The Boss Baby (2017) with Sinhala Subtitles |අය්යා බබයි මල්ලි බබයි [සිංහල උපසිරසි සමඟ]

කළුපාට කුරුල්ලායි මැදියම් රැයේ ගීත ගයන්නේ
මේ බිඳුණු පියාපත් රැගෙනයි පියාඹන්න ඉගෙන ගන්නේ
දිවි ඇති තෙක් ඔබේ
ඔබ පමණයි මේ මොහොත උදාවනතුරු බලා සිටින්නේ

බයිස්කෝප්වාසී සියල්ලන්ටම සුභ දවසක් වේවා. හුඟ කාලෙකට පස්සෙ ඔන්න මම ආවා මේ අවුරුද්දෙ උණු උණුවෙම නිකුත් වෙච්ච ලස්සන සහ වෙනස්ම විදිහක නිර්මාණයක් එක්ක. නිර්මාණය ගැන නං කියල වැඩක් නෑ සුපිරි නිර්මාණයක් කියල මම කිව්වොත් ඒකෙ කිසි වැරැද්දක් නෑ. බලපු අයට උණත් දෙවරක් බලන්න තරම් හිතෙන නිර්මාණයත්. The Boss Baby කියන්නේ ලොව පුරා චිත්‍රපට ලෝලීන් විශාල සංඛ්‍යාවකගේ ආකර්ෂණය ලත් නිර්මාණයක් කිව්වොත් මම නිවැරදියි. ගොඩක් ලමා වැඩිහිටි සියල්ලන්ගෙම ආකර්ෂණය මේ නිර්මාණයට ලැබිල තියෙනවා. ඒ වගේම මේ වෙද්දි මේ නිර්මාණය, ගොඩක් සිංහල උපසිරැසි හොබවන වෙබ් අඩවිවලත් මේ නිර්මාණයට උපසිරැසි ලබා දීල තිබුණ බව දැනගන්න ලැබුණා. දිරිගන්වන්න කවුරුත් නැතිව උණත් භාරගත්ත දිනයෙන් පසු දවස් තුනක් ඇතුලත මහන්සිය නොබලා මම උපසිරැසි ගොනුව පරිවර්තනය කලා. මේ නිර්මාණය අපේ සහෝදරවරුත් මේ වෙද්දි නරඹලා ඇති කියලත් මම හිතනවා. කඩ්ඩ අවුලක් නැති සහෝදර සහෝදරියන්ට නම් මගේ උපසිරැසියෙ වටිනාකම අඩු වෙන්න ඇති. නමුත් මේ උපසිරැසිය මම නොමිලේම වෙහෙස මහන්සි නොබල ලබාදෙන්නෙ මේ නිර්මාණය හොඳට වැදෙන්න බලන්න ආස අස කඩ්ඩ බැරි නොබැරි අය ඔක්කොමලම වෙනුවෙන්. ඒ නිසා කථාවේ දෝෂ තියෙනවනං ඒ ගැන සමාව භාජනයකට දාල පැත්තකින් තියල කථාව රසබලන්න කියල මම හැමෝටම ආරාධනා කරනවා. කෝකටත් මේ පාර උපසිරැසි ගන්වද්දි ටිකක් වෙනස් විදිහකටයි මම උපසිරැසි ගැන්නුවෙ. වෙනස ඔයාලට බලාගන්න පුළුවන් වෙයි නිර්මාණය රසවිඳිද්දිThe Boss Baby නම් ත්‍රිමාණ සජීවීකරණ චිත්‍රපටය මුලින්ම තිරගත උණේ 2017 එනම් මේ වර්ෂයේ මාර්තු 12 මියාමි වල. ඊටපස්සේ එක්සත් රාජධානියෙදි 2017 මාර්තු 31 වෙනිදා තිරගතවෙනවා. මේ නිර්මාණය ටොම් මැක්ග්‍රාත් තමා අධ්‍යක්ෂණය කරන්නේ. මර්ලා ෆ්‍රාසී ගෙ The Boss Baby කෘතිය පදනම් කරගෙන තමා රැම්සි ඈන් නයිටෝ ගෙ නිෂ්පාදනයෙන් මේ චිත්‍රපටිය කල එලි බහින්නේ. ඉංග්‍රීසි භාෂාවෙන් මිනිත්තු 98ක් දිවෙන මේ චිත්‍රපටිය ඩොලර් මිලියන 467.9 ක බොක්ස් ඔෆිස් වාර්තාවක් තියල තියෙනවා. ඒ එයාල මේ නිර්මාණය වෙනුවෙන් කැපකරපු මුදල වගේ 3න් ගුණයකටත් වඩා ආදායමක් ලබල. මේ ඡේදය, ඒ අයව පොඩ්ඩක් අපේ සහෝලට මතක් කරල එයාලට උපහාරයක් ලබා දෙන්නයි.

