ඔන්න ටික කාලයකට පස්සෙ ආයෙත් ඔයාලට උපසිරසියක් අරගෙන ආවා. වෙන ෆිලුමක උපසිරසියක් කරන ගමන් සිසිල ප්‍රසාද් අයියගෙන් “අයියෙ උපසිරසියක් කරන්න හොඳ ෆිලුමක් නැද්ද?’ කියල ඇහුව විතරයි මෙන්න අනික් පැත්තට මට කියනවා “මල්ලි හොඳ ෆිලුමක් නම් තියනවා කැමති නම් බාරගෙන කරන්න කියල.” ඉතින් එතනින් පටන්ගත්තු වැඩේ තමයි අවසන් කරල ඔයාලට අද අරගෙන ආවෙ. ඇත්තටම මේ උපසිරසිය කරන්න බාරගත්තු තැන ඉඳන් අවසන් කරන තැන දක්වා සම්පූර්ණ ස්තුතිය හිමිවෙන්න ඕන සිසිල අයියට තමයි. මොකද කියනව නම්, උපසිරසිය කරන් යද්දි මට සිංහලට ගළපගන්න බැරි දෙබස් බොහොමයක් ගළපල දුන්නෙ සිසිල අයියා. ඒ වගෙම කලින් මේ වගේ ෆිලුමකට මම උපසිරසි ලබාදීල නොතිබුණ නිසා මං නොදන්න ගොඩක් දේවල් කියල දුන්නෙත් සිසිල අයියම තමයි. ඉතින් මුලින්ම ඒ ගැන මතක් නොකළොත් මදිකමක් වගේ දැනුණු නිසයි මේ දේවල් කියලම පටන්ගත්තෙ. ෆිල්ම් එක බාරගෙන ටික කාලයක් වුණත් ටිකක් සංකීර්ණ දෙබස් ගළපල උපසිරසිය ඉවර කරගන්න පොඩි කාලයක් ගතවුණා. ඒ වගෙම පොඩි පොඩි අඩුපාඩුත් ඇති ඉතින් ඒ ගැන සමාවෙන්න.
ඉතින් අද මම ඔයාලට අරගෙන ආවෙ මේ අවුරුද්දෙ තිරගත වුණු Drama | War කියන ගණයන්ට අයිතිවෙන සුපිරිම ෆිල්ම් එකක්. ෆිල්ම් එක මුලින්ම තිරගත කිරීම ආරම්භ කළේ 2017 අප්‍රේල් 21 ඇමෙරිකාවෙදි. සත්‍ය සිදුවීම් පාදක කරගෙන නිර්මාණය කරල තියන මේ චිත්‍රපටය අධ්‍යක්ෂණය කරල තියෙන්නෙ Fernando Coimbra නම් අධ්‍යක්ෂවරයා විසින්. තිර පිටපත Chris Roessner ගෙන්. ඒ වගෙම මේ චිත්‍රපටයට Henry Cavill (DC හිතවතා සුපී), Tommy Flanagan, Nicholas Hoult, Logan Marshall-Green, Glen Powell, Beau Knapp, Neil Brown Jr. කියන රංගන ශිල්පීන් තම රංගනයෙන් දායක වෙලා තියනවා. චිත්‍රපටයේ රූගත කිරීම් සිදුකරල තියෙන්නෙ ජෝදාන් වලදි. Mark Gordon Company, TheTreehouse Pictures, International Traders යන සමාගම් චිත්‍රපටයේ නිෂ්පාදන කටයුතු වලට තම දායකත්වය ලබාදීල තියනවා. ඉතින් IMDb මීටරය 6.4 ක් වූ ඉහළ අගයකට කරකවන්න සමත් වුණු මේ සලරුව ලොව පුරා බෙදාහැරීම සිදු කරල තියෙන්නෙ අපි කවුරුත් දන්න Netflix නාලිකාව මඟිනුයි.
