කට්ටියට මාව මතකද දන්නේ නෑ. මම තමයි සෙන්ට්‍රල් නගරයේ වීරයා ෆ්ලෑෂ්.
අවුරුදු 5ක් අපායක හිටියට පස්සේ,
මම ආපහු ආවේ එක ඉලක්කයකටයි,
ඒ මගේ නගරය බේරාගන්නයි.
ඒ වෙනුවෙන් මට වෙන කෙනෙක් වෙන්න වුනා.
මට වෙන දෙයක් වෙන්න වුනා.
මට ග්‍රීන්…. o.O
හැ… සොරි. වැරදි දෙබසක් කියෙව්වේ. ලොකු නිවාඩුවක් ලැබුන නිසා ඔක්කොම ටැපලිලා. ඉතින් මේ නත්තල් නිවාඩුව නම් අපිට ගොඩක් සතුට නිදහස තිබුන නිවාඩුවක් වුනා. මොකද මාර්ඩන් එකපාරටම බන්ධනාගාරයට පැනලා එතන කුනාටුවක් ඇති කරලා ජෙසීවයි, ස්නාර්ට්වයි හිරෙන් නිදහස් කරගෙන ගිහින් තිබුනා. අපිට නම් මේ කට්ටිය මේ මොකාටද එන්නේ කියලා ලොකු ප්‍රශ්නයක් ආවා. ඒ වගේම පැටී මාර්ඩන් එක්ක තරහෙන් ඉන්නේ. මොකද එයාගේ තාත්තාට කරදර කරලා තියෙන්නේ එයා නිසා.
ඔය අතරේ හිරෙන් පැනලා ගිය ස්නාටර් මාව හොයාගෙන ආවා. ඒ විතරක් නෙවෙයි එයා මේ තුන්දෙනා එකතු වෙලා ලොකු දෙයක් කරන්න යනවා කියලා කිවා. හැබැයි ඒ මොකක්ද කියලා එයා පැහැදිලිව කිවේ නම් නෑ. ඒ වගේම එයා මෙහෙම ආවේ ඇයි කියලත් පැහැදිලි නෑ. එක පාරටම ඔන්න ජෙසි ලොකු පණිවිඩයක් තිබ්බා. ඒ එයාව මුණගැහෙන්න මට එන්න කියලා. ඉතින් එයා ඉන්න තැන හොයාගෙන එතනට යන්න ගියා. හැබැයි ඉතින් මට කලින් පැටිත් එතනට ඇවිත්. ඒ වෙලාවේ තමයි අපි දෙන්නට තේරුනේ අපි මේ ලොකු උගුලකට අහුවෙලා ඉන්නේ කියලා. වෙන මොකුත් නෙවෙයි අපි දෙන්නාව විනාශ කරන්න එතන බොම්බ අටවලා. හැබැයි ඉතින් මගේ බලේ නිසා බොහොම අමාරුවෙන් අපිට එතින් බේරෙන්න පුලුවන් වුනා.
ඔය සිද්දියෙන් පස්සේ මාර්ඩන් මාව මුණගැහෙන්න ආවා. මම එයාව අල්ලා ගන්න හදද්දි හිතාගන්නවත් බැරි දෙයක් එයා කිවා. එයයි ජෙසියි එකතු වෙලා බෝම්බ තැගි විදියට හදලා පොඩි ළමයි 100 දෙනෙක්ට දිලා. මම යටත් වුනේ නැත්නම් මේ සියදෙනා මරනවා කියලා කිවා. ඉතින් වෙන කරන්න දෙයක් නැතිම නිසා මම මාර්ඩන්ට යටත් වුනා. එයා මට හොදටම ගැහුවා. ඔය අතරේ සිස්කොයි හැරියි එකතු වෙලා ඒ බෝම්බ හැම එකක්ම විනාශ කරලා දැම්මා. ඒ නිසා මාර්ඩන්වයි ජෙසිවයි පරද්දන්න පුලුවන් වුනා. ඔය අතරේ එතනට පැටී ඇවිත් මාර්ඩන්ව මරලා දාන්න හැදුවා . බොහොම අමාරුවෙන් මම ගොඩක් දේවල් එයාට කියලා තමයි ඒ දේ නතර කරගත්තේ. ඔය අතරේ අපේ නත්තල් පාටිය ජෝගෙ ගෙදර අපි තිබ්බා. ඔය උත්සවයට අ‍පිත් එක්ක ඉන්න හැම කෙනාම ආවා. ඒ විතරක් නෙවෙයි තවත් අමුත්තෙකුත් ආවා. වෙන කවුරුත් නෙවෙයි මෙච්චරකාලයකට නෙදැන හිටපු ජෝගේ පුතා, එහෙමත් නැත්නම් අයරිස්ගේ මල්ලි ආවා. ඉතින් අපි හැමෝම එකතු වෙලා නත්තල් පාටිය හොදින් සැමරුවා.
2451 downloads
<< Previous Episode All Episodes Next Episode>>