1861 සිට 1865 දක්වා කාලය තුළ ඇමරිකා එක්සත් ජනපදයේ සිදුවූ සිවිල් යුද්ධය එරට ඉතිහාසයට කළු පැල්ලමක් වශයෙන් එකතු වන්නකි. එරට ඉතිහාසයේ කවදා හෝ සිදු වූ භයානකම ලේ වැගිරීම මේ සංසිද්ධිය නිසා සිදුවූවක් වන අතර පළමු හෝ දෙවන ලෝක යුද්ධවලදී පවා මෙහිදී සිදු වූ පමණ ඇමරිකානුවන් සංඛ්‍යාවක් ඝාතනය වී නැත.
ශ්‍රේෂ්ට ඇමරිකානු ලේඛකයකු වූ ඒබ්‍රහම් ලින්කන් විසින් එක්සත් ජනපදයේ කළු ජාතිකයන්ගේ වහල්භාවය තුරන් කිරීම වෙනුවෙන් ගෙන ගිය ව්‍යාපාරයට විරුද්ධව දක්ෂිණ ඇමරිකානු ප්‍රාන්ත එකොළහක් විසින් මෙම සිවිල් යුද්ධය ආරම්භ කරන ලදී. සැබැවින්ම මේ දක්ෂිණ ප්‍රාන්තයන්ට වහලුන්ගේ වැඩි අවශ්‍යතාවක් පැවතුනේ ඒවායේ පැවති කපු පදනම් කරගත් ආර්ථිකය හේතුවෙනි. වහල් ක්‍රමය රැක ගැනීම තුළින් තම ආර්ථිකය ආරක්ෂා කරගනු වස් මේ ප්‍රාන්තයන් ආරම්භ කරන ලද යුද්ධයට උතුරු ප්‍රාන්ත මුහුණ දුන්නේද සංධානයක් වශයෙනි.
ඇමරිකානු සිවිල් යුද්ධය යනු නිර්මාණ විශාල ගණනකට පාදක වූ සංසිද්ධියකි. 2016 වර්ෂයේ තිරගත වූ “ෆ්‍රී ස්ටේට් ඔෆ් ජෝන්ස්” නම් දැන් මා ඔබ වෙත ඉදිරිපත් කෙරෙන චිත්‍රපටයද මේ සංසිද්ධියම පාදක කරගනිමින් නිර්මාණය කෙරුණු විශිෂ්ට නිර්මාණයකි. සැබැවින්ම කපු වගාව වෙනුවෙන් කරන ලද මේ යුද්ධය නිසා පීඩාවට පත් වූයේ කළු ජාතික වහල් ජනතාව පමණක් නොවේ. සියලු නිර්ධන පාන්තික සුදු ජනතාවද මේ නිසා පීඩාවට පත් වූහ. ධනවතුන් යුද්ධයෙන් ඉවත් කොට නිර්ධන පාන්තික ජනයා යුද්ධයට යොමුකෙරෙන අයුරු මෙන්ම යුද්ධයේ නාමයෙන් ඔවුන් කොල්ලකෑමට ලක් කෙරෙන ආකාරයද මැනැවින් නිරූපනය කිරීමට මේ චිත්‍රපටය සමත් වී ඇත.
කෙසේ වුවත්, ඒබ්‍රහම් ලින්කන්ගේ ප්‍රතිසංස්කරණවලට පවා වහල් ක්‍රමය එක්සත් ජනපදයෙන් සම්පූර්ණයෙන්ම අතුගා දමන්නට හැකි වූයේ නැත. ඒ සඳහා තවත් පරම්පරා ගණනාවක් බලාසිටින්නට කළු ඇමරිකානු ජනතාවට සිදු විය. මේ චිත්‍රපටයේ ප්‍රධාන චරිතය වන නිවුටන් නයිට්ගේ මුණුබුරාට පවා වාර්ගිකවාදයේ සෙවණැලිවලට මුහුණ දෙන්නට සිදු වන අයුරු චිත්‍රපටය නැරඹීමේදී දැකගත හැකි වනු ඇත.
මේ විශිෂ්ට චිත්‍රපටය මා වෙත හඳුන්වා දීම සම්බන්ධයෙන් මගේ හිතමිත්‍ර අනුර හෙට්ටිආරච්චි මහතාට පළමු ස්තූතිය පිරිනමමි. මා මේ උපසිරැසිය ඔබ වෙත ගෙන එන්නේද ඔහුගේ ඉල්ලීමක් අනුව බවද සිහිපත් කරමි. එසේම මගේ දහවන නිර්මාණය ලෙස මෙම උපසිරැසි ඔබ වෙත ගෙන එන්නට අවස්ථාව සලසා දුන් www.baiscopelk.com වෙබ් අඩවියටද මගේ විශේෂ ස්තූතිය පිරිනමමි. මා සමග එක්ව මේ චිත්‍රපටය රස විඳින ලෙස ඔබ සැමට ආරාධනා කරමින් නවතිමි.
Due to copyright issues, we do not provide any torrent links.
Free.State.of.Jones.2016.BRRip.XviD-ETRG
Free.State.of.Jones.2016.HDRip.XViD.AC3-ETRG
ලබා දී ඇති උපසිරසි ඉහත පිටපත් සඳහා අදාළ වේ.
196 downloads
