නවතින්නම්. ඊළඟ කොටසින් මුණගැහෙමු.

Due to copyright issues, we do not provide any torrent links.

The Batman DVDrip Xvid Complete Series 2004-2008

මෙම ලබා දී ඇති උපසිරසි ඉහත පිටපත සඳහා වලංගු වේ.

සිංහල උපසිරැසි මෙතනින් බාගන්න

23 downloads

මේ ලබා දී ඇති සිංහල උපසිරැසි පිළිබද “ප්‍රභාෂ් නදීශාන් ජයවීර” සොහොයුරා හට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 <<Previous Season                    All Episodes                      Next Episode>>

ආයුබෝවන් යාළුවො ඔක්කොටම. ඔන්න ඉතින් මම මගේ අනු වන උපසිරසියත් අරගෙන තමා මේ ආවේ. ලොව ප්‍රසිද්ද එච් ජි වේල්ස් මහතාගේ සුප්‍රසිද්ද විද්‍යා ප්‍රබන්ධ නව කතාවක් වෙන The Time Machine කතාව පදනම් කරගෙන නිර්මාණය වෙලා තියෙන මෙම චිත්‍රපටය ලෝකයේ නිර්මාණය වෙච්ච විද්‍යා ප්‍රබන්ධ චිත්‍රපට අතර ඉදිරියෙන්ම තියනවා. මම ඔයාලට මිට පෙර එච් ජි වේල්ස් මහතාගේම තවත් විද්‍යා ප්‍රබන්ධයක් ආශ්‍රයෙන් නිර්මාණය වෙච්ච First Men in the Moon (1964) චිත්‍රපටය අරගෙන ආව මතක ඇති. කුඩා කල සිටම විද්‍යා ප්‍රබන්ධ රසිකයෙක් වෙච්ච මම මේ චිත්‍රපට වලට උපසිරසි යෙදීමට අවස්ථාව ලැබීම වාසනාවක් ලෙස සලකනවා. මිට කලින් මම ජුල්ස් වරන් ගේ විද්‍යා ප්‍රබන්දයක් වන Journey to the Center of the Earth (1959) , එඩ්ගාර් රයිස් බරෝස් ගේ At the Earth’s Core (1976) යන චිත්‍රපට සහ සර් ආතර් කොනන් ඩොයිල් ගේ The Lost World (1960) චිත්‍රපටයට උපසිරසි අරගෙන ඇවිත් තියනවා. ඒ කියන්නේ මම ලොව ප්‍රසිද්ද විද්‍යා ප්‍රබන්ධ පහකට මෙම උපසිරසියත් සමග උපසිරසි ඔයාලට ගෙනත් තියනවා.

මෙම චිත්‍රපටය IMDb අගය 7.6 අරන් තියන Adventure, Romance, Sci-Fi කාණ්ඩයට අයත් චිත්‍රපටයක්. මෙහි ඇති දුශ්‍ය ප්‍රයෝග සඳහා එම වසරේ ඔස්කාර් සම්මානය පවා ලබා ගන්න හැකියාව ලැබිලා තියනවා. Metro-Goldwyn-Mayer කියන සුප්‍රසිද්ද චිත්‍රපට නිර්මාණ ආයතනය මගින් බෙදා හරින ලද මෙම චිත්‍රපටය ඩොලර් 829,000 වියදම් කර නිපදවා ඩොලර් 2,610,000 ආදායම ලබා ගැනීමට සමත් වෙලා තියනවා.

කතාව ඉතින් කාලය හරහා යාමක් ගැන තමා. තමන් නිර්මාණය කරන ලද යන්ත්‍රයක් මාර්ගයෙන් කාලය හරහා ගමන් කරනා පුද්ගලයෙක් මුහුන දෙන අත්දැකීම් නැවත පැමිණ තම යාලුවන්ට පැවසීම තමා චිත්‍රපටයේ පෙන්වන්නේ. ඉතින් මෙම අදහා ගත නොහැකි සිද්දිය යහළුවන් විස්වාස කරනවාද ඒ වගේම ඒ සිද්දි මොනවාද කියල බලන්න ඔයාලට චිත්‍රපටය අවසානයේ පුළුවන්. විද්‍යා ප්‍රබන්දයක් උනත් ආදර කතාවකුත් චිත්‍රපටය තුල තියනවා කියල මතක් කරන්න කැමතියි.

මම ඊළඟට ඔයාලට අරන් එන්නේ එච්චර ප්‍රසිද්ද නැති සුපිරි වීරයෙක් ගේ කතාවක් ඇතුලත් චිත්‍රපටයක්. ඉතින් එකත් අරන් එන බලාපොරොත්තුවෙන් මම සමුගන්නවා.

බුදු සරණයි….!

Due to copyright issues, we do not provide any torrent links.

The.Time.Machine.1960.720p.BluRay.x264.YIFY
The.Time.Machine.1960.1080p.BluRay.x264.YIFY

මෙම ලබා දී ඇති උපසිරැසි සියළුම Blu-Ray පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “අසංක ප්‍රදීප් රණතුංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

සෑම රාත්‍රියකම එකම සිහිනය දකින ගොන්සෝ, අපේ මිත්‍රයාගේ ගැටලුව නම් තමාගේ උපත කුමන ආකාරයකට සිදුවිනිද යන්නයි. එකම නිවසක වෙසෙන මේ මපට් පිරිස අතර ගොන්සෝට මේ ගැටලුව ඇති වන්නේ තම හීනය නිසාවෙනි. එනම් තමාට විශේෂයක් නැති නිසා ලෝක අවසාන දිනයේ නෝආ ගේ නැවට ගොන්සෝව ගොඩකරගැනීම ප්‍රතිකේෂ්ප කිරීමයි. ඔහු දකින්නේ එම සිහිනයයි.

