සූම් ගැන තියෙන බය නිසා මට දැන් පැටීව මරනවා වගේ ගොඩක් නරක හීන පේනවා. ඒත් ඉතින් ඒ ගැන පැටීට මට කියන්න විදියක් නෑ. මොකද පැටී මම ෆ්ලෑෂ් කියලා තවම දන්නේ නෑනේ. කොහොම හරි මේ නිසාම අපි හිතනවා සූම්ව පරද්දන්න. එයාව පරද්දන්න කෙලින්ම බැරි නිසා අපි ටර්ටල් කියන මෙටා මිනිසාව පාවිච්චි කරන්නයි හදන්නේ. ඒ වෙනුවෙන් එයාව අල්ලාගන්න අපි හැදුවා. ඒත් ඒක කියන තරම් ලේසි වැඩක් නෙවෙයි. ඒ වගේම වොලී සෙන්ට්‍රල් ටවුන් එකට ආව නිසා ජෝ එයාට රෑ කෑමකට ආරාධනා කලා. හැබැයි ඉතින් එයා ඒකට ආවෙ නම් නෑ.
කොහොම හරි අපි ටර්ටල්ගේ ඊලග ඉලක්කය හොයාගත්තා. එයා කෞතුකාගාරයේ තියෙන වටිනා චිත්‍රයක් හොරකම් කරන්නයි හදන්නේ. ඒ මෙහෙයුම අතරේ මම හිතුවා පැටීට මං ගැන ඇත්ත කියන්න. ඒ නිසා එයාටත් එතනට එන්න කියලා කිවා. හැමදේම සාමාන්‍යයෙන් තියෙන වෙලාවේ ටර්ටල් එකපාරටම එතනට ඇවිත් එයාගේ බලය පාවිච්චි කරලා ඒ වටේ හැමදේම ස්ලෝ කලා. ඒ වෙලාවේ පැටී එයාගේ තුවක්කුවෙන් තියන්නයි හැදුවේ. ඒක දැක්ක ටර්ටල් තුවක්කුව අරගෙන පැටීට උඩින් තියෙන ලයිට් එකකට වෙඩි තියලා එයාගේ ඇග උඩට කඩලා දැම්මා. කොහොම හරි බොහොම අමාරුවෙන් මට එයාව බේරාගන්න පුලුවන් වුනා. හැබැයි පැටී දැක්කේ එයාව ෆ්ලෑෂ් බේරුවා කියලයි. හැබැයි වෙච්ච දේ ගැන පැටී එච්චර සතුටු නෑ. මොකද මම එතන එයාව තනියම දාලා ගියපු නිසා.
ඔය අතරේ ටර්ටල් පැටීගේ ගෙදරට ඇවිත් එයාව පැහැරගෙන යන්න ගිහින්. ඒ මොකද ෆ්ලෑෂ් එයාව බේරාගන්න ගොඩක් උත්සහ කරපු නිසයි. ටර්ටල් දන්නවා පැටීව ආරක්ෂා කරන්න ෆ්ලෑෂ් ඕනිම දෙයක් කරනවා කියලා. ඉතින් මේ මාර්ගයෙන් ෆ්ලෑෂ්ව පරද්දන්නයි එයා හදන්නේ. ටර්ටල් කරදරයක් කරන්න කලින් අපිට පැටීව බේරාගන්න පුලුවන් වුනා.
838 downloads
<< Previous Episode All Episodes Next Episode>>