අදත් පුරුදු විදියටම ශීල්ඩ් කතා මාලාවෙන් හමුවෙන්න තමයි මේ සූදානම. ගිය සතියේදී මුර බල්ලෝ ගැන ලොකු සිද්ධීයක් වුනා කියලා මතක ඇති. ඒ වගේම ශීල්ඩ් වල හිටපු පරණ නියෝජිතයෙකුත් ශීල්ඩ් වලට එරෙහිව වැඩ කරපු බවක් දකින්න ලැබුනා. ඒ වගේම අවසානයේ ලොකු බෝම්බයක්, නැතිනම් ඊටත් වඩා භයානක දෙයක් හයිඩ්‍රා වෙනුවෙන් ලබා දුන්නා කියලා ඔයාලට මතක ඇති.
ඒ සිද්ධියට අසම්බන්ධිතව අද ගලාගෙන යන්නේ වෙනම විදියේ කතා මාතෘකාවක්. ඇත්තටම කිව්වොත් ගිය සතියේ අලුත් තර්ජනයක් නිර්මාණය වුනා වගේම තමයි අද තිබුණූ තර්ජන කිහිපයක් එකට එකතු වීමක් තමයි යන්නේ. තර්ජන කිව්වට සමහර දේවල් තර්ජනමත් නෙමෙයි. මෙහෙම කියන්නේ කතාව බලලම ඔයාලට දැනගන්න තියන්න ඕනේ නිසා. ඒ වගේම කෝල්සන්ගේ වචනයෙන්ම කිව්වොත් අද කතාව “හද්ද විකාර දවසක්” තුල සිදුවුනු දේවල් කියලා කියන්න පුළුවන්. කතාව මැද්දේ උණුසුම් පුවතකුත් යනවා. එව්වා ගනන් ගන්නේ නැතුව බලන්න. ඒක වීඩියෝ කැප්චර් අවුලක්. 
කොහොම වුනත්, කලින් වතාවක ලින්කන් කිව්වා නේ, ඉන්හියුමන් බලය බෙදී යන්නේ සමතුලිතතාවයක් ඇතුව කියලා. ඒක ඇත්තක් කියලා හිතන්න කරුණු කාරණා කිහිපයක් අද කතාවේදී හෙලිදරව් වෙනවා.
බලමුකෝ එහෙනං අද කතාවේ මොනවා වේවිද කියලා. අද කතාවට මුලදී අතුරුදහන් වුනු කෙනෙකුත් එකතු වෙනවා. ඒ වගේම ගොඩක් අයට මම ගිය සතියේ කතාවේ Implotion කියපු එකට “සංකෝචනය“ කියපු වචනය පාවිච්චි කරපු එක අවුල් වගේ ගිහිල්ලා තිබුනා. ඒකට පිපිරීම කියන්න බෑ, විද්‍යාත්මකව ඒක එහෙම දෙයක් නොවෙන නිසා. පුළුවන් නම් දන්න කෙනෙක් ඒ වචනයට කෙටි වචනයක් කියන්නකෝ. ලබන සතියේ හමුවෙන බලාපොරොත්තුවෙන් අදට සමුගන්නවා එහෙනං.
ආයු -බෝ වේවා !!!
1841 downloads