මෙසේ හුදකලාවෙ කලකිරී උදෑසන ආහාරයට වාඩිවෙන ගොන්සෝ හට තම සීරියල් හරහා යම් පණිවිඩයක් ලැබේ, ඒ ඔබ ඉන්නවාද යන්නයි. මිතුරන්ට මෙය පැවසුවත් එය මනෝවිකාරයක් ලෙස සලකා ඔහුව හාස්‍යට ලක් කරයි. මේ අතර රජය විසින් ඉතා රහසිගතව පිටසක්වල ආක්‍රමණයක් ගැන තොරතුරු එකතු කරමින් සිටී. සීරියල් හරහා ලැබුණ උපදෙස් අනුගමනය කරන ගොන්සෝ රිසෝ තම මිතුරන්ගේ උප්පරවැට්ටියකටද අසුවේ.

තම මිතුරු විද්‍යාඥයාගේ පරීක්ෂණයක් අතරතුර වැරදීමකින් රූපවාහිනී සඥාවන් ගොන්සෝගේ මනසට වැටේ. ඒ අනුව තම පිටසක්වල සම්බවය රූපවාහිනිය ඉදිරියේ ප්‍රකාශ කිරීම නිසා ගොන්සෝව රජයේ නිළධාරීන් විසින් වැඩිදුර පරීක්ෂණ සඳහා රැගෙන යයි. මේ බව දැනගන්න කැමිට් ඇතුලු පිරිස ගොන්සෝව බේරාගැනීම සඳහා මෙහෙයුමක් දියත් කරනු ලබයි. මොවුන්ගේ උත්සාහයේ සාර්ථකත්වය හා ගොන්සෝ ඇත්තටම පිටසක්වලකින් පැමිණියෙක්ද යන්න දැනගැනීම ඔබට බාරයි.

Due to copyright issues, we do not provide any torrent links.

Muppets from Space (1999) [720p] [YTS.AG]

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “බුද්ධික නුවන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

යූ බිසවගෙ කුමණ්ත්‍රණය නිසා සෝ කුමරුටත්, යොන්හ්වා කුමරියටත් විශ ශරීර ගත වෙනවා. ඇත්තටම යොන්හ්වා කුමරිය කරන්නෙ බොරුවක්. මොකද නැත්නම් ඇයත් ඇගේ පවුලේ පිරිසත් විශ දීමට සම්බන්ධ බවට සැක ඇතිවෙන්ඩ ඉඩ තියෙන නිසා. විශ දීම ගැන අන්තිමට අත්තඩංගුවට ගන්නෙ හේසූව. මොකද එයානෙ ඒ මොහොතෙ තේ පිළිගැන්වුවෙ. අන්තිමට සෝ කුමරුට වස දෙන්න උත්සාහ කළේ කිරුළ හිමි කුමරු බවටයි යූ බිසවට පක්ශ අමාත්‍යවරු රජුට පවසන්නෙ. ඉතින් හේසූට මේ නිසා මැරෙන්ඩ වේවිද? සෝ කුමරුට මොකද වෙන්නෙ?

Due to copyright issues, we do not provide any torrent links.

Moon.Lovers.Scarlet.Heart.Ryeo.E11.160927.720p-540p-450p-XViD-WITH-iPOP-BarosG-LIMO-NEXT-CHAOSrel

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “සුධාරා විද්‍යාරත්න” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

<<Previous Episode                       All Episodes                      Next Episode>>

24: Legacy තවත් අලුත් ටීවීකතා මාලාවක් එහෙම කීවට ඉතින් 24 කියන එක රුපවාහිනි කතා මලා බලන අය නොබලපු කතාවක් වෙන්න තියන ඉඩ ගොඩක් අඩුයි. ඇත්තම කිවොත් මම නම් ටීවී සිරිස් වලට ඇබ්බැහි උනේ මේ 24 හා ජැක් බවර් හින්දා. අලුත් කතාමාලවට ජැක් බවර් එහෙමත් නැතිනම්Kiefer Sutherland  රංගනයෙන් නම් දායක වෙන්නේ නැ. ඇත්තටම ඔහු මේ දවස් වල Designated Survivor  කතා මාලවේ ජනාධිපති වරයාගේ චරිතය එක්ක සම්බන්ද වෙලා ඉන්නේ.

24 කතා මාලාවේ මෙතෙක් විකාශය වුනු පැය 24 කතා මාලා 8 ට වගේම  24: Live Another Dayකොටස් 12කින් යුත් රුපවාහිනි කතා මාලාවට බයිස්කෝප් සහෝදර සහෝදරියෝ උපසිරසි ලබා දීලා තියනවා. 24: Legacy කියන්නේ අලුත් කතා මාලාවක ආරම්භය නිසා මේ පලවෙනි කතා මාලාව විදිහට තමා හදුන්වලා තියෙන්නේ පලවෙනි කතා මාලාව කොටස් 12කින් සමන්විත වෙනවා කියලා තමා සදහන් වෙන්නේ 0 වෙනි කොටසක් ගැන සදහනක් තිබුනත් ඇත්තටම පලවෙනි කොටස විකාශය වුනේ පෙබරවරී 5 වෙනිදා ඇමරිකන් වේලාවෙන් රාත්‍රී 10.30 ට ඒ කියන්නේ ලංකාවේ වේලාවෙන් නම් පෙබරවාරි 6 වෙනිදා උදේ 9.00  ට.