හරි එහෙනම් අපි කතාව පැත්තට යමු. අද මම නම් නෙවෙයි කතාව ගැන විස්තරේ අරගෙන එන්නෙ. ලිපිය ලියල දෙන්න කිව්වම ගොඩක් කාර්‍යබහුල වෙලා හිටියත් බෑ නොකිය සිසිල අයියා ඒ වැඩෙත් කරල දුන්න. එහෙනම් සිසිල අයියගෙ වචන වලින් කතාව ගැන හැඳිවීමක් තමයි පහළින් තියෙන්නෙ..
යුද්ධය! මනුෂ්‍ය වර්ගයාගේ බිහිවීමත් සමගින්, ඔවුන්ගේ සිත් තුල හටගන්නාවූ එකිනෙකට වෙනස් නොගැලපෙන සිතුවිළි සහ ක්‍රියාදාමයන් සමුදායන්ගේ උච්චතම අවස්ථාවන්හි ඵල විපාකයක් ලෙස යුද්ධය හඳුන්වාදිය හැකියි. ලෝකය ආරම්භයේ පටන්, මේ දක්වා වූ කාල සීමාවේදී, අනන්ත අප්‍රමාණ වූ යුද්ධයන්, මේ මිහිතලය මත සිදුවී තිබෙනවා. මේ යුද්ධයන් නිසාවෙන් අහිමි වූ ජීවිත සංඛ්‍යාව සහ විනාශ වූ දේපළ හානි සංඛ්‍යාව ගිණිය නොහැකි තරම් වෙනවා. මේ සා විශාල ජීවිත සංඛ්‍යාවක් අහිමි වූ සහ දේපල හානියක් සිදුවූ යුද්ධයක් ලෙස, ඉරාක – ඇමරිකා යුද්ධය හඳුන්වාදිය හැකියි. අවසානයේ, ඇමරිකානු ප්‍රහාර හමුවේ පරාජය පිළිගනු හැරෙන්නට, අන් කිසිඳු විකල්පයක් ඉරාකය සතු වූයේ නැහැ. ඇමරිකානු හමුදා, ඉරාක භූමියට ඇතුල් වුණා. ඉරාක භූමියේ බලය අත්පත් කරගත්තා. නමුත්, සමස්ත බලය නම් නෙමෙයි…
ඇමරිකානු හමුදා පාලනය යටතේ පැවති ඉරාක භූමිය තුළ බොහෝ වශයෙන් ගරිල්ලා සටන්කාමින් සිටියා. මෙම සටන් කාමීන් සහ ඇමරිකානු හමුදා අතර පැවති සටනක අතුරු ඵලයක් ලෙසින් එක්තරා ප්‍රදේශයක ජල පොම්පාගාරයක් විනාශ මුඛයට පත්වෙන අතර, මෙම විනාශයට පත්වූ ජල පොම්පාගාරය අලුත්වැඩියා කරමින්, එයට ආරක්ෂාව සපයමින්, අදාළ ප්‍රදේශයේ සිවිල් වැසියන් හට ජලය බෙදාහැරීම සඳහා ඇමරිකානු සේනාංකයක් අදාළ ප්‍රදේශයට පිටත්කර හරිනවා. බැලූ බැල්මට ලේසි පහසු මෙහෙයුමක් සේ දිස් වූවත්, මෙය කිසිසේත්ම ලේසි පහසු වෙන්නේ නම් නැහැ. ජීවිත කීපයකින්ම වන්දි ගෙවීමට ඇමරිකානු සෙබළුන්ට සිදුවෙනවා. අවසානයේ කුමකින් කුමක් සිදුවේද? සියල්ල නරඹන ඔබ සැමට බාරයි…
“ඇමෙරිකාවෙන් මෙහෙට ඇවිත් උදව් කරනව කියල කියනවා, ඒත් ඔයාල ආපහු ගියාම, මොකක්ද සිද්ද වෙන්නෙ..”
– ෂෙයික්.
~~MAY WE MEET AGAIN~~
~~අපි නැවත හමුවේවි~~
Due to copyright issues, we do not provide any torrent link.
Sand.Castle.2017.NF.720p.WEBRiP.999MB.ShAaNiG
මෙම ලබා දී ඇති උපසිරසි ඉහත පිටපත සඳහා අදාළ වේ.
39 downloads
