Image may be NSFW.
Clik here to view.
ටික දවසකට පස්සෙ මම ෆිල්ම් එකක් අරං ආව. මේ ෆිල්ම් එක අරං නම් ගොඩක් කල් වෙනව. ඒත් වැඩත් එක්ක හෙමිහිට කරන්න වුණේ තවත් හදිසි උපසිරසිත් තිබ්බ නිසා. ඒ වුණාට මේකත් ඉක්මනට දෙන්න තිබ්බ නම් කියල හිතුන. මොකද මේකත් පට්ටම ෆිල්ම් එකක් තමයි. රැප් වලට ආස අය අනිවා බලන්නම ඕන ෆිල්ම් එකක්. තවත් සබක් මේ ගමන්ම පටන්ගන්න තියෙන නිසා මම කෙටියෙන් කියන්නම් විස්තරේ. NWA කියන්නෙ ඇමරිකාවේ කැලිෆෝනියා වල කොම්ප්ටන් හි hip hop සංගීත කණ්ඩායමක්. මෙයාල මැරකල්ලි වල රැප් සංගීතයේ පුරෝගාමී කණ්ඩායම් වලින් එකක්. ඒවගේම අද ඉන්න බොහෝ රැප් කණ්ඩායම් මෙයාලගෙන් අභාෂය ගත්ත අය. Arabian Prince, Dr. Dre, Eazy-E, සහ Ice Cube කණ්ඩායමේ මූලිකයන් වන අතර DJ Yella සහ MC Ren පසුව එකතු වුණා. ඉතිං මෙයාලගේ රැප් සංගීතය ආරම්භ වුණේ කොහොමද? ආපු බාධක මොනවද කියල තමයි චිත්‍රපටිය පුරාම තියෙන්නෙ. IMDB අගය 8.0 ක් ගන්න සමත් වෙලා තියන මේ ෆිල්ම් එක බලන්න කියල ආරාධනා කරනව.
Eazy-E කියන්නෙ කුඩු ව්‍යාපාර කරන කෙනෙක්. Dr. Dre, Ice Cube දෙන්න සිංදු ලියන්න ට්‍රැක් හදන්න වගේ වැඩ දන්නා අය. මෙයාල කොහොම හරි අඳුරගෙන රැප් සිංදු කියනව. මෙයාලගෙන් ඊසි E ගායන කරල නෑ කලින්. ඉතිං කොහොමහරි කට්ටියගේ කීමට මෙයත් ගීතයක් කියනව. එතනින් පස්සෙ මෙයාලගේ තැටි බලං ඉද්දි ජනප්‍රිය වෙනව. ඒ විතරක් නෙවෙයි සමහරු නම් තැටි අරං පුච්චල විරෝධය පල කරනව. මෙහෙම ඉන්න අතරෙ තමා මෙයාලට අලුත් කළමණාකාර කෙනෙක් හම්බෙන්නෙ. ඉතිං මෙයත් එක්ක වැඩ කරගෙන යන්න E නම් කැමති වුණත් ටික කාලයක් යද්දි අනිත් අයට එපා වෙනව. එතනින් ආරම්භ වෙන NWA සංගීත කණ්ඩායමේ වෙන් වීම බිඳ වැටීම ලස්සනට චිත්‍රපටියට අරං තියනව. ඇත්තටම කිව්වොත්මම කරපු ඉංග්‍රීසි චිත්‍රපට වලින් වැඩිම ලයින් ගානක් තිබ්බේ මේකෙ. කොහොම හරි කථාව අන්තිම හරියට යද්දි හිතාගන්න බැරි විදිහේ දේවල් ටිකක් වෙනව. ඇත්තටම ගොඩක් ශෝක ජනක පැත්තකට යනව. ඉතිං ඒ මොකක්ද? කථාව අතරෙ රැප් ගීත කිහිපයකුත් අහන්න පුළුවන්. එහෙනම් වැඩිය කියන්නෙ නෑ. තවත් උපසිරැසියකින් හමුවෙමු. ජය වේවා!!!
Image may be NSFW.
Clik here to view.
Image may be NSFW.
Clik here to view.
Image may be NSFW.
Clik here to view.