ජැක් බවර් වගේම 24 කතා මාලාවේ හිටපු ගොඩක් දෙනෙක් මේ කතා මාලාවේ සම්බන්ධ වෙන්නේ නැති උනත් CTU – Counter Terrorist Unit එක හරහා තමා මේ කතා මාලාවත් ගලාගෙන යන්නේ. ඇමරිකන් භුමියේ සිද්ද වෙන්න තියන විශාල ත්‍රස්තවාදී ප්‍රහාරයක් නවත්වන්න ඔවුන් පැය 12ක් පුරා සිදුකරන මෙහෙයුම් මේ කොටස් 12 ඔස්සේ දිග හැරීමට නියමිතයි.

Corey Hawkins  රංගනයෙන් Eric Carter ලෙස ප්‍රධාන චරිතයට පන පොවන අතර Raphael Acloque  සතුරු ප්‍රධානියා Jadalla (JAD) Bin-Khalid ගේ චරිතයට පන පොවනු ඇත. අද කතාව ගැන ලොකු විස්තරයක් කියනවට වඩා 24 ගැවෙනවා නම් එතන අනිවා බලන්න දෙයක් තියනවා කියන එක අමුතුවෙන් කියන්න ඕනේ නැති නිසා පොඩි විස්තරයක් විතරක් කියන්නම්.

එරික් කාටර් ඇතුලු පිරිස බින් කාලිඩ් සංවිධානයේ 8 දෙනෙක්ව මරලා දාලා ඇමරිකාවේ සිද්ද වෙන ගිය ත්‍රස්ත ප්‍රහාරයක් නවත්වන්න වැඩ කටයුතු කරලා තියන අතරේ කවුරුම හෝ කෙනෙක් ඔවුන්ගේ තොරතුරු පිටට දීලා තස්ත සංවිධානයේ අය ඔවුන් පස්සේ එනවා ඒ අය මරලා ඔවුන් හොරකම් කරගෙන ආපු පෙට්ටියක් හොයාගෙන (තොරතුරු ගොඩක් තියන ) කතාව හිතුවටත් වඩා නියමයි කියලා තමා කියන්න තියෙන්නේ.

අද නම් ටිකක් ලොකු කැපකිරීම් ටිකක් කරලා තමා මේ වෙලාවට අරගෙන ආවේ මොකද උපසිරැසිය නිකුත් වෙනකොට මෙහෙ වෙලාව 12ත් පහු වෙලා. දැන් 8 යි වැඩ ගොඩකට හිරවෙලා ඉන්න අතරේ මේක අරගෙන අවේ මොකද අනිත් කොටස අද නිකුත් වෙන්න නියමිත නිසා.

එහෙමනම්  මේ කතා මාලාව එක්ක එකතු වෙන්න කියන ගමන් පුංචි දෙයක් ඉල්ලනවා. කතා මාලාවක කොටසක අඩු පාඩුවක් දැක්ක ගමන් කැ ගහගෙන එනවා වගේ දෙයක් කරනකොට එකෙන් තමන්ට වැඩක් තියනවනම් කරන්න පුළුවන් පුංචි දෙයකින් හරි අදහසක් දාලා යන්න.

සමහර විට ඊලග කොටස හෝ ස්කොපියන් ඊලග කොටස කියන දෙකෙන් එකක් ටිකක් පරක්කු වෙයි එත් පුළුවන් ඉක්මනට අරගෙන එන්නම් මොකද කතා දෙකම එක දවසට එන්නේ.

*** කතාවේ ඩවුන්ලෝඩ් ලින්ක් ඕන අය බුකියට පණිවිඩයක් දාන්න ඊමේල් ලිපිනය – හොයාගන්න බැරිම උනොත් **

Due to copyright issues, we do not provide any torrent links.

24.Legacy.S01E01.HDTV.x264-BRISK[PRiME]

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “දේවක සදරුවන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

                                                 All Episodes                      Next Episode >>

මෙන්න තියෙනව 2011 වසරේ තිරගත උන මපට් චිත්‍රපටය. වසර ගානක් තිස්සෙ වෙන්වෙලා හිටපු මිත්‍රයො ටික නැවත එකතු කරල තවත් එක මපට් ෂෝ එකක් කරන එක තමා කතාවෙ තියෙන්නෙ. ඒකට මූලික වෙන්නෙ කුඩා කාලෙ ඉඳලම මපට් ලට ඇබ්බහි උන රසිකයෙක්. අපි ටිකක් කතාව පැත්තට හැරෙමුකො.

ගැරී, මැරී කියන්නෙ පෙම්වතුන් යුවලක්, වෝල්ටර් කියන්නෙ ගැරීගෙ සහෝදරයා. තමන්ගෙ ප්‍රේම චාරිකාවෙ දසවෙනි සංවත්සරය දවසට මේදෙන්න නිවාඩුවකට නිව්යෝක් යන්නයි ඉන්නෙ. බලාපොරොත්තුවක් නැතුවම වෝල්ටර්ටත් මේ ගමනට එකතුවෙන්න පුලුවන් වෙනව. වෝල්ටර්ගෙ සතුට ඉහවහා යන්නෙ මපට් ස්ටුඩියෝ එක මේ ගමනෙදි බලන්න පුලුවන් වෙන නිසා.

කොහොමින් කොහොම හරි කට්ටිය මපට් ස්ටුඩියෝ එක බලන්නත් එනව. ඒත් බලාපොරොත්තු උන විදියෙ ස්ටුඩියෝ එකක් නෙමේ මෙතන තියෙන්නෙ. වසර ගානක් තිස්සෙ ජරවාස වෙලා අබලන් උන ස්ටුඩියෝ එකක්. මේ අතරෙදි තමා වෝල්ටර්ට භයානක ආරංචියක් දැනගන්න ලැබෙන්නෙ. ඒ ස්ටුඩියෝව කෞතුකාගාරයක් කරන මුවාවෙන් මිලදී අරගෙන මේක කඩාබිඳ දාල මෙතන තෙල් ළිඳක් ගහන්න කරන සැලසුමක තොරතුරු. ඒකට ප්‍රධානම හේතුව තමා කර්මිට් මුලින්ම අත්සන් කරපු කොන්ත්‍රාත්තුව කල් පිරීම.

