බොහෝදෙනෙක් මේ දවස්වල පිස්සුවෙන් වගේ ඇඩ්මින් මණ්ඩලයට වද දිදී ඉල්ලන චිත්‍රපටයක් අරන් තමයි මේ අරන් ආවේ. මේ කරන්න ගත්තට අවංකවම මං නම් මේක කරන්න හිටියේ නැහැ. මොකද මං මේකේ කලින් ලිපිය විමාට ලියලා දුන්නා විතරමයි. ඔව් ඔව්. මේකේ අයිතිය විමාගේ. මොකක් වෙලාදෝ මන්දා ඊයේ මට මේක දුන්නා කරහන් කියලා. නැත්තම් ඉතින් මාත් බ්ලුරේ කොපියක් එනකන් ඉදලා මේක බලන්නයි හිටියේ. කතාවේ වෙන්න මොකක්ද කියලා නම් කියන්න යන්නෙම නැහැ. නමුත් කතාවට පදනම් වෙන තොරතුරු හැමදේම කෙටියෙන් ඔක්කොම කියලා දාන්නම්.
පහුගිය සීතල නත්තල් සමයේදී සුපිරි හොලිවුඩයට ප්‍රේක්ෂකයා වෙතට තිළිණ කරපු නත්තල් තෑග්ගක් කියලා කිව්වොත් හොදාකාරවම නිවැරදියි.පරිඝණක ක්‍රීඩා මෙන්ම මෑතකදී ජංගම දුරකථන වළට හදුන්වා දුන් සුපිරි ක්‍රීඩාවක් තමයි “Assassin’s Creed” කියලා කියන්නේ. දැන් ඉතින් මෙහෙම සබක් කරලා මොනවාහරි බලාගෙන හිටියට මගේ නම් ඉස්ස‍ර ප්රධාන විනෝදාංශේ වුණේ ගේම් ගැහිල්ල තමයි. කාලයත් එකකම ඒ දේවල් නිකන්ම නතර වෙලා ගියා. පැණියා කිව්වත් වගේ මේ අපේ නැති වෙන්නේ ළමා කාලේ අවසන් සමය. මෙහි පරිඝණක ක්‍රීඩා වලට ඇබ්බැහි වූවෙක් නම්, මේ අනුසාරයෙන් නිර්මාණය කරපු මේ චිත්‍රපටය එනකන් අනිවාර්යෙන්ම පිස්සෙක් වගේ, පිස්සෙක් වගේ බලා ඉන්න ඇති. ඒ විතරක් නෙවෙයි මේක රිදී තිරයට එන්න කලින් කුඩා රූපවාහිනී කතාමාලාවක් හැටියට Assassin’s Creed: Lineage (2009) අපිට දැකගන්න ලැබුණා. ඇතැම් අය විවේචනයට ලක් කලාට මේක තවත් සුපිරි චිත්‍රපටයක් කියලා ඔයාලට හිතෙන්න ගනීවි මේකේ පසුබිම ගැන විනාඩි කිහිපයක් වැය කරලා කියවලා බැලුවට පස්සේ.
කතාපොතෙන් ක්‍රීඩාවට පැමිණි ඇසසින් ක්‍රීඩ් සදහා පළමු අඩිතාලම
ගොඩක් දෙනෙක් නම් මේ වෙද්දී “Assassin’s Creed” පරිඝණක ක්‍රීඩා පෙල හෝ දුරකථන සදහා නිකුත් වූ ක්‍රීඩා පෙල ගැන නම් අහලා ඇති. නමුත් සමහරක් අය පුදුමයට පත් වෙයිද දන්නේ නෑ මං කිව්වොත් මේ ඔක්කොම පදනම් වුණේ පොත් මාලාවකින් කියලා. ඔව්. මේකත් හරියට කොමික් වගේ. මුල්ම පදනම වෙන්නේ “Anton Gill” විසින් තනිවම රචිත පොත් මාලාවකින්. හරියටම කොටස් හතයි. නමුත් පළමු පරිඝණක ක්‍රීඩාව පමණක් ආරම්භයක් හැටියට පොත නිකුත් වෙන්න අවුරූදු දෙකකට ඒ කියන්නේ හරියටම 2007දී තමයි නිකුත් වීමක් වුණේ.
