කොහොමද කට්ටියට? මම මුලින්ම දුන්න, ඔයාල හැමෝම බොහොම ආදරයෙන් වැළඳගත්ත, ඛේදවාචකයකින් පසු ලෝකයක් ගැන කියවෙච්ච Revolution කතා මාලාවෙන් පස්සෙ තවත් එවැනිම ලෝකයක් ගැන කියවෙච්ච මේ කතාමාලාවේ තුන් වෙනි අදියරේ හැදින්වීමේ ලිපිය ලියන්නයි මම මේ සූදානම් වෙන්නේ. ලිපිය කියල කිව්වෙ මෙදාපාර උපසිරැසි දෙන්නෙ මම නොවෙන හින්දා.
අකමැත්තෙන් වුණත් බයිස්කෝප් සිංහලෙන් හා සමඟ ගත කළ මගේ සොඳුරු කාලයට සමුදෙන්න මට සිදුවෙනවා. ඉතින් මේ වෙද්දි මම බාරගෙන තිබ්බ ඒවා බෙදා දෙමින් තමා මම ඉන්නේ. ඉතින් මේ සුපිරි කතා මාලාව මුවින් නොබැන බාර අරගෙන මාව නිදහස් කරපු නිලුපුල් මල්ලිට මම අනේක වාරයක් ස්තූතිවන්ත වෙනවා.
මුල් අදියර දෙකේදී අපි හා එක්ව රසවින්ද ඔයාලා හැමෝටම මතක නම්, මේ කතා මාලාවේ පළවෙනි අදියර පටන් ගත්තේ 2014 මාර්තු මාසෙදි. ක්ලාක්ලා ඇතුළු පිරිස පෘථිවියට පැමිණිම හා භූමීවාසීන් හා කරපු සටන් අපි දැක්කා. දෙවෙනි අදියර 2014 ම ඔක්තෝබර් පටන් ගත්තා. ඒ වෙලාවේ හැප්පෙන්න වුණේ මවුන්ට් වෙදර් කට්ටිය එක්කයි. හැබැයි මෙදාපාර නම් පටන් ගත්තේ 2016 ජනවාරි මාසයේ 21 වෙනිදයි. ඒ වගේම මෙදාපාරත් කොටස් 16 කින්ම සමන්විත වෙනවා. ඉතින් මේ වෙද්දි මේ කතා මාලාවේ තෙවෙනි අදියර ගැන නියම ලිපියක් බයිස්කෝප් මංසලේ පළවුණා දකින්න ඇති. දැකපු නැති අයට මෙතනින් බලාගන්න පුළුවන්.
ඉතින් කලින් කිව්ව වගේම, මධුකප්‍රිය මල්ලි මෙදාපාර ගේන මේ කතා මාලාවේ තුන්වෙනි අදියරේදී මට දීපු සහයම්, ඔයාලා එයාටත් දේවී කියලා මම බලාපොරොත්තු වෙනවා. එහෙනම් අද ඉඳන් සති 16 ක් තිස්සෙ අපි ක්ලාක් ඇතුළු පිරිවරේ විස්කම් බලමු. එහෙනම් මම ගිහින් එන්නම්. ඔබට සැමදා ජය෴෴.
ලිපිය – රොයිලි ප්‍රනාන්දු.
කොහොමද ඉතින් කට්ටියට. රොයිලි අයියා ඉහත කිව්වා වගේම මම තමයි අද ඉදන් මේ කතාමාලාව ඔයාලට අරගෙන එන්නේ. සමහරවිට මට රොයිලි අයියගේ වේගයටම උපසිරසිදෙන්න බැරිවෙයි. නමුත් මම උත්සහ කරන්නම්කො ආපු දවසෙම දෙන්න. ඉතින් මම වැඩි යමක් නොකියා අද කොටසේ සිද්ද වෙන්නේ මොනවද කියලා කෙටියෙන්ම කියලා දාන්නම්කො.
ඔන්න ඉතින් ආක් මධ්‍යස්ථානයේ කට්ටිය එළියට යනවා යම් පරීක්ෂාවක් කරන්න. ක්ලාක්ව හොයන්නත් එක්ක තමා යන්නේ, එතනදී ජැස්පර් කෙලින පිස්සුවක් නිසා අයිස් ජාතීන් තුන්දෙනෙක්ව මරන්න වෙනවා. ඒවගේම හැම කෙනෙක්ම වගේ ක්ලාක්ව හොයනවා. වෙන දෙයකට නෙවේ ඇයව මරලා දාන්න. ඉතින් කේන් නායක ඇබිටත් හොරෙන් තමා ක්ලාක්ව හොයන්න යන්නේ. ආ ඒවගේම මතකනේ ජාහා ආලෝකයේ නගරය කියලා එකක් හොයාගෙන ගියා. පේන විදිහට ඔහු ඒක හොයාගෙන. ඒවගේම ඉතින් ටිකක් අමුතු දේවල් තමා එහෙ වෙන්නේ. හ්ම්ම් මෙච්චරම තමා කියන්නේ ඉතින්.
මම හිතනවා කට්ටිය රොයිලි අයියා එක්ක හිටියා වගේම මාත් එක්කත් රැදිලා ඉදියි කියලා. ඉතින් රොයිලි අයියා භාවිතා කළ විවිධ නම්ගම් සහ යෙදුම් මගේ තරමක් වෙනස් වෙන්න ඉඩකඩ තියෙනවා. එහෙම වුනා කියලා අවුලක් වෙන ඒකක් නැහැ කියලා හිතනවා. එහෙනම් ඉතින් කතාව ඔයාලට බාරයි.
706 downloads
<<Previous Season All Episodes Next Episode >>