නමුත් කර්මිට් ට තව අවස්තාවක් තියෙනව මේ ස්ටුඩියෝ එක බේරගන්න. ඒ කොන්ත්‍රාත් එක කල් පිරෙන්න කලින් ඒක වෙනුවෙන් ඩොලර් මිලියන දහයක් උපයා ගන්න එක. වෝල්ටර් මේ පණිවිඩෙත් අරගෙන කර්මි හොයාගෙන යනව. ගිහින් විස්තරේ කියල කට්ටියම යනව රට පුරා විසිරිලා ඉන්න යාළුවන්ව එකතු කරගන්න.

මේ අතරෙ තමන්ගෙ නිවාඩුව ගතකරන්න කියල ගිහින් වෙන වෙන වැඩ කරන්න වෙන නිසා මැරීගෙ හිතත් හොඳටම රිදිල. හිත් රිදවාගැනීම්, නොහොඳ නෝක්කාඩු , රිච්මන්ගෙ කෙනහිලි අතරින් කර්මිට්ට ස්ටුඩියෝ එක බේරගන්න තරම් මුදල් උපයගන්නෙ කොහොමද කියල බලන්න.

චිත්‍රපටය yify torrent අඩවියේ තියෙනව ඔන්න. ඊළඟට ඔබ හමුවට එන්නෙ ඇල්ෆ්රඩ් හිච්කොක් සිනමාකරුවාණන්ගේ සිනමා පට කීපයකින්. එතෙක් ඔබට සදා ජය. කොමෙන්ටුවකින් ලකුණු දෙන්න අමතක කරන්න එපා.

Due to copyright issues, we do not provide any torrent links.

The.Muppets.2011.720p.bluray.x264.YIFY

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “බුද්ධික නුවන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

ජින් දේශයේ දූත මෙහෙවරේ යෙදිලා ඉන්න සෝ කුමාරයා නැවත එහි පැමිණෙනවා. නමුත් ඔහු නැවත දූත මෙහෙවරේ නොයෙදෙන බවට රජුට ප්‍රකාශ කරනවා. රජුගෙ සෞඛ්‍ය තත්වය ඒ වෙනකොට පිරිහෙමින් තියෙන්නෙ. ඒ නිසා යෝ කුමාරයා සිහසුන ලබා ගන්න කරන සැළසුම් වේගවත් කරනවා. වූක් කුමාරයත් ඔහුට උපකාර කරනවා. ඒ තවත් යටි අරමුණක් හිතේ තියාගෙන. හේසූ දැන් දිය දාසියක්. ඇය වූක් කුමරුත්, සෝ කුමරුත් යන දෙන්නගෙම යෝජනා ප්‍රතික්ශේප කරනවා. මේ අතර රජු නියෝග 10ක් දෙන්න සූදානමින් ඉන්නවා. ඉදිරියට මොනවා වෙයිද?

Due to copyright issues, we do not provide any torrent links.

Moon.Lovers.Scarlet.Heart.Ryeo.E12.161003.720p-540p-450p-XViD-WITH-iPOP-BarosG-LIMO-NEXT-CHAOSrel

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “සුධාරා විද්‍යාරත්න” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

<<Previous Episode                       All Episodes                      Next Episode>>

මෙය හින්දි සිනමාවේ ජනප්‍රියතම චිත්‍රපට වර්ග කිරීම් අතර ඉහළ ස්ථානයක් ලබා සිටින, අහිමිවන  ආදර සම්බන්ධතාවයන් ගැන කියවෙන, සුනිල් දත්, ජෝයි මුකර්ජි සහ ආශා පාරේක් ප්‍රධාන චරිත නිරූපනයට දායක වි සිටින, කුතුහලයෙන් පිරි සංවේදී කතා පුවතක් රැගත් හින්දි චිත්‍රපටයකි. මෙය ද ශ්‍රී ලංකාවේ ඉතාමත් ජනප්‍රිය වූ චිත්‍රපටයකි. එමෙන්ම මෙහි ඇතුළත් හින්දි ගීත දැනට ද ශ්‍රී ලංකාවේ ඉතා ජනප්‍රියව පවතී. මෙහි හින්දි තනුවක් ආශ්‍රයෙන් මිල්ටන් පෙරේරා කලාකරුවානන් ගැයූ “පෙම් අප්සරාවෝ” ගීතය සහ ජෝතිපාලයන් ගැයූ “ප්‍රේමේ දීපශිකා” යන ගීත අදටත් ලංකාවේ ඉතාමත් ජනප්‍රියව පවතී.

මෙහි ප්‍රධාන චරිත වන්නේ සුකින්, සත්‍යන් සහ සුධා ය. සුකින් සහ සත්‍යන්ගේ පියා දේපොළ සම්බන්ධ නඩුවකට පැටලී ඇති නිසා ඔවුන්ට ආර්ථික ප්‍රශ්න රැසකට මුහුණදීමට සිදුවේ. කලබලකාරී පුද්ගලයෙක් වන සත්‍යන්ගේ අධ්‍යාපන කටයුතු ද කඩාකප්පල් වේ. නමුත් සුකින් රැකියාවක් කරමින් ධෛර්යය සම්පන්නව මේ සැමටම මුහුණ දෙයි. ඔහුගේ පෙම්වතිය වූයේ සුධාය. සත්‍යන්ට ද පෙම්වතියක් සිටියි. මේ අතර සුකින් සහ සත්‍යන්ගේ නිවසේ ඇතිවන ආර්ථික දුෂ්කරතා නිසා මෙම පෙම් සම්බන්ධතාවලට එම තරුණියන්ගේ දෙමවුපියන් ද විරුද්ධ වේ.