“Renaissance (2009), Brotherhood (2010), The Secret Crusade (2011), Revelations, Forsaken (2012), Black Flag (2013), Unity (2014), Underworld (2015)”
ඔන්න ඔහොම තමයි ඇසසින් ක්‍රීඩ් සදහා මුල් පොත් ටික නිකුත් වුණේ. මේ ටික නිකුත් වෙනවත් එක්කම තමයි අපිට මේවා පදනම් කරගෙන ක්‍රීඩා මාලාවක් දැකගන්න ලැබුණේ. ඔය පොත් ටික පදනම් කරගෙන මෙත් එක්කම ක්‍රීඩාපෙල නිකුත් වුණේ.
• Assassin’s Creed (2007) • Assassin’s Creed II (2009) •Assassin’s Creed Brotherhood (2010) • Assassin’s Creed Revelations (2011) • Assassin’s Creed III (2012) • Assassin’s Creed IV: Black Flag (2013) • Assassin’s Creed Rogue (2014) • Assassin’s Creed Unity (2014) • Assassin’s Creed Syndicate (2015) • Assassin’s Creed Chronicles: India (2016)
මීට අමතරව වෙනස්කම් සහිත වූ නොයෙක් සංස්කරණ නිකුත් වෙලාතියනවා. මෙහි ක්‍රීඩා සියල්ල්යෙහිම නිර්මාතෘවරුන් හැටියට ගෞරවය හිමිවෙන්නේ “Ubisoft” සමාගටමයි. මේ පරිගණක ක්‍රීඩා මාලාවේ 2014 වසරේ වාර්තා වලට අනුව පිටපත් මිලියන 77 කට අදික වශයෙන් විකිණිලා තියනවා. නිකමට ඉතින් හිතලා බලන්න මොන තරම් ලොකු ජනප්‍රියතාවයක් ලැබිලා තියෙනවද කියලා.
මේ සියල්ල ඇසුරින් නිකුත් වූ චිත්‍රපටය
මේ සලරුවේ අධ්‍යක්ෂණය කරලා අපිට ගෙන එන්නේ ” Justin Kurzel.” මේකේ රංගනයෙන් දායක වන නළු නිලියන් ගැන කතා කලොත්, Shame (2011), The Light Between Oceans (2016), Prometheus (2012), X-Men: First Class (2011), X-Men: Apocalypse (2016) තව තියෙනවා… ඔය වගේ සුපිරි සිනමාපට වලට රංගනයෙන් දායක වූ “Michael Fassbender.” The Dark Knight Rises (2012), Inception (2010), Allied (2016) වැනි සුපිරිම සිනමාපට වලට රංගනයෙන් දායක වුනු “Marion Cotillard.” ඒවගේම පසුගිය අවුරුද්දේ විකාශය වූ සුපිරිම DC සලරුව Batman v Superman: Dawn of Justice (2016) සදහා රංගනයෙන් දායක වූ “Jeremy Irons.” ජෙරමි තමයි ඇසසින් ක්‍රීඩ්හී ප්රධාන දුෂ්ටයාගේ චරිතයට දායක වෙලා තියෙන්නේ. තව “Brendan Gleeson” වගේ සුපිරිම රංගධර පිරිසක් මේකට දායක වෙනවා.
