ආයුබෝවන් යාලුවනේ. ඔන්න ඉතින් මම මගේ අනු හත්වන උපසිරැසිය අරගෙන ආව. මේ චිත්‍රපටයේ නම දැක්ක ගමන් ඉතින් ඔය පොත්පත් කියවන යාළුවන් නම් දන්නවා කතාව මොකක්ද කියල. එච් රයිඩර් හැගාර්ඩ් කියන සුප්‍රසිද්ද නවකතා කරුවා විසින් රචනාකරපු King Solomon’s Mines නවකතාව ආශ්‍රයෙන් නිර්මාණය කරන ලද චිත්‍රපටයක් මේක. ඔයාල දන්නවා මේ සොලමන් රජුගේ දියමන්ති ආකර කියන්නේ බොහෝ දෙනා අහල තියන ඇලන් ක්වාර්ටමේන් කියන චරිතය ලොවට බිහිකරපු නව කතාව කියල. ටාර්සන් චරිතය වගේම නවකතා රසිකයන් අතර ඇලන් චරිතය ජනප්‍රිය වෙලා තියනවා. අප්‍රිකාව මුල් කරගත් දඩයක්කාරයෙක් ගේ චරිතයක් වෙන මේ චරිතය ආශ්‍රයේන් මින්පසු පොත් ගණනක් රචනා උනා. චිත්‍රපටද දොළහක් මේ වනවිට නිර්මාණය වෙලා තියනවා. ඒ වගේම ඔයාලට මේ චිත්‍රපටයට සම්බන්ද නවකතාව පවා සිංහලෙන් කියවන්න අවස්ථාව තියනවා.
චිත්‍රපටය ගැන කතා කරනවා නම් මේකේ ඇත්තටම නවකතාවේ සුළු වෙනස් කමක් කරලා තමා නිර්මාණය කරලා තියෙන්නේ. ඒ උනත් දැනට නිර්මාණය වෙලා තියන ඇලන් ක්වාර්ටමේන් හොඳම චිත්‍රපට කිහිපයෙන් එකක් කියල හඳුන්වන්න පුළුවන් මේක. ඇත්තටම කොටස් දෙකකින් යුක්ත රුපවාහිනී කතාමාලාවක් විදියට පළමුව එළිදක්වුවත් පසුව කොටස් දෙක එකතු කරලා ඒක චිත්‍රපටයක් විදියට ආවා. මම මේ ඔයාලට උපසිරසි කරන්නෙත් අන්න ඒ කොටස් දෙක එකතු කර නිර්මාණය කරපු චිත්‍රපටයකට. ඒ හින්ද පැය එකහමාරක් ගියාම ඔයාලට අවසන් නම් ලිස්ට් එක දක්නට ලැබේවි. එත් නැවතත් අලුත් කොටස ඒ ගමන්ම පටන් ගනීවි. මම උපසිරැසිය හරියට ටයිම් ලයින් වලට නිර්මාණය කරලා තියන හින්ද ඔයාලට ඒක ගැටළුවක් වෙන්නේ නැ. ඉතින් මෙන්න IMDb 6 වෙච්ච මෙම චිත්‍රපටය දැන් ඔයාලට පලවෙනි වතාවට සිංහල උපසිරසි සහිතව බලන්න අවස්ථාව.
කතාව ගැන කියනවා නම් සොලමන් රජුගේ දියමන්ති ආකර සොයන්න යන මහාචාර්යවරයෙක් ඒක හොයා ගන්නවා. එත් රුසියානු කණ්ඩායමක් සහ අප්‍රිකානු ගෝත්‍රයක් ඒක පැහැරගන්න උත්සාහ ගන්නවා. ඒ හින්ද ඔහු කරන්නේ සිතියමක් ඇඳලා තමන්ගේ දුවට යවනවා. පස්සේ ඒ සිතියම ගන්න අප්‍රිකානු ගෝත්‍රිකයන් පිරිසක් ඔහුව පැහැරගන්නවා. ඉතින් එයාව හොයාගෙන එයාගේ දුව ඇලන් ක්වාර්ටමේන් සමග යන ගමන තමා මේ චිත්‍රපටයේ පෙන්වන්නේ. ඔවුන්ට මුහුණ දෙන්න වෙන කරදර සහ පොඩි ආදර අන්දරයක් තියනවා කියල කියන්නත් ඕන.
මම ඊළඟට අරන් එන්නේ ඇනිමේෂන් චිත්‍රපටයක්. ඉතින් එකත් අරගෙන එනවා කියන ගමන් සමුගන්නවා.
බුදු සරණයි…
Due to copyright issues, we do not provide any torrent links.
King.Solomon’s.Mines.2004.720p.BluRay.x264-[YTS.AG]
King.Solomon’s.Mines.2004.1080p.BluRay.x264-[YTS.AG]
මෙම ලබා දී ඇති උපසිරැසිය ඉහත පිටපත් සඳහා අදාළ වේ.
137 downloads