දිනක්, සත්‍යන්ගේ සේවා ස්ථානයේ ප්‍රධානියා ගණුදෙණු කරුවෙකුට ගෙවීමට දුන් විශාල මුදලක් සත්‍යන් භාරයේ තිබියදී අතුරුදහන් වේ. මෙය සොරාගත් පුද්ගලයා සොයාගැනීමට නොහැකිවන අතර එදින සත්‍යන්ගේ සොහොයුරාද මෙහි පැමිණි සිටි නිසා සත්‍යන් ඔහුව මේ සොරකමට සැක කරයි. මේ අතර සේවා ස්ථානයේ ප්‍රධානියා සත්‍යන්ට විරුද්ධව නඩු පවරයි. සත්‍යන්ගේ පවුලේ තවදුරටත් අර්බුද වැඩිවේ. මෙතැන් සිට පටන් ගන්නා ගැටළු කෙසේ විසඳේද? එය නරඹලාම දැනගන්නට සුහදව ආරාධනා කරන්නෙමි!

මෙම වෙබ් අඩවියට 40 සහ 50 දශකයන් හි පැරණි හින්දි සහ බෙංගාලි සිනමාපට සඳහා උපසිරසි සපයන “වජිර රත්නායක” සොයුරාත්, 70, 80 සහ 90 දශකයන් හි පැරණි හින්දි සිනමාපට සඳහා උපසිරසි සපයන “දහරා මුතු අමා” සොයුරියටත් එම කැපවීම වෙනුවෙන් මෙම ‍අවස්ථාවේ දී ප්‍රණාමය පුද කරන්නෙමි!

මා විසින් මීට පෙර සිංහල උපසිරසි යෙදූ  “බයිස්කෝප් වෙබ් අඩවිය” තුළ ඇති  “දෝස්ති“, “ආයි මිලන් කී බේලා“, ඇන් ඊවිනින් ඉන් පැරිස්“, බූට් පොලිෂ්“, “සංගම්“, “සාති“, “මෙරා නාම් ජෝකර්“, “අනාරි“, “දේව්දාස්“, “ආහ්“, “දිල් අප්නා ඕර් ප්‍රීත් පරායේ” යන පැරණි හින්දි චිත්‍රපට සිංහල උපසිරසි සහිතව ඩී.වී.ඩී. අලෙවි සැල්වල ප්‍රදර්ශනය කර තිබෙනු දැකීමෙන් මා හට අපමණ සතුටක් දැනේ. එක්තරා යුගයක අතිශය ජනප්‍රිය වූ මෙම චිත්‍රපට පසුගිය කාලයේ ඇහැට දකින්නටවත් නොතිබුණි. ජනප්‍රිය පැරණි හින්දි සිනමා චිත්‍රපට ගොනුව හැකි තරමින් රට පුරා සිංහල උපසිරසි සහිතව ව්‍යාප්ත කිරීම මාගේ උපරිම උත්සාහයයි. එමෙන්ම යු ටියුබ් එකේ ඇති 1.8 GB ප්‍රමාණයක් සහිත, ධාවන කාලය පැය 2 යි, විනාඩි 28 යි, තත්පර 27 ක කාලයක් සහිත වීඩියෝවක් මෙම උපසිරසිය සඳහා ගැළපෙන බව සලකන්න.

මෙය මාගේ “බයිස්කෝප් වෙබ් අඩවිය” හරහා දෙනු ලබන දාහතරවන සිංහල උප සිරසිකරණයයි. මේ චිත්‍රපටය පිළිබඳව ද ඔයාලාගේ අදහස් දක්වන්න. ස්තූතියි!

එසේම මා විසින් මේ අවස්ථාවේ දී “අසංක ප්‍රදීප් සොයුරා” ඇතුළු මෙහි පාලක මඬුල්ලට ද සුවිශේෂ ස්තුතියක් පිරි නමන්නෙමි! ඒ මන්ද අපට අහිමිවීමට ගිය මේ වෙබ් අඩවිය නැවතත් ස්ථාපනය කිරීමට ගත් අපමණ වෙහෙස වෙනුවෙන්ය.

Due to copyright issues, we do not provide any torrent links.

මෙම ලබා දී ඇති උපසිරසි ඉහත youtube පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “විතානගේ ප්‍රියන්ත දයාකීර්ති” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

ඔන්න ගෙනාවා සුපිරි කෙලී 11වන කොටහ. අද උදේම සබ ඇවිත් තිබ්බ නිසාත් මටත් වෙලාවක් තිබ්බ නිසාත් අදනම් හවස 4.40 වෙද්දී වැඩේ අහවර කොලා ඔන්න. හරි එහෙමනම් අපි කතාව ගැන බලමුකෝ.

කලින් සතියේ මතකද මෙගෑන්ව බේරගත්තට පස්සේ එයා කීවා වයිට් මාෂන්ලා එයාව හොයාන එනවා කියලා. ඔන්න අද කෙනෙක් එනවා. ඒ වෙන කවුරුත් නෙවේ මෙගෑන්ගේ සැමියාමයි එන්නේ. ඉතින් මේ වයිට් මාෂන් වෙස් වලාගෙන ජෝන්වත් රවට්ටලා DEO එක ඇතුලට රිංගගෙන මාරම අලකලංචියක් තමා වෙන්නේ.අද ඔන්න කාරාගේ පෘථිවියේ උපන්දිනේ දවසත් වෙච්චි. හැබැයි දැන් මැගී නිසාවෙන් ඇලෙක්ස් කාරා ගැන වැඩි සැලකිල්ලක් එහෙමත් දක්වන්නේ නෑ වගේ තමා පේන්නේ. තව… නෑ මේ ටික ඇති එහෙනම්.

