කොහොමද ඔයාලට? අවුරුදු නිවාඩුවෙන් පස්සේ ඔන්න පළවෙනි සබ් එක අරගෙන මම ආවා. අපි වගේම ෆ්ලෑෂුත් අවුරුද්දට නිවාඩු ගත්තානේ නේද? කට්ටියට කලින් මොකද වුනේ කියලත් අමතක ඇති. මුලින් අපි කලින් කොටසේ වුන දේවල් මතක් කරගෙන ඉමු.
සූම් කියන්නේ ජේ කියලා ෆ්ලැෂ් ටිම් එකට දැනගන්න ලැබුනානේ. ඉතින් මේකට නම් බෙරීට ගොඩක් අවුල් ගියා. මොකද එයා ජේව ගොඩක් විශ්වාස කලා වගේම එයත් එක්ක ගොඩක් හොදින් වැඩ කරපු නිසා. ඉතින් වෙන කාටත් වඩා බෙරීට මේ ගැන අවුල් වගේම ගොඩක් තරහයි. ඉතින් බෙරී සූම්ව හොයාගෙන විනාශ කරන්න කලින්ටත් වඩා උනන්දු වෙනවා. ඒ වෙනුවෙන් එයා හදන්නේ එයාගේ වේගය වැඩි කරන්න විදියක් හොයාගන්නයි. හැබැයි ඉතින් මොනවා කලත් එයාට එයාගේ වේගය වැඩිකරගන්න පුලුවන් විදියේ ක්‍රමයක් මුණගැහෙන්නේ නෑ. කේට්ලන් කියන විදියට නම් රිවස්ෆ්ලෑෂ්, සුම්, වගේම බෙරිත් එකම වේගයෙන් තමයි කකුල් වැඩ කරවන්නේ. ඒත් මොකක් හරි ප්‍රශ්නයක් නිසා බෙරීගේ වේගය අඩුවෙලා කියලා.
ඉතින් මේක විසදාගන්න බෙරීට අමුතුම අදහසක් එනවා. ඒ වෙන මොකුත් නෙවෙයි අතීතයට ගිහින් පරණ ඩොක්ටර් වෙල්ස්ව මුණගැහිලා එයාගෙන් වේගය වැඩිකරගන්න විදියක් එයාගෙන් අහන්නයි. හැරි නම් මේකට කැමති වෙන්නේ නෑ. හැබැයි ඉතින් බෙරී කොහොම හරි අතීතයට යනවා. ඒ වුනාට කලින් සැරවලට වඩා මෙයාට වෙන දේකට මුහුණදෙන්න වෙනවා. ඒ නිසා බෙරී යන්න හිටපු වෙලාවට පහු වෙලාවකට වැටෙනවා. එයා වැටෙන්නේ හාර්ට්ලිව අල්ලාගන්න හදන වෙලාවෙයි. කොහොම හරි අතිත ෆ්ලෑෂ්ගේ සිහිය නැති කරලා බෙරී ඒ වැඩේ කරනවා. ඒ වගේම හාර්ට්ලිගේ කනේ තියන බෝම්බය ගැනත් මෙයාලට කියනවා. ඊට පස්සේ බෙරී හැරිගෙන් එයාගේ වේගය වැඩි කරගන්න තියෙන වේග සමිකරණය ගැන විස්තර අහනවා.
ඔය වෙලාවේ CCPD එකට ප්‍රහාරයක් එල් වෙනවා. අමුතුම සතෙක්ගෙන්. සතෙක් කිවට ඒකා භූතයෙක් වගේ. කොහොම හරි කාටවත් තුවාලයක් නම් වෙන්නේ නෑ. හැබැයි ඉතින් මේ මොකාද කියලා කවුරුවත් දන්නෙත් නෑ. මේ වෙලාවේ තමයි හැරීට බෙරී ගැන සැකයක් හිතෙන්නේ. ඉතින් හැරි බෙරීට පහර දිලා එයාව ටයිම් වොලට් එකේ කොටු කරනවා. මුලින් නම් බෙරී පිලිගන්නේ නෑ. හැබැයි කොහොම හරි එයාට පිලිගන්න වෙනවා. ඒ වගේම අර අමුතු සතා කාල භූතයෙක් කියලා වෙල්ස් කියනවා. බෙරී කාලය හරහා ආපු නිසාලු මේ භූතයා ඇවිත් තියෙන්නේ. ඒ භූතයා නැති වෙන්නේ බෙරීව මැරුවාට පස්සෙලු. ඔය අතරේ ඒ භූතයා ස්ටාර් ලැබ් එකටත් පහර දෙනවා. ඒ වෙලාවේ හාර්ට්ලි හිටපු නිසා ලැබ් එකේ අයට බේරෙන්න පුලුවන් වෙනවා. හැබැයි ඉතින් බෙරීටවත් වෙල්ස්ටවත් මෙයාලට උදව් කරන්න එන්න වෙන්නේ නෑ.
ඔයවෙලාවේ තමයි අතිතයේ බෙරීත් ලැබ් එකට එන්නේ. ඒ වෙලාවේ එතන හැමෝටම ඇත්ත කතාව බෙරීට කියන්න වෙනවා. ඉතින් මේ හැමදේකින්ම බේරෙන්න වෙල්ස් බෙරීට සමීකරණය විසදන විදිය කියලා දෙනවා. ඊට පස්සේ බෙරී අනාගතයේ හරි වෙලාවට යනවා. ඒ වෙලාවේ කාල භූතයා එයාගේ පස්සේ ආවත් ඒකව විනාශ කරන්න පුලුවන් වෙනවා. අතිතයේ වුන දේවල් නිසා හාර්ට්ලි මෙයාලත් එක්ක වැඩ කරන්න පටන්ගෙන වගේ.
ඉතින් වේගය වැඩි කරගත්තට පස්සේ බෙරී මොන වගේ දෙයක් කරයිද කියලා මේ කොටසින් බලාගමු.. . . ^_^
තවත් උපසිරසියකින් හමුවෙනකන් ඔයාලා හැමෝටම ජය… . . !
1492 downloads
<< Previous Episode All Episodes Next Episode>>