සුප්‍රසිද්ධ IMDb ශ්‍රේණිගත කිරීමට දර්ශකයේ 6.4/10 ක අගයක් ලබාගැනීමට හැකියාවක් ලැබිලා තියෙනවා. සමහර දේවල් පටන් ගැම්මෙන් කවදාවත් තීරණය කරන්න බැහැ මේක හොද දෙයක්ද නැත්තම් නරක දෙයක්ද කියලා. එහෙව් එකේ කුණු තක්කාලි කාරයො මේ චිත්‍රපටය විවේචනයට ලක් කරලා තියෙනවා. මහජන ප්‍රදර්ශනය ආරම්භ කලේ 2016 දෙසැම්බර් 21 දින. මේක නිර්මාණය කරන්න ඇමරිකානු ඩොලර් 125,000,000 ක මුදලක් වැය වෙලා තියෙනවා. එහෙමයි කියලා පාඩුවක් වුණේ නෑ. 2017 ජනවාරි 25’වැනි දිනට ඇමරිකානු ඩොලර් 53,913,004ක මුදලක් වගේම ලොව පුරා ප්‍රදර්ශනය කිරීම මගින් ඇමරිකානු ඩොලර් 202,945,341 ක සම්පුර්ණ මුදලක් උපයාගෙන තියෙනවා. ඉදා මෙන්න හදපන් කියලා Ubisoft ආයතනය මේකේ අයිතිය පැවරීමක් කලේ නෑ. Ubisoft ආයතනය විසින්ම පිහිටුවාගත් “Ubisoft Motion Pictures” සමාගම තමයි මෙහෙ නිර්මාණකරන කටයුතු සිදු කලේ. මේ නිසාම තමයි ඇසසින් ක්‍රීඩ් චිත්‍රපටය විශේෂ වෙන්න ලොකුම හේතුව. පැය 1, විනාඩි 55ක් පුරාවටම දිවෙන මෙම චිත්‍රපටය Action, Adventure, Fantasy මේ කැටගරි වලට තමයි අයත් වෙන්නේ.
මොකක්ද මේ Apples of Eden කියන්නේ?
![Apple_of_Eden]()
මේක ඇවිල්ලා හරියට ඇපල් ගෙඩියක් වගේ. ඊඩන්ගේ කොටස් වලින් පළමු මිනිස් ශිෂ්ටාචාරය විසින් තමයි හදලා තියෙන්නේ. ටෙම්ප්ලර්වරුන්වගේම ඇසිසන්ලා මේක අරගන්න පොර කන්නේ ගොඩක් හේතු නිසා. ඒවායින් කිහිපයක් චිත්රපටියෙක් දැකගන්න ලැබේවි. මේක ඇත්තටම ඉතින් ඇපල් ගෙඩියක් වගේ වුනාට උපකරණයක්. මේකට තියෙන හැකියාවන් ගැන කතා කරනවනම්, මුලාවට පත්කරන ප්‍රක්ෂේපණ (ඒ කිව්වේ ඇත්තටම නැති වුනත් ඇත්තයි කියලා හිතෙන දර්ශන), මනස පාලනය, භෞතික වශයෙන් මෙහෙයවීම, දැනුම, ගණනය කිරීම් දකින්න හෝ නිර්මාණය කරන්න ඇති හැකියාව වගේ හැකියාවන් තියෙනවා. හැබැයි මේ හැමදේම නැහැ. එක් චිත්‍රපටයකින් මේ හැමදේම දෙන්න බැහැනේ ඉතින්. මේ Apples of Eden කියන වචනේ වගේම Apple කියන වචනේ තියෙන තැන් වල මං “ඇපල් ඔෆ් ඊඩන්, ඇපල්, ඇපල් ගෙඩිය” වචන භාවිතා කරන්න වුණා. මොකද ඉංග්‍රීසියේ සදහන් වෙන හැම වචනෙම සිංහලට හරවන්න බැහැ. හැරේව්වත් සමහර වචන හෙන කැත අර්ථයක් ලැබෙන්නේ. “ඇසිසන් ක්‍රිඩ්” වගේම “ඇසිසන්” එකටත් එහෙම්ම තමයි හොදේ. මොකද හැම තැනම ඝාතකයො කියලා කියන්න බැහැ. කැතයි. ඒවා ගැන වැඩිය හිතන්න එපා බලන කෙනාට කිසිම බාධාවක් නොවෙන්න තමයි දාලා ඇත්තේ.
