සුපර්මෑන්ගේ පැමිණීම එක්ක කතාව වෙනමම පැත්තකට ගියා. සුපර්ගර්ල්ටත් සතුටුයි එයාට දැනට ඉන්න එකම ඥාති සොහොයුරාව හමුවෙන්න ලැබීම. මේ හන්දා එයත් හිටියේ ගොඩක් ලොකු සතුටකින්. ඒ අතරේ ජේම්ස් හා කාරා දෙන්නා අතරේ ආදර සම්බන්ධයක් තිබුනා. යන්තම් ඒකත් පටන් අරගෙන යද්දීම ඒ දෙන්නත් අන්තිමට වෙන්වුණා. මොකද ඒ දෙන්නා එකතුවෙන්න හදන හැම වෙලාවකම සුපර්ගර්ල්ට අපරාධයක් විසදන්න යන්න වුන නිසා. වෙන්චර් එක කඩාගෙන වැටෙන අතරෙන් පස්සෙනේ සුපර්මෑන්ව කතාවට අන්තර්ගත කලේ. ඒ වෙලාවේ ඉදන් සුපර්මෑන්ව වගේම හෑන්ක් අතරේ ඒ හැටි හිතහොද බවක් තිබුණේ නෑ. පරණ කෝන්තරයක් නිසා. මිස් ග්‍රෑන්ට් කාරාට පලවෙනි කතාමාලාව අවසන් වෙද්දීම අළුත් තනතුරක් දුන්නා. ඒත් එයා ඒ තනතුරු පහුගිය කොටසේ අන්තිම මොහොත වෙනකන් අරගෙන තිබුණේ නෑ. ජෝන් කෝබෙන්ව අල්ලගෙන වෙන්න ගිය වුනාශය නම් නතර කළා. නමුත් අන්තිමට කවුදෝ මන්දා ගෑණු කෙනෙක් ජෝන් කෝබෙන්ට මොනාදෝ මන්දා එන්නත් කරලා මැරෙන්න ගිය මිනිහව බේරගෙන මෙටාලෝ කියන නම තියෙන කෙනෙක්ට පණ දුන්නා.
සුපර්මෑන් නැෂනල් සිටි වලට ආවත් හරි සුපර්ගර්ල්ගේ දගකාර කමත් එක්ක ටිකක් කල්පනාව නැහැයි වගේ හැසිරෙන්න ගත්තා. පිස්සු නෙවෙයි ඉතින් තමන්ගේ එකම ඥාති සොහොයුරා අවුරුදු ගාණකට තමන් ගාවට ආවට පස්සේ එහෙම නොදැනුනොත් පුදුමයක්. මේ නිසාම ජෝන් හා සුපර්මෑන් අතර තියෙන තරහ වැඩි වුණා මිසක් නැතිවුනේ නෑ. මෙටාලෝට පණ ලැබුනත් එක්ක කැඩ්නස් එකේ හිටපු ගෑණු කෙනා මෙටාලෝව යවනවා නැෂනල් සිටි එකේ හැමෝගෙම අවධානෙ යොමු වෙන විදිහේ වැඩකට. සුපර්මෑන් වගේම සුපර්ගර්ල් යනවා මොකද මේ වෙන්නේ කියලා බලන්න. නමුත් ඒ දෙන්නට ඒ වෙලාවේ තත්වය පාලනය කරගන්න ලැබෙන්නේ නැහැ. මොකද ඒ කෝබෙන් කියන්නේ තවදුරටත් මිනිහෙක් නෙවෙයි ලෝහ වලින් හැදිච්ච ක්‍රිප්ටෝනයිට් පුරවපු සැකිල්ලක්. එයාට පුළුවන් මේ ක්‍රිප්ටෝනියන් දෙන්නට හානි කරන්න. මාස හතරකට කලින් DEO එකෙන් ක්‍රිප්ටෝනයිට් වගයක් නැති වෙලා තියෙනවා. මේ ගැන නම් සුපර්ගර්ල්වත් දන්නේ නැහැ. ඒ කියන්නේ DEO එකේ ඔත්තුකාරයෙක් ඉන්නවා කියන එකනේ. බලාගන්න පුළුවන් වේවි ඒ කවුද කියලා. අද තමයි කාරා පළවෙනි වතාවට වාර්තාකරුවෙක් හැටියට රස්සාව බාරගන්නේ. ඒ නිසා එයාට අද හමුවෙනවා අළුත් බොස්ව. මිනිහා නම් හෙන තදයා. කොහොමෙන් කොහොම හරි කාරාට රස්සාව දෙන්නෙත් නැහැ. මේ නිසා මෙයා ඒ ගැන කැට් ග්‍රෑන්ට්ට කියන්න යනවා. එතකොට ග්‍රෑන්ට් කාරාට උදව් කරන එක ප්‍රතික්ෂේප කරනවා වගේම ඒ වෙලාවේ කාරාට දැනගන්න ලැබෙනවා ග්‍රෑන්ට් කැට්කො එක අතහැරලා යන බව. ටික කාලයකට කියලයි කියන්නේ නමුත් කොහොම වෙයිද කියලා නම් කියන්න දන්නේ නැහැ. ග්‍රෑන්ට් වෙනුවට ජේම්ස්ව ඒ තනතුරට පත්කරලයි යන්නේ.
