දශක ගණනාවක් පුරාවට, විවිධාකාරවූ චිත්‍රපට තුලින් තම රංගන කෞශල්‍ය විදහා පාමින්, ලොකු-කුඩා, බාල-මහලු කා අතරත් එකසේ ජනප්‍රිය වුණු රංගන තාරකාවක් තමයි, ජැකී චෑන් කියන්නෙ. එසේනම්, මේ සූදානම් වෙන්නේ, සුවහසක් සිනමා ලෝලීන් විසින් ආදරයෙන් වැළඳගත්, මෙම හරි අපූරු රංගන ශිල්පියාගේ නවතම සිනමා සංක්‍රාන්තිය ඔබ හමුවේ ගෙනහැර පෑමටයි.
2016 වර්ෂයේ දෙසැම්බර් මස 23 වෙනි දින, චීනයේදී නිල වශයෙන් මහජන ප්‍රදර්ශනය සඳහා නිකුත් වූ මෙම චිත්‍රපටය, මේ සටහන ලියන මොහොත වනවිට Imdb දර්ශකයේ 6.0 ක අගයකින් සමන්විත වන අතර, ඇමරිකානු ඩොලර් මිලියන 50 ක බරපැනක් දරමින් නිෂ්පාදනය වුණා වූ මෙම සලරුව, ඇමරිකානු ඩොලර් මිලියන 103 ක බොක්ස් ඔෆිස් ආදායම් වාර්තාවක් පිහිටුවීමට සමත්වී තිබෙනවා. එමෙන්ම, Little Big Soldier (2010), He-Man (2011), Police Story (2013) සහ Saving Mr. Wu (2015) වැනි සුවිශේෂී නිර්මාණයන් අධ්‍යක්ෂණය කරන ලද, Ding Sheng විසින් තමයි මෙම චිත්‍රපටය අධ්‍යක්ෂණය කරනු ලබන්නේ.
ඒ, 1941 වර්ෂයයි. ජපනුන් විසින් චීන අධිරාජ්‍යය ආක්‍රමණය කර ඇති අතර, ජපන් හමුදාවේ කුරිරු පාලනය හමුවේ, සමස්ථ චීනයම පීඩාවට පත්වෙමින් සිටියාවූ සමයයි. හමුදා බලය සහ ආයුධ බලය අතින් වඩාත් ඉදිරියෙන් සිටියාවූ ජපන් හමුදාවට අභියෝග කිරීමට තරම්, චීන හමුදාව ශක්තිමත් වූයේ නැහැ. මේ නිසාම, චීන වැසියන්ව තමන්ට රිසි සේ තලා පෙලා, වැඩ කරගැනීමට ජපන් හමුදාව පසුබට වූයේ නැහැ. නිමක් නොමැති දුක් කම්කටොලු හමුවේ, තව දුරටත් ඒවා විඳ දරාගත නොහැකි වූ චීන සිවිල් වැසියන් පිරිසක් විසින් කණ්ඩායමක් සාදාගෙන, රහසිගත ලෙස, ජපන් හමුදා දුම්රිය කොල්ලකෑමට පටන් ගන්නවා. නමුත්, එක්තරා දිනකදී, කිසිවෙකුත් නොසිතූ අයුරින්, ජපන් හමුදාවට දැඩි ලෙස පහර දීමට අවස්තාවක් මොවුන් හට උදාවෙනවා. අතිශය දියුණු අවි ආයුධ වලින් සන්නද්ධ වූ, ප්‍රබල හමුදා බලඇණියක් සහිත ජපනුන් හට පහර දීමට, සාමාන්‍ය චීන වැසියන් කණ්ඩායමකට හැකියාව ලැබේවිද?
කැමති අය අරගෙන බලන්න. ජැකී චෑන්ගේ චිත්‍රපට මොන වගේද කියලා මං අමුතුවෙන් විස්තර කරන්න ඕනේ නැහැයි කියලා හිතනවා. මොකද, ඒ තරමටම අපේ හදවතට සමීප රංගන ශිල්පියෙක් තමයි ජැකී චෑන් කියන්නෙ. ඒත්, මගේ පෞද්ගලික අදහස නම්, Dragon Blade (2011) චිත්‍රපටයෙන් පස්සේ, රසවිඳින්න පුළුවන් මට්ටමක චිත්‍රපටයක ජැකී චෑන් රංගනයෙන් දායක වුනේ නැහැයි කියන එකයි.
එහෙනම්, ගිහිල්ලා එන්නම්. ඉක්මණටම නැවත හම්බෙමු. එතකම් හැමෝටම ජයවේවා!!!
Due to copyright issues, we do not provide any torrent links.
Railroad Tigers (2016) 720p BRRip 1GB – MkvCage
ලබා දී ඇති උපසිරසි සියලුම BR පිටපත් සඳහා අදාළ වේ.
125 downloads