ක්‍රීඩාවයි චිත්‍රපටියයි එකිනෙකාට (අ)සමාන වෙන තැන් හා වෙනත් තතු
• ක්‍රීඩා අනුසාරයමද චිත්‍රපටිය තුලත් තියෙන්නේ? මේ වෙද්දීත් ගොඩදෙනෙක් දන්න කියන පළමු දේ තමයි මේ චිත්‍රපටය පාදක වුණේ මෙතෙක් නිර්මාණය වූ ක්‍රීඩා අනුසාරයෙන් කියන එක. හැබැයි තාමත් හිතාගන්න බැහැ මේක කොයි ක්‍රීඩාවට අනුබද්ධ කරලා නිර්මාණය කරන ලද්දක්ද කියන එක. ඇත්තටම එහෙම කියන්න අමාරුයි. මොකද චිත්‍රපටය Assassin’s Creed: Brotherhood ක්‍රීඩාවට සමානකමක් දක්වනවා. ඒ මොකද කියලා පස්සේ කියන්නම්.
• Eagle Dive/Vision – ක්‍රීඩාවේදී වගේම චිත්‍රපටයේදී “Eagle Dive”(ඒ කිව්වේ රාජාවලියෙකු මෙන් උස් ස්ථානයක ඉදන් පොලවට පතිත වෙන විදිහ.) එක දැකගන්න පුළුවන්. ඒත් මං නම් දන්නේ නෑ Eagle Vision එක තියද කියලා. නමුත් ඉතින් Assassin’s Creed පෝස්ටර් අතරේ රාජාවලියෙකුගේ පෝස්ටර් එකක් වෙනම හදලා තිබුනා.
• Abstergo – ගේම් එකේදී දකින්න ලැබුණා Abstergo කියන ගොඩනැගිල්ල. ඒකෙ තිබුණු ලෝගෝ එක මතක ඇතිනේ. අන්න ඒ ලෝගෝ එකම අරගෙන තමයි චිත්‍රපටයෙත් Abstergo එක නිර්මාණය කරලා තියෙන්නේ. ඒවගේම Animus (Animus කිව්වේ BVS වල සුපර්මෑන් එක පාරට පොලවට එද්දී දණහිසක් නවලා එක අතක් පොලවට තියන ලෑන්ඩින් එක තියන උපකරණෙ) එකත් දැකගන්න ලැබුණා. හැබැයි ටිකක් යාන්ත්‍රික බව නම් වැඩියි. සුපර්හීරෝ ගැන කියපු නිසා මේකත් කියන්නම්. මේක සුපර්හීරෝ සලරුවක් නම් නෙවෙයි. හොර රහසේ ඉලක්ක වෙතට ගිහින් යුක්තිය වෙනුවෙන් සටන් වැදිලා සාධාරණය ඉෂ්ට කිරීමක් විතරයි. උදාහරණයක් හැටියට ඇරෝ හා ඩෙයාඩෙවිල් මුල් කාලයේ වගේ. කොහොමනමුත් චිත්‍රපටයේ තිබුණු Animus එකේ ලොකු වෙනස්කමක් කරලා තිබුණා ක්‍රීඩා වල තිබුණු එකට වඩා ඔබ්බට ගිය විදිහට.මේ නිසාම ඉදිරියට නිකුත් වෙන ක්‍රීඩාවල Animus එකේ වෙනස්කමක් වෙන්න ඉඩකඩක් තියෙනවා.
• සටන් ක්‍රම හා සැබෑ පතිත වීම් අනුසාරයෙ – Michael Fassbender ගැන කලින් සදහන් කරපු චිත්‍රපට අතරින් මොහුගේ උපරිම සටහන් ක්‍රම මේ චිත්‍රපටයෙන් දැකගන්න පුළුවන්. කොටින්ම “Eagle Dive” එක පවා සැබෑවටම රූගත කිරීමක් සිදු කලා.උස අඩි 125 ක් උස නිර්මාණය කරන ලද ගොඩනැගිල්ලක ඉදන් ශක්ති ඝට්ටනය – ජුල 30243, තප්පර 2.79 ක කාලයකින් පොලවට පතිත වීමක් හා ශක්ති වේගය – පැයට සැතපුම් 61.1 ක වේගයකින් මුදනේ ඉදන් පොලවට පතිත වීමක් සැබෑවටම රූපගත කලා. Michael Fassbender මේ පිම්ම අති සාර්ථක විදිහට නිම කලා.මේ වගේ හේතු නිසා තමයි නිෂ්පාදන අංශයට ලොකු පිරිවැයක් දරන්න වුණේ.
