ඉතින් කොහොමද යාළුවනේ? ඔන්න ගොඩාක් කාලෙකට පස්සෙ මේ අවුරුද්දේ පළවෙනි වතාවට මම සුපිරි චිත්‍රපටියකට උපසිරසියක් අරගෙන ආවා. මුලින්ම මට මේ උපසිරසිය කරන්න අවස්ථාව ලබාදුන්න ශාන් විමුක්ති සහෝදරයට ගොඩාක් ස්තූතිවන්ත වෙනවා. ඉතින් වැඩ අස්සේ ඉක්මන්ට කරගන්න පුලුවන් වුන එක ගැන සතුටක් තියෙනවා.
2016 අප්‍රේල් 22 වෙනිදා ඇමරිකාවේදි තිරගත වීමට පටන් ගත්ත මිනිත්තු 89 පුරාවට දිවෙන මේ චිත්‍රපටිය අධ්‍යක්ෂණය කරලා තියෙන්නේ Max Adams කියන අධ්‍යක්ෂවරයා විසින්. Paul V. Seetachitt කියන කෙනා තමයි කතාව ලියලා තියෙන්නේ. Mark-Paul Gosselaar, Claire Forlani සහ අපි හැමෝම දන්න Bruce Willis තමයි මේ චිත්‍රපටියේ ප්‍රධාන චරිත වලට රඟපාන්නේ. ඊට අමතරව John Brotherton, Lydia Hull, Jenna B. Kelly යන අය රංගනයෙන් දායක වෙනවා. මේක Action ගනයේ ෆිල්ම් එකක්. මේකට 5.0/10 ක IMDb අගයක් තමයි ලැබිල තියෙන්නෙ.
එහෙනම් කතාව පැත්තට යමු. මිනීමැරුම් අපරාධ ලොක්කෙක් වන එඩී (Bruce Willis) සැලසුම් කරන මංකොල්ලයක් වැරදෙනවා. මේකට කැරන් කියන තැනැත්තිය තමයි සම්බන්ධ වෙන්නෙ. එඩී මේ තැනැත්තිය ලුහුබඳිනවා. ඊට පස්සේ එඩීගේ විස්වාසය නැවත දිනාගන්න කරන මැණික් මංකොල්ලයකදී කැරන් එයාගේ පරන පෙම්වතෙක් වන ජැක්ව හොයාගෙන යනවා. අවසානයේදි පක්ෂපාතීත්වය සහ ද්‍රෝහී වීම් හමුවේ මොවුන් තිදෙනාගේ ගේ ජීවිත වල ඉරණම කොහොම විසඳෙනවද කියලා බලාගන්න ඉතින් ඔයාලට මේ ෆිල්ම් එක බලන්නම වෙනවා. එහෙනම් ඉතින් ඔයාලගේ අදහස් මොනාහරි තියනවනම් දාලා යන්න කියලා කියන ගමන් නැවතත් මේ වගේ උපසිරසියකින් ඔයාලා මුණගැහෙනකන් ගිහින් එන්නම් හැමෝටම ජය වේවා!
1792 downloads
