හැම දෙනාටම තෙරුවන් සරණයි! හැමෝම හොඳින් ඉන්නවා ඇති කියල හිතනවා, ඉතින් ලැබුවා වූ නව වසරේ ඔයාල හැමෝගෙම හැම බලාපොරොත්තුවක්ම ඉටු වෙන්න කියල ප්‍රාර්ථනා කරනවා, අළුත් අවුරුද්ද පටන් ගත්ත ගමන්ම Jackie Chan ගෙ ෆිල්ම් එකකට සබ් එකක් හදන්න හිතුන, ෆිල්ම් එක නං ඔයාල අනිවාරයෙන්ම බලල ඇති, කොහොම වුනත් දෙපාරක් බලන්න පුළුවන් ෆිල්ම් එකක්, මං ගිය අවුරුද්දෙ හදපු ජැකී ජෑන්ගෙ ෆිල්ම් එකේ සබ් එකට ස්තූති කරපු මගෙ සහෝදරයන්ටත් මේ වෙලාවෙ ස්තූතියි කරනවා, මේ ෆිල්ම් එකත් ජැකී ජෑන්ගෙ ෆිල්ම් වලින් ආපු සුපිරිම ෆිල්ම් එකක්, අයි.එම්.ඩී.බී. අගය 5.3 ක් විදිහට තමයි සටහන් වෙන්නෙ, ෆිල්ම් එක නිදහස් වෙලා තියෙන්නෙ 2002 අවුරුද්දෙ සැප්තැම්බර් මාසෙ 27 වෙනිද, ෆිල්ම් එක අධ්‍යක්ෂණය කරල තියෙන්නෙ Kelvin Donovan කියල කෙනෙක්, ඉතින් සබ් එකේ මොනවා හෝ අවුලක් තිබුණොත් ඔයාල හැමෝගෙන්ම සමාව ඉල්ලා සිටිමි.
ෆිල්ම් එකේ අභ්‍යන්තරය ගැන විස්තරයක් කියන්නම් මේ විදිහට, ෆිල්ම් එකේ හැටියට ජැකී ජෑන්ට කියන්නෙ ජිමී කියල, එයාගෙ වෘත්තිය තමයි ටැක්සියක් එළවන එක, ඉතින් කොහොම හරි මෙයා ඔහොම ඉන්න අතරෙ මෙයාට මුණ ගැහෙනවා කාන්තාවක්, ඇයට ආස හිතෙනවා මේ ජිමීගෙ ටැක්සි පැදවීමේ හැකියාවට, ඒ නිසා ඇය ඉහළ නිලධාරියෙක් ළඟ රැකියාවක් අරගෙන දෙනවා ජිමීට, ෆිල්ම් එකේ හැටියට ජිමීගෙ බොස්ට කියන්නෙ ක්ලාක් ඩෙව්ලින් කියල, ජිමීගෙ බොස් ළඟ තියෙනවා අධි තාක්ෂණික ඇඳුම් දෙකක්, ජිමී පස්සෙ තමයි දැන ගන්නෙ මේ ඇදුම් වලට ගොඩක් දේවල් කරන්න පුළුවන් කියල, කොහොම හරි ජිමීගෙ බොස්ට හදිසි අනතුරක් වෙලා රෝහල් ගත කරනවා, ඉතින් ඊට පස්සෙ ජිමීට සිද්ධ වෙනවා මේ ඇඳුම ඇඳල බලන්න, තව කෙනෙක් ඉන්නවා මේ ෆිල්ම් එකේ, එයා තමයි ෆිල්ම් එකේ දුෂ්ට චරිතය විදිහට රඟපාන්නෙ, ෆිල්ම් එකේ හැටියට එයාට කියන්නෙ බානින් කියල, මෙයා වතුර බෝතල් කරන ව්‍යාපාරයක් කරගෙන යනවා, ඒ අතරෙ එයා තව ව්‍යාපාරයක් කරගෙන යනවා, එයා හොයා ගන්නවා අලුත් බැක්ටීරියාවක්, එයා උත්සාහ කරන්නේ එම බැක්ටීරියාව මාර්ගයෙන් ලෝකය විනාශ කරන්න, ඉතින් ජිමීට ලොකු සටනක් දෙන්න වෙනවා බානින්ගෙ මේ උපක්‍රමය නතර කරන්න, හැම දෙයක්ම විස්තර කරන්නෙ නෑ, හරියටම මොකක්ද වෙන්නෙ කියල දැන ගන්න අපි ෆිල්ම් එක බලමු, ඉතින් නවතින්න කලින් අපි හැමදාම කියනවා වගේ, අපි හැමෝම ප්‍රාර්ථනා කරමු, සියළුම ජීවීන්ට යහපතක්ම වේවායි කියල!
“හරි ඉක්මනට මේ රෑ දවල් ගෙවිලා යනවා
ජීවිතය අවසන් වෙන්නේ හරිම වේගයෙන්.
උපන් සත්වයන්ගේ ආයුෂ ගෙවිලා යන්නේ
පුංචි දොළ පාරක ගලන වතුර ටිකක් වගේ.
එහෙත් පව් කරන මෝඩ ජනතාව
මේක තේරුම් ගන්නේ නෑ.
අන්තිමේදී දුක් විපාක විඳින්න
සිදුවෙන්නේ ඔවුන්ටමයි.
පාප කර්මයේ විපාකත් පාපීමයි.”
හේරඤ්ඤකානි නම් රහත් මුනිඳුන් වදාළ ගාථා
(ථේර ගාථා – බුද්දක නිකාය)
1890 downloads
