බලන්න ඇති කියලා හිතනවා Trois Couleurs: Bleu (1993), හැමදාම වගේ බොහොම අඩු පිරිසක් තමයි බලලා නම් තිබ්බේ නමුත් බොහොම සතුටු වෙනවා බැලුව හෝ බලන්න ගත්ත කිහිපදෙනෙක් දාලා තිබ්බ කමෙන්ට් දැක්කම. ඒ වගේ ඇත්තටම සිනමාව දකින්න අත් විදින්න කැමති පිරිසක් වෙනුවෙන් තමයි මෙහෙම නිර්මාණ අරගෙන එන්නේ මොකද අපි හැමෝම ක්‍රියාදාම බැලුවත්, බොක්ස් ඔෆිස් පෙරේලිකාර නිර්මාණ රස වින්දා වුනත් ඒවායෙන් බොහොම සීමිත ප්‍රමාණයයි අපේ හිතට මනසට යමක් ඉතුරු කරන්නේ. ඒක වටහාගන්න හැකි තව දෙන්නෙක් මේක බැලුවත් ඇත්තටම ඒ ගැන සතුටු වෙනවා මම.
මේක තමයි Trois Couleurs සිනමාපට ත්‍රිත්වයේ දෙවැන්න. ප්‍රංශ කොඩියේ ඇති සුදු වර්ණය තමයි මේ සිනමා පටය පුරාම ඔබට දැකගන්නට හැකි වෙන්නේ, Trois Couleurs: Bleu චිත්‍රපටයේ පසුතල ආලෝකකරණය හැමදෙයක්ම හැකි තරමක් නිල් පැහැය අරගෙන ආවා වගේම මේ වතාවේ ආලෝකකරණය යම් තරමක් පස්සට ගිහින් පසුතල අදාළ වර්ණය නියෝජනය කරන්නට පටන් අරගෙන. මේ වතාවේ අදහස වෙන්නේ “සමානාත්මතාවය” ලෙහෙසියෙන් කතා කරන්නට හැකි දෙයක් නෙමෙයි නෙව ඒක.
කලින් වතාවේ වගේම මෙයත් Krzysztof Kieslowski නිර්මාණයක්, මේ වතාවේ ප්‍රධාන චරිත වෙන්නේ අපි හැමෝම දන්නා Julie Delpy Before සිනමාපට ත්‍රිත්වය එහම බැලුව කෙනෙක්ට ඇය ගැන අමුතුවෙන් කියන්න ඕනේ නැහැ නෙව. ඒවා බලලා නැති වුනත් ඇය ඔස්කා සමාන දෙකක් වෙනුවෙන් නිර්දේශ වුන නිලියක් කිව්වහම ඇති වේවි මම හිතන්නේ. ඊට අමතරව Zbigniew Zamachowski, Janusz Gajos හා තවත් පිරිසක් රංගනයෙන් එක්කාසු වෙනවා. මේ වතාවේ කතාව ප්‍රංශයෙන් පෝලන්තය වෙත යනවා මගක් දුර යනකොට, නමුත් භාවිතා වෙන භාෂාව නම් ප්‍රශ්න භාශාවමයි කලින් වගේම.
කතාව වෙන්නේ මෙහෙමයි කැරොල් නම් කොණ්ඩා මෝස්‌තර නිරුපනකරුවෙක් ඉන්නවා ඔහුගේ යම් අඩුපාඩුවක් නිසාවෙන් බිරිද ඔහුවේ ගෙදරින් එලියට දානවා, ඔහුට ඔහුගේ ව්‍යාපාරය, මිතුරන් ඔක්කොම නැතිවෙලා යනවා. අවසානයේ ඔහුට හමුවෙනවා තවත් පෝලන්ත ජාතිකයෙක්, ඔහු කැමති වෙනවා මෙයාව නැවත මව් රට වෙත එකක් යන්න… කැරොල්ගේ අවසන් ඉලක්කය නැවත ඩොමිනික් හා එක්වීම ද? පාලි ගැනීම ද? තමුන්හට සමානාත්මතාවයක් සමාජයෙන් ලැබෙන තැනට වැඩ කිරීමද කියන එක ඇත්තටම කියනවා නම් මට ගැටලුවක්. නමුත් සහතිකයි කම්මැලි කමක් නම් ඇති නොවේවි ඔබට මේ පැය 1 විනාඩි 30 ආසන්න කාලය අතර තුරේ. කලින් වතාවේ වගේම කතා නායකයා මේ වතාවේත් තමුන්ගේ අතීතය හා බැද තියන්නට අධ්‍යක්ෂකවරයා කටයුතු කරලා තියනවා ඒ තමයි ඔහු අතේ ඇති කාසිය. බලනකොට ඒ ගැන ඔබට වැටහෙයි. ඒ වගේමයි පහුගිය වාරේ වගේම මේ වතාවෙත් වයසක ගැහැණු කෙනෙක් විදුරු බෝතලයක් ප්‍රතිචක්‍රීකරණය කරන්න බදුනක් වෙත දාන්න දරනා උත්සාහයක් දකින්න ලැබේවි ඒක හිතේ තියාගන්න. ඒ ගැන ලබන වතාවේ විස්තර කරන්නම්.
මෙවරත් සංගීතය අමුතුම භූමිකාවක් මේ සිනමා පටයේ නිරුපනය කරනවා. IMDB 7.7 වගේ අගයක් තමයි මෙය දිනාගෙන තියෙන්නේ. රෝටන් ටෝමාටෝ මිටරයේත් 90% වගේ අගයක් තමයි මේ වතාවේ දිනාගෙන තියෙන්නේ නම්. ආ ඒ වගේම අමතක වුනා කියනන් මතකයි නේද ගිය වතාවේ ජුලී තමුන්ගේ සැමියාගේ අනියම් බිරිය දකින්න උසාවියට ගිය වෙලේ නඩු වාරයක් වෙනුවෙන් ඇතුල් වෙන්න හදලා ආරක්ෂකයා ඉඩ දුන්නේ නැති අවස්තාව ? ඒ අවස්තාව තමයි මෙවර කතාව හා පහුගිය කතාව අතර සම්බන්ධය. නමුත් ඒක බැලුවේ නැහැ කියලා මේක බලන්න නම් කිසිම භාදාවක් වෙන්නේ නැහැ. ඊලග සලරුවෙන් හමුවෙමු එහෙනම්.
පා.ලි.
ලබාදී ඇති ටොරන්ට් පිටපතේ මෙම චිත්‍රපට මාලාවේ චිත්‍රපට ත්‍රිත්වයම ඇතුලත්ව ඇත. ඔබ කැමති නම් එක චිත්‍රපටයක් බැගින් වෙන් කරගෙන බාගත කරගත හැක. කෙසේ නමුත් මම මේ සිනමාපට ත්‍රිත්වය වෙනුවෙන්ම උපසිරැස ලබා දීමට බලාපොරොත්තු වෙමි.
902 downloads