සුපර්මෑන් නැෂනල් සිටිවලට ආවට පස්සේ කැඩ්නස් එකෙන් මේ දෙන්නා අවධානයට පත්වුණා වැඩියි. කැඩ්නස් එකේ අරමුණ වෙලා තියෙන්නේ මේ පිටසක්වලයො දෙන්නවම මරලා දාන එක. මොකද එයාලා දකින්නේ මේ දෙන්නා ලෝකෙටම තර්ජනයක් හැටියටයි. ක්ලාක් නැෂනල් සිටිවල ඉන්න අතරේ මෙට්‍රොපොලිස්වලටත් ටිකක් ලොකු හානියක් වෙනවා කැඩ්නස්එකෙන් එල්ල කරපු පහර දීමක් නිසා. මේ නිසා ක්ලාක් කෙන්ට් එහෙමත් නැත්තම් සුපර්මෑන් ආයෙමත් වතාවක් මෙට්‍රොපොලිස්වලටම යනවා. අද කොටසේ ඉදන් කැඩ්නස් එක සුපර්ගර්ල් එක්ක වගේම සුපර්මෑන් දෙන්නා වගේම ඒ දෙන්නට උදව් කරන/කරපු හැමෝම එක්ක එළිපිට යුද්ධ ප්‍රකාශ කිරීමත් එක්ක ඉදිරියේදී සුපිරි ආරම්භයක් තියෙන විත්තිය ගැන කිසිම සැකයක් නැහැ. බොහෝවිට සුපර්මෑන් වගේම මිස් ග්‍රෑන්ට් ආයේ කතාවට නොඑන්නත් පුළුවන්. ඒ විතරක් ඈ මේ සුපර්ගර්ල් දෙවැනි කතාමාලාවේ විකාශය අතරෙදි ප්‍රකාශ කළා ජේම්ස්ව සුපිරි චරිතයකට ගේන්න යනවා කියලා. යන්ග් ජස්ටිස් බලපු අය ඉන්නවනම් “ගාඩියන්” කියලා කෙනෙක්ව මතක ඇති. සුපර්ගර්ල් තවත් සුපිරි වෙයි හැබැයි මේ කතාවට වෛර කරන අය බැන බැන කතාව හෙමින් සැරේ බලනවා සත්තයි. ඔය පහල ඉන්නේ ගාඩියන්.
එහෙනම් ඉතින් මිස් ග්‍රෑන්ට් වගේම සුපර්මෑන්ගේ නික්ම යාමත් එක්ක මට මේ කතාමාලාවෙන් නික්ම යන්න කාලය ඇවිල්ලා තියෙන්නේ. මං මේක පටන් ගද්දිම කිව්වනේ මේක මං කරන්න ගත්තට කරගෙන යන්න අමාරුයි කියලා. නමුත් කට්ටිය කිව්වේ “නවත්තන්න එපා දිගටම දෙන්න කියලා.” එහෙම කිව්වට මට බෑනේ. මොකද Supernatural, The Exorcist එක්ක මේකත් කරන්න අමාරු තත්වයක් ඇවිල්ලා තියෙන්නේ අධ්යාපන කටයුතු හා පුද්ගලික වැඩත් එක්ක. මේ අතරේ මං කලින් කරපු වෙබ් සිරිස් එකකුත් ඇවිල්ලා. ඒක සම්පුර්ණ වුනාම ඒක දෙන්නත් වෙනවා. මං 200 වැනි කඩයිම කලාට පස්සේ හිතාන හිටියේ උපසිරැසිකරණයෙන් ඈත්වෙලා ඉන්නවයි කියලා. නමුත් කලින් කරපු සුපර්නැචුරල් එක දෙන්න කවුරුත් නැති හින්දයි කලේ. The Exorcist කරලා ඉල්ලගෙන කෑමක් කරගත්තේ. ඒ අස්සේ ලබන අවුරුද්දේ ජනවාරියේ ඔරිජිනල්ස් එනවා. මේවා කොහොම කරන්නද මන්දා. කවුරු මේ කතාමාලාවට ආසා නැති වුණත් මං නම් පුද්ගලිකවම ආසා කරපු කතාවක් තමයි මේක. එහෙව් එකේ මට මේක අතහරින්න කිසිම හිතක් නැහැ. නමුත් තන්හාවට ගත්තා වගේ නෙවෙයි දෙන්න ගියාම හිරවෙන්නේ. වෙලාව තිබ්බා නම් මං කීයටවත් මේ ෂෝ එක දෙන එක නවත්වන්නේ නැහැ. ඉතින් ඔන්න ඔය හේතු නිසාමයි මං සුපර්ගර්ල් එක අයින් කරලා දාලා වෙන කෙනෙක්ට දෙන්න හිතුවේ. ඔයාලා හුගක් දන්න කියන මටත් වඩා හොදට උපසිරැසි ගන්වන කෙනෙක් තමයි එයා. එහෙනම් එයාට ඉදිරියේදී සහයෝගය ලබා දෙන්න මං ඉල්ලනවා.
ගිහින් එන්නම්. හැමෝටම ජයෙන් ජය.!
Due to copyright issues, we do not provide any torrent links.
Supergirl.S02E02.HDTV.x264-LOL
මෙම ලබා දී ඇති උපසිරැසි ඉහත පිටපත සඳහා අදාළ වේ.
3847 downloads
<< Previous Season All Episodes Next Episode>>