• Spanish Assassin’s Brotherhood කණ්ඩායම – ගේම් එකේදී දැකගන්න ලැබුණා Spanish Assassin’s Brotherhood කණ්ඩායම. ඒවගේම තමයි චිත්‍රපටයත් නිර්මාණය කරලා තියෙන්නේ 15 සියවසේ ස්පාඥ්ඥය ගැනයි. මේ නිසා චිත්‍රපටිය තුළදීත් අපිට Brotherhood කණ්ඩායම දැකගන්න පුළුවන් හැකියාවක් තියෙනවා.
• මයිකල් ෆෑස් බෙන්ඩර් තමයි Ubisoft සමාගම විසින් තෝරාගනු ලැබූ එකම නළුවා. නමුත් මයිකල් මෙහි රංගනයෙන් දායක වෙන්න ගත්තට එයා කිසිම ක්‍රීඩාවක් සෙල්ලම් කරලවත්, පොතක් කියලවත් තිබිලා නෑ.රුගත කිරීම් කරන අතරවාරේ ලැබුණු විවේකයක් ලැබුණු වෙලාවට තමයි මයිකල් මේ ක්‍රීඩාව සෙල්ලම් කරන්න අරගෙන තියෙන්නේ.
කියන්න ඕනේ කරන, දන්නා කියන හැමදේම මුෂ්ටියක් නැතුව කියලා දැම්මා. දෙන්න ඕනේ ඉගි ඔක්කොම දුන්නා. ස්පොයිල් උනේ නෑ කියලා විශ්වාස කරනවා. මෙච්චර දවසක් ඉවසන් උන්නු එකේ ඉතින් කතාව කියන්න යන්නේ නැහැ.මොකද උපසිරැසිය දීලා තියෙද්දී වෙන්නේ මොකක්ද කියලා කියන එක කිසිම තේරුමක් නැති වැඩක්. සම්පුර්ණ ස්ථිර කිරීමක් නොතිබ්බත් චිත්‍රපට පෙලෙහි දෙවැන්නක් එන බවට පුංචි බලාපොරොත්තුවකුත් මට නම් තියෙනවා. ඒ ගැන බලාගන්න වෙන්නේ නුදුරේදීම තමයි.
එහෙනම් ඉතින් ගිහින් එන්නම්. හැමෝටම ජයෙන් ජය!
ලබන සතියෙ කොටසෙ පෙර දසුන් පහල ලින්ක් කළා. බලාගෙනම යන්න. එහෙනම් අපි ගියා. ජය෴෴
සුභ දවසක් සියළු දෙනාටම. ටික කාලෙකට පස්සේ අපි ආයෙමත් හම්බුනා එහෙනම්. කොහොමද කට්ටියට.. සැපෙන් සනීපෙන් ඉන්නවා කියලා හිතනවා. ඔන්න එහෙනම් මම ගිය පාර උපසිරැසිය අවසානේ සදහන් කළා වගේම චීන ක්රියාදාම චිත්‍රපටයක් අරන් ආවා ඔයාලට. මේක ඇත්තටම සුපිරි කතාවක්. මොකද මේ චිත්‍රපටය හදලා තියෙන්නේ ඇත්තම සිදුවීමක් ආශ්‍රයෙන්. මේක ඇක්ෂන් සහ ඇඩ්වෙන්චර් කාණ්ඩ වලට අයිති වෙනවා වගේම IMDb 6.8 ක් ලබාගන්න සමත්වෙලා තියෙනවා. මම කලින් අරන් ආපු Call of Heroes AKA The Deadly Reclaim (2016) චිත්‍රපටය බලපු අයටනම්, මේකේ හුරුපුරුදු හා සුපිරි චීන නළුවෙක් ඉන්නවා. ඒ තමයි, Eddie Peng. තව Hanyu Zhang , Joyce Wenjuan Feng , Carl Ng, Ken Lo, Pawarith Monkolpisit, Jonathan Wu, Vithaya Pansringarm ඇතුළු තවත් රංගන ශිල්පීන් රැසක් දායක වෙන මේ චිත්‍රපටිය අධ්‍යක්ෂණය කරලා තියෙන්නේ Dante Lam විසින්.