දැන් කථාව දිහාවට හැරෙමු. මේ කථාව ඇත්තටම ගොඩක් අයට හාස්‍යජනක නිර්මාණයක්, පියවි ලෝකයෙන් එහා ගිය නිර්මාණයක් කියල හිතෙන්න පුළුවනි. ඒත් කථාව අවධානයෙන් බලන කෙනෙක්ට මේ කථාවෙන් ජීවිතයට ගන්න පුළුවන් හුඟක් දේවල් අන්තර්ගතවෙලා තියෙනවා. ලමයින් පාදක කරගත්තත් මේ කථාව ඇත්තටම අපිට ලොකු පාඩම් කීපයක් කියල දෙනවා. පොඩි උදව්වක් විදිහට කීපයක් ගත්තොත්.. මාර්ග නීති පිලිපැදීම, දිරිය අවශ්‍ය අයව දිරිගැන්වීම, උත්සාහයෙන් ජය ලැබීම, සහෝදර ප්‍රේමය වගේ තව ගොඩාක් දේ අන්තර්ගතයි මේ නිර්මාණයේ.

මේ කථාවෙ ප්‍රධාන චරිත තමා අය්ය මලෝ දෙන්නා. අය්යා තමා ටිම් කියන වයස අවුරුදු හතක.. නෑ.. හතාමාරක ලමයා.. එයා තමා වැඩිහිටියෙක් විදිහට ඉඳගෙන කථාව අපිට කියාගෙන යන්නේ. එයයි අම්මයි තාත්තයි විතරක් සතුටින් ඉන්න පවුලට එකපාරම මල්ලි කෙනෙක් පාත් වෙනවා. මල්ලි බබා පාත් උණාට පස්සෙ එයාට කලින් වගේ අම්ම තාත්ත එක්ක ඉන්න කාලය නැතිවෙනවා. මේකට අය්යා මල්ලි එක්ක කේන්තියෙන් ඉන්නෙ. ඔහොම ඉද්දි මේ අය්යට මල්ලිගෙ අමුත්තක් පේනවා. බබෙක් උණාට මල්ලි සාමාන්‍ය බබෙක් නෙවෙයි කියල එයා දැනගන්නවා. ඊට පස්සෙ ඉතිං….. එක්කො ඔයාල බලලම දැනගන්න.

කථාව නං කියන්න බෑ මෙහෙම. හුඟක් රසවත්. හුඟක් දේවල් තියෙනවා. කාලය මදි මේ හැමදේටම. දැන් නං ඇඟිලි ටික නෑ වගේ හැඟීමක් දැනෙන්නෙ ටයිප් කරලම. කී බෝඩ් එකේ අවුලක් නිසා සමහර කී උඩ පැන පැන ඔබන්න වෙලා. පසුපරික්ෂාවෙදි හමුනොවුණු ඉස්පිලි පාපිලි අකුරු මදිකම් තියෙන්න පුළුවන් ඒ නිසා. ඒවත් ගණන්ගන්න එපා. කට්ටියට ආසහිතෙන විදිහට මම උපරිමයෙන් චිත්‍රපටියට සාධාරණයක් කලා කියල හිතනවා. එහෙනං තවත් සුපිරි නිර්මාණයකින් නැවත හමුවෙනකං ඔක්කොලාටම ජය!