කණ්ඩායමේ කට්ටිය 2166ට එනවා සැවේජ්ව අල්ලගන්න. මොකද ඒ කාලේදී තමයි සැවේජ් ඉන්නව කියල හරියටම පැහැදිලි හෝඩුවාවක් තියෙන්නෙ. ඉතිං සැවේජ්ව අල්ලන්න යන ගමනේදී මෙයාලට සැවේජ්ට ගොඩක් කිට්ටු කෙනෙක් මුනුගහෙනවා. එයා කාන්තාවක්. මෙයා සැවේජ්ගෙ දුව කියල පස්සෙ හෙළි වෙනවා. එයා පැළඳගෙන ඉන්නෙ කෙන්ඩ්‍රා සහ කාටර් පළවෙනියටම මිය ගියපු දවසෙ කෙන්ඩ්‍රා පැළඳගෙන හිටපු වළල්ලක්. ඒ වගේම වැදගත්ම දේ තමයි කෙන්ඩ්‍රා සහ කාටර් පළවෙනියටම මිය ගියපු දවසේ තිබුන ද්‍රව්‍ය සැවේජ්ව ඝාතනය කරන්න පාවිච්චි කරන්න පුළුවන්. ඉතිං කණ්ඩායමේ මීළඟ අරමුණ තමයි මේ වළල්ල ලබාගන්න එක. මේ සියල්ලටම උදවු ගන්නත් එක්ක කණ්ඩායම යනවා මිත්‍ර පාක්ෂිකයන් කට්ටියක් හොයාගෙන. මෙයාල යන්නෙ එයාලට උදවු කරන්න. මොකද එයාලත් සැවේජ්ට විරුද්ධව එක්කාසු වෙන කණ්ඩායමක්. කොහොමහරි කණ්ඩායමේ කට්ටියට පුළුවන් වෙනවා සැවේජ්ගේ දුවව අල්ලගන්න. ඒවගේම එයාගෙන් වළල්ල හොරකම් කරගන්නවා. ඒ විතරක් නෙවෙයි ඒ වළල්ල උණු කරලා කාටර්ගෙ අත්මුගුරක ආලේප කරලා සැවේජ්ව මරන්න අවියක් පවා හදාගන්නවා. මේ දේවල් මෙහෙම සිද්ධ වෙන අතරෙ මිත්‍ර පාක්ෂික කඳවුරකට අති විශාල රොබෝ කෙනෙක් පහර දෙන්න එනවා. එයාලව බේරගන්න ඕන නිසා මාටින් කඳවුරේ මිනිස්සුන්ව යානයට නග්ගගන්නවා. කොහොමහරි මේ රොබෝව නවත්තන්න ඇටම් සූදානම් වෙනවා. ඒ ඇටම් සූට් එක පාවිච්චි කරලා වෙනදා පුංචි වගේම මේ සැරේ විශාල වෙන්නයි හදන්නෙ. ඒකට ටයිම් ඩ්‍රයිව් එකේ බලය තමයි පාවිච්චි කරන්නෙ. කොහොමහරි මේ අතරේ ස්නාර්ට්ට සැවේජ්ගෙ දුවට ඒත්තු ගන්වන්න සැවේජ් මොන වගේ දරුණු මිනිහෙක්ද කියල. මොකද මීට කලින් සැවේජ් එයාගෙ දුවට කියල තියෙන්නෙ ගොඩක්ම බොරු. ඒවගේම ඇටම්ට පුළුවන් වෙනවා අර විශාල රොබෝව පරාද කරන්න. ඒවගේම සැවේජ් සහ කණ්ඩායමේ අනිත් අය අතරෙත් සටනක් ඇති වෙනවා. පුදුම දේ තමයි කාටර් සැවේජ්ගෙ සෙබලෙක් වෙලා කණ්ඩායමට පහර දෙන එක. සැවේජ් කාටර්ගේ මනස වෙනස් කරලා. මේ නිසා සැවේජ්ව මැරුවොත් කාටර්ගෙ මතකය සම්පූර්ණයෙන්ම නැති වෙනවා. ඒ නිසා කෙන්ඩ්‍රාට සැවේජ්ව මරන්න පුළුවන් කම ලැබුනත් එයාව නොමරා යානයට ගෙනිහින් හිර කරන්න තීරණය කරනවා. එතනින් පස්සෙ කතාවට මොකද වෙන්නෙ කියල මේ කොටසින් බලමු. ඊළඟ කොටසින් හමුවෙනතුරු ජය වේවා!!!
2646 downloads
<< Previous Episode All Episodes Next Episode >>