කොහොමද කට්ටියට ඉතින්..ඔන්න මගේ තුන්වෙනි උපසිරැසියත් අරන් ආවා. මේ පාර ගෙනාවේ දේශප්‍රේමීන් කණ්ඩායමක් ගැන කතාවක්. චිත්‍රපටය තිරගත වුනේ මේ අවුරුද්දේ මැයි මාසේ. අධ්‍යක්ෂනය කරලා තියෙන්නේ, අපි කවුරුත් හොඳින් දන්න චක් නෝරිස්ගේ පුත්‍රයා වන මයික් නෝරිස් විසින්.
හරි එහෙමනම් කතාවට බහිමුකෝ.. ලෝකේ ප්‍රධාන රටවල් වල නායකයකයෝ, “ස්ථාවර ලෝකයක්” කියලා සංකල්පයක් ගේනවා.(මේක දැනටමත් ඇත්ත ලෝකේ තියෙන සංකල්පයක්) කතාවට අනුව, මේ ලෝකෙට දරන්න පුලුවන් උපරිම ජනගහනය මිලියන 500 යි. ඒත් ලෝකේ ජනගහනය බිලියන 7 ත් ඉක්මවලා තියෙන නිසා, මොවුන් තීරණය කරනවා ඒ වැඩිපුර ජනගහන ලෝකයෙන් ඉවත් කරලා දාලා, ස්ථාවර ලෝකයක් ගොඩනගන්න. ඒ සඳහා ඔවුන් මුලින්ම තෝර ගන්නේ ඇමරිකාව. මොකද ඔවුන් විශ්වාස කරනවා ස්ථාවර ලෝකයක් ගොඩ නැගීමට ඇති ප්‍රධානම බාධකය තමයි, ශක්තිමත් ඇමරිකාව කියලා. ඒ නිසා ඔවුන් එක්සත් ජාතීන්ගේ මුවාවෙන්, අවුරුදු ගානක් තිස්සේ මේක සැලසුම් කරලා, ඇමරිකානු ජනාධිපතිවත් මේකට කැමති කරවාගෙන ඔහුගේ අනුදැනුම යටතේ, ඇමරිකාවේ ඉන්න මිනිස්සුන්ව මර්ධනය කරන්න තීරණය කරනවා. ඒ සඳහා ඔවුන් යොදා ගන්නේ EMPප්‍රහාරයක් හෙවත් විද්‍යුත් න්‍යෂ්ඨික ප්‍රහාරයක්. ඒ ප්‍රහාරය නිසා මුලු ඇමරිකාවෙම, ඒ වගේම ලෝකයේම, ඉලෙක්ට්‍රොනික් උපාංග ක්‍රියා විරහිත වෙනවා. විදුලිය ඇණ හිටිනවා, විදුලියෙන් ක්‍රියාත්මක වෙන ඔක්කොම ක්‍රියා විරහිත වෙනවා, මිනිස්සු ගොඩක් අසරණ වෙනවා. ඊට පස්සේ එක්සත් ජාතීන්ගේ මුවාවෙන් එන පිරිස, ඇමරිකාවේ මිනිස්සුන්ව මර්ධනය කරන්න ගන්නවා, ඔවුන් ඇමරිකානු හමුදාවට කියනවා, ඇමරිකානු මිනිස්සුන්ට වෙඩි තියන්න කියලා. කොහොම නමුත් මේ ක්‍රියාවලි වලට විරුද්ධව සුලු හෝ ප්‍රතිරෝධයක් දක්වන්න ටෙක්සාස් වල දේශප්‍රේමීන් කණ්ඩායමක් සමත් වෙනවා. ඔවුන් ඒ අයට විරුද්ධව සටන් කරන අයුරුත් ඇමරිකාව තුල අනාගතයේදී ඇති විය හැකි විශාල සිවිල් යුද්ධයක ඇරඹුමත්, මේ චිත්‍රපටයෙන් නිරූපණය කරලා තියෙනවා..
හරි එහෙනම්, කට්ටියටම ෆිලුම බලන්න කියලා ආරාධනා කරනවා, ඔයාලගේ දිරි ගැන්වීම් තවත් මේ වගේ නිර්මාණ කිරීමට බොහෝ රුකුලක් වේවි..
එහෙනම් නැවත හමුවෙනතුරු, කට්ටියටම ජය වේවා..!
Due to copyright issues, we do not provide any torrent links.
AmeriGeddon.2016.LIMITED.720p.BluRay.x264-ROVERS
මෙම ලබා දී ඇති උපසිරැසි ඉහත පිටපත සඳහා අදාළ වේ.
1505 downloads