එහෙමනම් ඉතින් යලිත් උපසිරසියකින් හමුවෙන තෙක් මම සමුගන්නවා. කස්ටිය බාගෙන කමෙන්ටුවක් එහෙම දාගෙන යන්ට ඕනේ එහෙනම් හොද ළමයි වගේ.

Supergirl.S02E11.XviD-AFG
Supergirl.S02E11.HDTV.x264-LOL
Supergirl.S02E11.HDTV.XviD-FUM

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                       All Episodes                        Next Episode>>

ඔන්න යාලුවනේ මම කියපු විදිහටම මේකේ අවසාන කොටස ගෙනාව. ගොඩක් කල් ගියා තමයි ඒකට ගොඩක් සමා වෙන්න. නමුත් මම ඉස්සෙල්ල එකට ගත් කාලය ගන්න ගියේ නෑ. කොහොම වුනත් මම දන්නවා මාත් එක්ක සමහර අය මාර තරහෙන් ඇත්තේ මොකද මම මෙච්චර කල් ගත්ත නිසා. එයාලගේ තරහා නිවෙන්නත් එක්ක මෙන්න මේක බලන්නකෝ සිංහල සබ් එක්ක. ඔයාලට පසුගිය කොටස ගැන මේකේ මතක් කිරීමක් කරන්නේ නෑ ඒවගේම මම ඒක ගැන මතක් කිරීමක් කරන්න යන්නෙත් නෑ. ඔයාලට අමතක වෙන්න විදිහකුත් නෑනේ. අපි මේ කොටසට එහෙනම් යමු.

මේකේ වෙන්නේ යාලුවනේ අර ට්‍රැවිස් ගහන්නේ පිස්සෝ දෙන්නෙක්ට අන්න එතනින් තමා මේක පටන් ගන්නේ. හෙන සිරා කේස් එකක් නේ වුනේ. මම ඔයාලට කිව්වනේ මමනම් ඒකට පෞද්ගලිකවම කැමති කියලා. මොකද එතකොට ඉස්සරහට එන කරදර අඩුයි නේ. ඒ කොහොම වුනත් මේකේ ඉවර වෙන්නේ ලොකු කුතුහලයක් දීලා. ඔයාලම ඒ අත්දැකීම ගන්න නැත්නම් වැඩක් නෑ. ට්‍රැවිස්ට, මැඩිසන්ට වගේම ඇලිශියාට යන්න වෙනවා අර හෝටලෙන්. ඒ වගේම අර මිනිස්සු ටික අර ජනාවාසයට එනවා. වෙන දේ බලාගන්නකෝ.

හරි එහෙනම් මම මගේ වැඩ ටික කරා. මේකේ season 3 එක එන්නේ මේ අවුරුද්දේ. හැබැයි හරියට දිනයක් නෑ. කවදාහරි ඒවිනෙ. හැබැයි මම ඒකට සබ් කරන්නේ නෑ. මේක තමා මේ කතා මාලාවට කරන අන්තිම සබ් එක. වෙන කතා මාලාවක් කරන්න අදහසකුත් නෑ. හැබැයි ඉදිරියේදී ඇති වෙන්න පුළුවන්. ඉදිරියේදී ෆිල්ම් වලින් තමයි ගොඩක් වෙලාවට හමුවෙන්න ඉඩ තියෙන්නේ. ඒ කොහොම වුනත් මාත් එක්ක මෙහෙම හිටිය එකට ස්තුතියි. comment කරපු අයට මෙහෙම එක දිගටම මා එක්ක හිටියට හා මට උදව් කරපු, නොකරපු හැමෝටම ස්තුතියි. comment එකක් දාලා යන්න අමතක කරන්න එපා. එහෙනම් මම අදට සමු ගන්නවා. ඔයාලට සුභ සුභ දවසක් වේවා!!!

Due to copyright issues, we do not provide any torrent links.

Fear.the.Walking.Dead.S02E15.XviD-AFG
Fear.the.Walking.Dead.S02E15.720p.HDTV.x264-AVS
Fear the Walking Dead S02E15 720p HDTV HEVC x265-RMTeam
Fear.the.Walking.Dead.S02E15.720p.HDTV.2CH.x265.HEVC-PSA
Fear The Walking Dead S02E15 720p HDTV x265 HEVC 200MB – ShAaNiG

මෙම ලබා දී ඇති උපසිරැසිය ඉහත පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ලක්ෂාන් පියුමන්ත” සොහොයුරා හට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

       << Previous Episode                      All Episodes                        Next Season >>

ඔන්න ඉතින් රජතුමා මිය යන්නයි ආසන්න. කිරුළ හිමි කුමරු මැදුරට එන්න කලින් යෝ, වූක් සහ වොන් කියන කුමාරවරුන් එකතු වෙලා කැරැල්ලක් ඇති කරලා සිහසුන පැහැර ගන්නයි හදන්නෙ. වූක් කුමාරයා සන්නාහයක් පැළඳගෙන ඉන්න බව තේරුම් ගන්න සෝ ඊට මහ සෙනෙවි පාක් සමඟ එකතු වෙලා කල් තියාම ඊට සූදානම් වෙලා ඉන්නවා. සිහසුන උවමනා වෙන්නෙ යෝ කුමරුට. මැදුරෙන් බිසෝවරුන්ට පිට වීමට අවසර නොදීමත්, කිසිවෙකුට ඇතුළු වීමට අවසර නොදීමත් කියන කාරණා යොදාගෙන තමන්ගෙ මෑණියන් වන යූ බිසව බේරා ගන්න කැරළි ගසන බවයි ඔවුන් පෙන්වා සිටින්නෙ. ඉතින් මිය යන රජතුමා අසළ සේවය කරන්නෙ හේසූ. රජතුමා ඇයට වැදගත් රහසක් කියනවා. ඒ විතරක් නෙමෙයි මුළු ගෝර්යෝ රාජ්‍යයේ අනාගතය පවතින්නෙ ඈ අතේ බවත් පවසනවා. මොකද්ද මේ රහස? හේසූට කිරුළ හිමි කුමාරයව මැදුරට ගෙන එන්න හැකි වේවිද?