හ්ම්..හ්ම්…මොනවද කියන්නේ කියලා කල්පනා කලේ..හරි…මේක තමයි මං බයිස්කෝප් අඩවිය වෙනුවෙන් කරන 4 වෙනි උපසිරැසිය..ඒත් නිළ වශයෙන් අඩවියේ පළ වෙන පළමු උපසිරැසිය තමයි මේ ‘True memories of an international assassin’ එහෙමත් නැත්තම් තෙරෙන සිංහලෙන් කිව්වොත් ‘ජාත්යන්තර ඝාතකයෙකුගේ සෑබෑ මතක සටහන්’..කියන ෆිලුමට කරන සබ…ඒ හින්දා තමයි අඩවියේ ඉන්න කාටවත් මගේ නම ඒ තරම්ම හුරු නැත්තෙ.මම නම් මේකට නම දැම්මේ ‘හිත හොද මිනිමරුවා’ කියලා.ෆිල්ම් එක බලලා ඔයාලාම තීරණය කරන්න ඒක ගැලපෙනවද නැද්ද කියලා.
චරිතෙට පණ පොවන්නේ Kevin James.ෆිල්ම් එක Action,Comedy විදියට වර්ග කරන්න පුලුවන්.ඇමරිකානු චිත්රපටියක් වුනාට ගොඩක් කොටස් රූප ගත කරලා තියෙන්නෙ වෙනිසියුලාවෙයි.IMDB අගය 6.9ක 7ක වගේ අගයක් අරං තියෙනවා.Box Office වාර්ථා බිද හෙලපු ෆිලුමක්..ඇස්තමේන්තු කරපු අගය විදියට ප්රකාශයට පත් කරලා තියෙන්නේ $40,000,000 ක මුදලක්.අධ්යක්ෂනය කරලා තියෙන්නෙ Jeff Waldlow.මේක ටිකක් අනික් සිනමාපට වලට වඩා හාත් පසින්ම වෙනස් කතාවක්.අන්න ඒක නිසයි මං මේකට සබ කරන්න හිතුවෙත්.අපි කතාව පැත්තට හැරෙමුකෝ.
හින්දි සිනමාව තුළ මා නැරඹූ සිනමාපට අතුරින් අමතක නොවන, එමෙන්ම කුතුහලයෙන් යුතුම නිර්මාණය ලෙස මෙම සිනමාපටය හැඳින්වීමට මා කැමතියි. ඒ නිසා මේ පිටුවට පැමිණෙන සියලු දෙනාටම මෙය නැරඹීමට මා ආරාධනා කිරීමට කැමතියි. මෙම සිනමාපටය සඳහා අන්තර් ජාලයේ ඉංග්‍රීසි උපසිරසි ගොණුවක් නොමැති නිසා මෙම උපසිරැසිය නිර්මාණය කිරීමට මා හට ඉමහත් වෙහෙසක් දැරීමට සිදුවිය. “සබ් ටයිටල් එඩිට්” හරහා ටයිම් ලයින් නිර්මාණය සිදු කරන ආකාරය ගැන මට උපදෙස් ලබා දුන්නේ “අසංක ප්‍රදීප් රණතුංග” සොයුරා විසින් බව ගෞරවයෙන් යුක්තව සිහිපත් කළ යුතුය. එමෙන්ම උපසිරසි නිර්මාණය කිරීම, ඒවා බාගත කරගත හැකි ස්ථාන පිළිබඳවද ඉතාමත් වැදගත් තොරතුරු එම සොයුරා විසින් මට නිරන්තරයෙන්ම ලබාදෙයි. ප්‍රථමයෙන්ම එයට මාගේ අවංක ස්තුතිය පුද කරන්නෙමි!
