අමාරාට පහර දෙන්න හිතාගෙනයි හැමෝම ගියේ. ඒත් අන්තිමට වුණේ අමාරාට පහර දෙන්න ආපු හැමෝටම එයා පහර දුන්නා. ඒ විතරක්ද එයා දෙවියන්ට මැරෙන්න සිද්දවෙන්නම තදින්ම පහර දුන්නා. ඒකෙන් දැන් දෙවියන් මිය යමින් ඉන්නේ. මේ ආරංචිය හැම තැනකම පැතිරිලා හැමෝම කලබල වෙලා ඉන්නේ. ඒ මදිවට මේ නිසා ඉර ත් මිය යමින් ඉන්නේ. ඒ මොකද කිව්වොත් අදුර හා ආලෝකය නිසා තමයි මේ විශ්වය සමබර වෙලා තියෙන්නේ. දෙවියන් කියන්නේ ආලෝකය.ඉතින් මේ දෙකෙන් එකක් හරි විනාශ වෙනවා කියන්නේ අනිවාර්යෙන්ම සුර්යයා විනාශ වෙලා යනවා. අනික තමයි මේ ඇත්තටම මේ අමාරාට ඕනේ වුණේ දෙවියන්ගේ පළිගන්න. එයා හිතුවේ එහෙම කලාට එයාට සතුටක් ලැබෙයි කියලා. ඒත් එහෙම වුණේ නෑ. එයා හිතුවේ මේ දෙවියෝ මවපු දේවල් වලට එයා කැමති නෑ කියලා. ඒත් ඇත්තටම එයා කැමතියි. පුරා කොටස් විසි තුනක් පුරාවටම ඇත්තටම වෙලා තියෙන්නේ මේ දෙන්නා අතර තිබුණු කෝන්තරයක් ගැන. ඒ නිසාමයි මං අද අන්තිම කොටසේ මාතෘකාව ඔහොම දැම්මේ. අන්තිමට මේ දෙන්නා එකතු වෙලා අහසට මුසු වෙලා ටික කාලයකට යන්න යනවා. මේ දෙන්නව එකතු කරපු ස්තුතිය ලැබෙන්න ඕනා ඩීන්ට. නමුත් සෑම්, කැස්,ක්‍රව්ලි, රොවීනා මේ හැමෝම හිතන්නේ ඩීන් මැරිලා කියලා. මොකද අද කොටසේ වෙන්න ගියේ මරාගෙන මැරෙන මෙහෙයුමක්. ඒත් ඒක එහෙම වුණේ නෑ. එතකොට මොනාද වුණේ? තව ඩීන් හා සෑම් දෙන්නා කැමති දෙයක් අන්තිමට ලැබෙනවා. ඒ කවුද? ඒවගේම දොළොස්වන කතාමාලාවේ නපුරු දුෂ්ටයාගෙන් තමයි මේ කොටස අවසන් වෙන්නේ. ඒ කවුද? මේ ඔක්කොම දැනගන්න බලලම ඉන්නකෝ.
මේ වගේ සුපිරි කතාවක් දහවෙනි කතාමාලාව වෙනකන් කරගෙන ආපු MDG සහෝට, සමීර චතුරංග සහෝට ගොඩක් ස්තුතියි මට මේ කතාමාලාව කරන්න ලබා දුන්නට. ගොඩක් වෙලාවට මට නිතර නිතර හිතුන දෙයක් තමයි “මට MDG සහෝගේ කොලිටියම අරගන්න බැරි වුණා නේදෝ කියලා” ඒ අතරේ මට කතාව කරගෙන යද්දී තවත් උදව් ලැබුනා. එක යාළුවෙක් තමයි තිසර නියෝ. අනිත් කෙනා තමා ශාන් භාතිය. ඔය දෙන්නටත් ගොඩක් ස්තුතියි මට මේක කරන් යද්දී උදව් කලාට. අනිවාර්යෙන්ම මේකේ දොළොස්වන කතාමාලාව මේ වන විට CW වලින් නිල වශයෙන් තහවුරු කරලා ඉවරයි ලබන ඔක්තෝබර් මාසයේ විකාශය කරනවා කියලා. බොහෝවිට මං ඊලග කතාමලාවට උපසිරැසි කරන එකක් නෑ. ඒ නැති වුණොත් වෙන හොද උපසිරැසිකරුවෙක් උපසිරැසි ලබාදෙයි. ඒ කෙනාට උපරිම සහයෝගය ලබාදෙන්නයි කියලා මං ඔයාලගෙන් ඉල්ලනවා.
ගිහින් එන්නම් හැමෝටම ජයෙන් ජය.! සුභ සතිඅන්තයක් වේවා.!
“මෙම ලබා දී ඇති උපසිරැසිය HEVC සහ HDTV පිටපත් සදහා ගැළපේ”
472 downloads
<<Previous Episode All Episodes Next Eepisode >>