සුභ උදෑසැනක් හැමෝටම. කොහොමද ඔයාලට? සැපෙන් සනීපෙන් ඉන්නවා ඇති කියලා හිතනවා. නැත්නම් ඔහොම ආතල් එකේ ෆිලුමක් බලන්න කියලා බයිස්කෝප් එකට එන්නෑනෙ නේ.. මං මුලින්ම කියන්නම් මමත් ඔයාලා වගේම ෆිල්ම්වලට සබ් ගන්න තමයි ඉස්සර ඉදන් මේ සයිට් එකට ආවේ. පස්සේ මටත් හිතුණා උපසිරැසියක් කරන්න. ඒකට මේ ආව නිවාඩුවත් උදවුවක් උනා. එහෙම නැත්නම් ඔෆිස් එකේ වැඩත් එක්ක වෙන වැඩකට අතගහන්න හිතෙන්නෙම නෑනේ. මං මුලින් හිතාගෙන හිටියේ දවස් තුනට ෆිල්ම් තුනක් කරන්න. පස්සෙයි වැඩේ එච්චර ලේසි නැතිබව තේරුනේ. කමක් නෑ ඉතින්. මේ පටන්ගැන්මනේ.. ඉස්සරහට වේගෙ වැඩිකරගමු. නිදහස් වෙලාව ගොඩක් අඩු උනත් මේකෙන් පස්සේ මං හිතාගත්ත, වෙලාවක් තියෙන හැමවෙලාවකම තවත් උපසිරැසියක් ගොඩදාගන්න. ඔයාලත් උත්සහ කරලා බලන්න. එතකොට ඔයාලත් වැඩේට ආසවෙලා දිගටම කරයි.
හොඳයි, මගෙ මුල්ම උපසිරැසිය විදියට මං ඔයාලට ගේන්නේ මේ ෆිලුම. මේක නාට්‍යමය කාණ්ඩයට අයිති වෙන්නේ. මේ ෆිලුම සිනමා උළෙලවල් 14කට යෝජනා වෙලා තියෙනවා වගේම ඒවගෙන් 10කදිම සම්මානයෙන් පිදුම් ලබලා තියෙනවා. රේටින්ග්ස් 6/10ක් ලැබිල තියෙනවා මේකට. මෙම චිත්‍රපටය බ්‍රිඩ්ජ්එන්ඩ් කවුන්ටි, වේල්ස් වල සිදුවූ සත්‍ය සිදුවීම් පදනම් කරගෙන තමයි නිර්මණය කරලා තියෙන්නේ. ඩෙන්මාර්ක චිත්රපට නිශ්පාදක Jeppe Rønde වසර හයක් ප්‍රදේශයේ ඉදලා කතාවේ තිර රචනය ලියලා තියෙනවා.. නළු නිලියන් ලෙස Hannah Murray, Josh O’Connor, Adrian Rawlins යන අය රංගනයෙන් දායක වෙනවා. මෙම චිත්‍රපටය සියදිවි නසාගැනීම් අතර අඳුරේ ඉතිරි වී සිටින අවදානම් යෞවනයන් හා ඔවුන්ගේ දෙමාපියන් අතර ඇති සම්බන්ධය කෙරෙහි අවධානය යොමුවන සම්මුති විරහිත කතාවක්.
ඉතින් කිවුව වගේ කතාව පටන්ගන්නේ සාරා සහ ඇගේ තාත්තා ඩේව් අර කිවුව පැත්තට යනවා. තාත්ත පොලිස් පරීක්ෂක කෙනෙක්. එහෙදි සිද්දවෙන සියදිවි හානිකර ගැනීම්, අබිරහස් මරණයන් හා සාරා සහ ජැමීගෙ සම්බන්දය වට කතාව ගෙතෙනවා. ඒ පැත්තට වෙලා තියෙන්නේ මොන වගේ දෙයක්ද, සාරාට හා එයාගේ තාත්තට මොනාද වෙන්නේ, එහෙ තරුණ තරුණියන්ට මොකද වෙලා තියෙන්නේ කියල දැනගන්න ඔයාලත් මේ ෆිලුම අරගෙන බලන්න. බැලුවා කියලා ඔය ගෙදර තියෙන අනංමනං අටවාගෙන එල්ලෙන්න නම් එපා ඕන්න.
එහෙනම් තවත් උපසිරසියකින් හමුවෙමු. ම්..තව දෙයක්, සමහර දර්ශන නිසා මේ ෆිලුම ලොකු අය විතරක් බලනවනම් හොඳයි. අඩුපාඩු නම් ගොඩක් ඇති. අනිත් එකේදී හදාගන්න, යන ගමන් කමෙන්ටුවක් දාගෙන යන්න. ස්තූතියි.
Due to copyright issues, we do not provide any torrent links.
Bridgend.2015.1080p.WEB-DL.DD5.1.H264-RARBG
මෙම ලබා දී ඇති උපසිරැසි ඉහත පිටපත සඳහා අදාළ වේ.
199 downloads