Due to copyright issues, we do not provide any torrent links.

Moon.Lovers.Scarlet.Heart.Ryeo.E13.161004.720p-540p-450p-XViD-WITH-iPOP-BarosG-LIMO-NEXT-CHAOSrel

මෙම ලබා දී ඇති උපසිරසි ඉහත පිටපත සඳහා අදාළ වේ.

මේ ලබා දී ඇති සිංහල උපසිරැසි පිළිබද “සුධාරා විද්‍යාරත්න” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

<<Previous Episode                       All Episodes                      Next Episode>>

කොහොමද කස්ටියට ඔන්න ඉතින් Timless කතා මාලාවෙ 14 වෙනි කොටහත් අරගෙන ආවා. ඒ වුනත් කියන්න කණගාටුයි අවසානය ලං ලං වෙනකොට කට්ටියට කොමෙන්ටුවක් එහෙම දාගෙන යන්නත් අමතක වෙන තත්ත්වයක් තමා තියෙන්නෙ.

හරි කොහොම වෙතත් පහුගිය සුමානෙන් මතක් කරගෙන ඉමුකො. ඔයාලට මතකනෙ වායට් ලුසීගෙ ගෙදරට ඇවිත් කියනවා එයයි රූෆසුයි දෙන්නා ටයිම් මැෂින් එක හොරකම් කරන්න යන්නෙ කියලා. ඉතින් ලුසිත් මෙයාලත් එක්ක යන්න එනවා. ඒත් වායට් ඒකට ඉඩ දෙන්නෙ නැ. මොකද ලුසි ක්‍රිස්ටෝපර් එක්ක එකතාවකට ඇවිත් ඉන්නවා එයාගෙ නංගිව ආපහු ගෙන්න ගන්න. ඉතින් ඒක හින්දා වායට් ලුසීට ඉඩ දෙන්නෙ නැ එයාලත් එක්ක එන්න. අනික තමා ටයිම් මැෂින් එක හොරකම් කරන එක ලොකු වරදක් නිසා රූෆස් ඒකෙන් බේරගන්න වායට් එයාව ප්‍රාණ ඇපකාරයෙක් විදිහට තමයි අරන් යන්නෙ. එතකොට රූෆස් කැමත්තෙන් ගියා වගේ පේන්නෙ නැති නිසා.

ඔයාලට මතකයිනෙ ෆ්ලින් එමා කියලා තවත් නියමුවරියක් අතීතයෙන් බේරගෙන එනවා. එයා දන්න හැම දේම ෆ්ලින්ට සහා ඇන්තනීට කියනවා. ඒ මොනාද කියලා නම් එතන කියන්නෙ නැ. කොහොම වුනත් ඇන්තනී ඒක අහලා එයා කියන්නෙ මව් යානය විනාශ කරන්න ඕන කියලයි. ඒත් ලයිෆ් බෝට් එක ඉතිරි වෙන එක ෆ්ලින්ට අවුලක්. ඇන්තනි කියන්නෙ ඒක රූෆස් ලවා විනාශ කරමුයි කියලා. ඒ වුනත් රිට්න්හවුස්ලා තව එකක් හදන්න කාලයක් ගියත් එයාලා තවත් ටයිම් මැෂින් එකක් හදන නිසාවෙන් ෆ්ලින් ඒකට කැමති වෙන්නෙ නැ. එයා කියන්නෙ සැලැස්මට වැඩ කරමුයි කියලා.

ඒත් එමා කියපු දේවල් හේතුවෙන් ඇන්තනි තීරණය කරනවා මව් යානය විනාශ කරන්න. මෙයා රූෆස්ට කතා කලත් එයා නැති හින්දා ලුසිව හම්බවෙන්න අහනවා. කොහොමහරි ලුසීව හම්බවෙලා කියන්නෙ ඔහු මව් යානය විනාශ කරනවා ඔයාලා චන්ද්‍රිකා වලින් බලන් ඉන්න කියලා. ඒක එහෙම වුනාම ලයිෆ්බෝට් එකත් විනාශ කරලා දාන්න කියලා.

ඔය අතරෙ වායට් සහා රූෆස් අතීතයට ගිහින් එයාලා ගුවන්තොටුපලක ඉන්නවා ක්ලෙයාර් ගිලියම් කියලා කෙනෙක්ව හම්බවෙන්න. ඒ තමයි වායට්ගෙ බිරිදව මරපු කෙනාගෙ අම්මා. මෙහෙදි තමයි ක්ලෙයාර් ගිලියම්ට පෙම්වතෙක් හම්බවෙන්නෙ. ඒ සම්බන්ධය නිසා තමයි එයාට වෙස් ගිලියම් එහෙම නැත්නම් වායට්ගෙ බිරිදගෙ මිනි මරුවගෙ අම්මා වෙන්න වෙන්නෙ. ඉතින් වායට් හදන්නෙ ක්ලෙයාර්ට ඔහුව හමු නොවෙන්න වග බලා ගන්න. කොහොම නමුත් වායට්ට කලින් ක්ලෙයාර් හෝටලේට ගිහින්. ඉතින් වායට් සහා රූෆස් හෝටලේට යනවා. එතනදි වායට් ක්ලෙයාර් එක්ක කොච්චර හොදට මිතුරු වුනත් ඒ හෝටලේ සේවකයෙක් එක්ක ක්ලෙයාර් පැටලෙන එක නවත්තන්න වායට්ට බැරි වෙනවා. කෙසේ නමුත් අවසානයෙ මේ පලහිලව්ව නවත්වන්න ගිහින් ඒ තරුණයා මිය යනවා. ඒ වායට්ගෙ වරදින්. ඉතින් මේක මෙහෙම වුනත් රූෆස් කියන්නෙ එයාලා වායට්ගෙ බිරිද ඇතුළුව තිදෙනෙකුගෙ ජීවිත බේර ගත්තා කියලයි. ඒත් ආපහු ඇවිත් බලද්දි තමයි තේරෙන්නෙ වායට් මොනා කලත් එයාගෙ බිරිදව නම් එයාට බේරගන්න බැරිවෙලා කියලා. ඒත් ෆ්ලින් සදහන් කරපු අනික් ගැහැණු දෙදෙනා නම් ජීවත් වෙනවා. ඒ කියන්නෙ ෆ්ලින් වායට්ට කිව්වෙ බොරුද? නැත්නම් ෆ්ලිනුත් හරියට දන්නෙ නැද්ද කියලා තාම කියන්න බැ. කොහොම නමුත් වායට් මේ කරපු දේ නිසා එයාව අත්තඩංගුවට අරගන්නවා.

