Captain Fantastic (2016) with Sinhala Subtitles | [අපූරු පියාණන්] [සිංහල උපසිරසි සමඟ]

Captain Fantastic (2016)

කොහොමද කට්ටියට ඉතින්..ඔන්න තවත් චිත්‍රපටයකට උපසිරැසි යොදන්න අවස්ථාව හම්බවුනා. මේ පාර අරන් ආවේ, මේ වසරේ තිර ගත වුන Captain Fantastic කියන චිත්‍රපටය.Viggo Mortensen, Frank Langella, Kathryn Hahn, Steve Zahn චිත්‍රපටයට රංගනයෙන් දායක වන අතර. අපූරු ළමා චරිත කිහිපයකිනුත් චිත්‍රපටය අලංකාර වෙනවා. ඒ වගේම මේ චිත්‍රපටය IMDb 8 ක අගයක් වැනි, ඉහළ අගයක් ලබාගෙන තියෙනවා.

කතාව ගැන කියනවානම්, මේක පවුලක් ගැන කතාවක්. පවුලක් කිවුවට අපිට දකින්න ලැබෙනවා වගේ සාමාන්‍ය පවුලක් ගැන නම් නෙමෙයි. මේ පවුලේ අම්මව, මානසික රෝගයක් නිසා රෝහල් ගත කරනා නිසා පවුලේ ළමයි ටිකව බලාගන්නේ, එයාලගේ තාත්තා. තාත්තගේ නම බෙන්. මෙයාලා ජීවත් වෙන්නේ අනිත් අය ජීවත් වෙනවට වඩා බොහොම වෙනස් විදිහකට. කැලේ මැද ගෙයක් හදාගෙන සම්පූර්ණ ලෙසම බාහිර ලෝකෙන් මිදිලා තමයි එයාලා ජීවත් වෙන්නේ. ඔවුන්ට අවශ්‍ය සියලුම ආහාර සපයාගන්නේ කැලෙන්. ඒ නිසා ඔවුන් කැලේ ඉන්න සත්තු පවා මරණවා. තාත්තා ළමයින්ට ගොඩක් ආදරෙයි වගේම, එයා ළමයි ටිකව පාලනය කරන්නේ දැඩි නීතිත් එක්ක. තාත්තා ළමයින්ට කැලේ දිවි ගෙවන හැටි ආදී සියලු දේ උගන්වනවා. ළමයින්ට ඉතා වෙහෙසකර පුහුණුවීම් ලබා දෙනවා. පවුලේ පොඩිම සාමාජිකයට පාවා සංකීර්ණ පොත් පත් වල තියෙන විෂය කරුණු පාඩම් කිරීමට නියම කරනවා. ඔවුන්ට විශාල දැනුමක්, වගේම විවිධ අත්දැකීම් ලබා දෙනවා.

මේ විදිහට දිවි ගෙවෙන කොට, එයාලගේ මවගේ අසනීපය උග්‍ර වෙලා, මම මියගියා කියන ආරංචිය මෙයාලට දැනගන්න ලැබෙනවා. ළමයි ඒ ගැන හුඟක් දුක් වෙනවා. මවගේ තාත්තා, සිය දියණියගේ මරණයට හේතුව බෙන් කියලා, ළමයින්ගේ තාත්තට දෝශාරෝපණය කරනවා. ඒ වගේම බෙන්ට අවමංගල්‍ය උත්සවයට ඒම තහනම් කරනවා. ඒ නිසා ළමයින්ටත් අවමංගල්‍ය උත්සවයට යෑමට තිබූ අවස්ථාව නැති වෙනවා. ඒත් ළමයින්ගේ දැඩි ඉල්ලීම මත බෙන්, ළමයි ටිකත් අරගෙන අවමංගල්‍ය උත්සවයට යන්න තීරණය කරනවා. ඔවුන් මවගේ අවමංගල්‍ය උත්සවයට යන අයුරුත්, නුපුරුදු නවීන ලෝකයට මුහුණ දෙන අයුරුත්, මවගේ අන්තිම කැමැත්ත ඉෂ්ඨ කරන අයුරුත් මේ සළරුවේ ඉතා රසවත් මෙන්ම සංවේදී ලෙස නිරූපණය කරලා තියෙනෙවා

හරි කට්ටියටම එහෙනම් ෆිලුම බලන්න කියලා ආරධනා කරනවා. ඔයාලගේ දිරිගැන්වීම් තවත් මේ වගේ නිර්මාණ කිරීමට රුකුලක් වේවි. එහෙනම්, නැවත හමුවනතුරු කට්ටියටම ජයවේවා..!!!