ඔන්න එහෙනම් කතා මාලාවෙ අවසාන එපියත් අරං තමයි මම අද ආවෙ. ටිකක් පරක්කු වුණා. සමාවෙන්න. ඉතිං මුලින්ම කියන්න ඕනෙ මේ කතා මාලාව මට වෙන් කරලා දුන්න අපේ සමීර අයියට ස්තූතියි කියල. මේ කතා මාලාව NBC නාලිකාවේ 2015 සැප්තැම්බර් 24 පළවෙනි එපිය නිකුත් වුණාට පස්සෙ අතර මැද මාසයක පමණ නිවාඩුවකුත් අරං පුරා මාස හතරක පමණ කාලයක් විකාශය වුණා. එපි 13කින් සමවිත මේ කතා මාලාව පුරාවටම 7.2ක IMDB අගයක් ලබාගන්නත් සමත් වුණා. මේ එපියට දැනට අරං තියන අගය 7.9ක් වෙනව. කථා මාලාව සාරාංශයක් විදිහට ගත්තොත් මිනිසාගේ පරිණාමයේ ප්‍රතිඵලයක් හැටියට මිනිසාගෙන් ඇතැම් අයට විශේෂ බලයන් සහිතව උපදිනව. මේ බලයන් සහිත මිනිස්සු ඊවෝ වරුන් හෙවත් පරිණාමය වූ මිනිසුන් ලෙස හඳුන්වනව. සාමාන්‍ය මිනිස්සු සහ ඊවෝ වරු අතර ව්‍යාජ හේතූන් මත හටගන්නා ගැටුමක් සහ ලෝකයට සිදුවන්නට යන මහා විපතක් නැතහොත් ලෝක විනාශය පදනම් කරගෙන ගොඩ නැගුන කතා මාලාවක් ලෙස හඳුන්වන්න පුළුවන්. මෙම ගැටුම් ඇති කරන්න හදපු අයගේ ඇත්ත තත්ත්වය දැන් නම් හෙළි වෙලා තියෙන්නෙ. ලෝකය විනාශ වෙන්න තවත් පුංචි වෙලාවක් ඉතුරු වෙලා තියෙද්දි ලෝකය බේරගන්න ඊවෝ කණ්ඩායම විශේෂයෙන් මලීන, ටොමී උත්සහ කර කර ඉන්නෙ. අද කොටස තුළින් කථාවට මොකක් වෙයිද? මේ එපිය නම් සුපිරිම එපියක්. කලින් කථා වල අපැහැදිලි තැන් ඔක්කොම ලස්සනට ගලපල කරපු එපියක්. ඒ වගේම පළවෙනි කතා සමය මෙතනින් අවසන් වුණත් දෙවැන්නකට මඟ විවර කරල තමයි අවසන් වෙන්නෙ. මං ඒ ගැන ටිකක් කියන්නම්.
මේ වෙද්දි කාලය සහ අවකාශයේ පාලකයා සිරගත කරල ඉන්නෙ. හැබැයි මේ සිරගත කිරීම නිසා ටොමී අලුත් ගොඩක් වැදගත් දෙයක් ඉගෙනගන්නව. ඒ මොකක්ද? එතකොට එකපාර අතුරුදන් වුණ නෝවා බෙනට් කෝ? අපොයි… එයත් ඉන්නව. එයාට ඇත්තටම මොකද වුණේ? කථාව බලාගෙන යද්දි හිතෙයි හරිම පොඩි වෙලාවක්නෙ ගත වෙලා තියෙන්නෙ කියලත්. එරිකා ක්‍රාවිඩ්ගෙ ගේට්වේ ව්‍යාපෘතිය සාර්ථක ලෙස කරල කට්ටිය අනාගතයට ගෙනියන්න පුළුවන් වෙයිද? ෆීබි නොනැවතී දිගින් දිගටම මලීනට කරදර කරනව. එයාගෙ අවසානය කොහොම වෙයිද? ඒ වගේම සියදිවි හානි කරගන්න ගියපු ලූක්ගේ දෛවය වෙනස් කරල මලීන කරපු දෙයින් පස්සෙ ලූක් මොන වගේ දේකට අවසානයේ පත් වෙයිද? වෙඩි වැදුන ෆාර ජීවත් වෙනවද? ඔරලෝසු කණුවක් යට ලෝකය බේරගන්නව කියන අනාවැකිය කෙබඳු වෙයිද? ලෝක විනාශය වෙයිද? එහෙනම් කට්ටියම එපිය බලන්නකෝ… තවත් උපසිරැසියකින් හමුවෙමු. ජය වේවා!!!
268 downloads
<< Previous Episode All Episodes Next Episode >>