ඔය අතරෙ ඇන්තනි කිව්වා වගේම ලොකු පිපිරීමක් ඇති වෙනවා. ඒත් එතනට ගිහින් බැලුවත් මව් යානයෙ කිසිදු කොටසක් හොයා ගන්න බැරි වෙනවා නමුත් එතන තිබිලා ඇන්තනිගෙ මළසිරුර හමු වෙනවා. එයාව වෙඩි තියලා මරලා තියෙනවා. ඒ ඉතින් අනිවා ෆ්ලින් වෙන්න ඕන. එයා මොන විදිහකින් හරි දැනගන්න ඇති ඇන්තනී මව් යානය විනාශ කරන්න හදනවා කියලා. ඔහොම තමා කලින් කොටස අවසන් වුනේ.

අද කොටස ගැන කියන්න අදහසක් නම් නැ ඉතින් ඔයාලම බලන්න. එහෙනම් මම ගිහින් එන්නම්.

ජය වේවා!

Due to copyright issues, we do not provide any torrent links.

Timeless.S01E14.HDTV.XviD-FUM
Timeless.S01E14.HDTV.x264-KILLERS
Timeless.S01E14.720p.HDTV.x264-KILLERS
Timeless.S01E14.720p.HDTV.HEVC.x265-RMTeam
Timeless.S01E14.720p.HDTV.2CH.x265.HEVC-PSA

මෙම ලබා දී ඇති උපසිරසි ඉහත පිටපත් සඳහා අදාළ වේ.

 

මේ ලබා දී ඇති සිංහල උපසිරැසි පිළිබද “ලහිරු ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

  << Previous Episode               All Episodes                      Next Episode >>

ඔන්න එහෙනම් ලෙජන්ඩ් 11 වන කොටහත් අරන් ආවා. ආව දවසෙම රෑ 8.20 වෙද්දී ඉවරයක් කළා. අදත් හැබැයි අචින්ත සහෝ නම් නෙවේ. අචින්ත සහෝට එක්සෑම් නිසා අද කොටසත් මමමයි ගෙනාවේ. සමහරවිට ලබන සතියේ අචින්ත සහෝ සබ ගෙනෙයි. එහෙමනම් ඉතින් අද වෙන්නේ මොකද කියලා බලමු.

මරණයේ කල්ලිය රිප්ගේ මතකයන් යලිත් රිප්ට දීලා. හැබැයි දැන් රිප් වැඩ කරන්නේ තෝන්ගේ පදේට. රිප් වොෂින්ටන්ව මරපු නිසා වොෂින්ටන්ව බේරගන්න ගියපු  කණ්ඩායම ලොකු අමාරුවක වැටෙන්නේ. රිප් සාරාට වෙඩි තියනවා. ෆයර්ස්ටෝම් වගේම ඇටම් දෙන්නගේ බලයන් නැතුව යනවා. යානය අකර්මන්‍ය වෙනවා. මිස්ට රෝරිව ජෝර්ජ් වොෂින්ටන් එක්කම ඉංග්‍රීසි හමුදාව අල්ලගන්නවා. අමායා නේට් දෙන්නා වොෂින්ටන්ගේ පස්සෙන් යනවා. මේ නිසා අද කණ්ඩායම බෙදිලා තමා ඉන්නේ.

ඉතින් මේ අවස්ථාවෙන් ප්‍රයෝජන අරන් රිප් යානයට ඇතුල් වෙනවා ඉරණමේ හෙල්ලය හොයාගෙන. ජැක්ස් සෑහෙන වෙහෙසක් දරනවා රිප්ගෙන් ඒක ආරක්ෂා කරගන්න.

හරි එහෙමනම් අපි බලමුකෝ මොකෝ වෙන්නේ කියලා. එහෙනම් යලිත් හෙට THE 100 තුලින් හමුවෙන තෙක් ඔබ සැමට ජයවේවා.

Due to copyright issues, we do not provide any torrent links.

DCs.Legends.of.Tomorrow.S02E11.HDTV.x264-LOL.Turncoat
DCs.Legends.of.Tomorrow.S02E11.HDTV.x264-DiMENSiON.Turncoat
DCs.Legends.of.Tomorrow.S02E11.720p.HDTV.x264-DiMENSiON.Turncoat
DCs.Legends.of.Tomorrow.S02E11.1080p.HDTV.x264-DiMENSiON.Turncoat

මෙම ලබා දී ඇති උපසිරසි ඉහත පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

    << Previous Season                    All Episodes                   Next Episode >>